១. វិភង្គវារោ

ហេតុបច្ចយោ

១៨. អាចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ ហេតុបច្ចយា – អាចយគាមិំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា. (១)

អាចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា – អាចយគាមី ខន្ធេ បច្ចយា ចិត្តសមុដ្ឋានំ រូបំ. (២)

អាចយគាមិំ ធម្មំ បច្ចយា អាចយគាមី ច នេវាចយគាមិនាបចយគាមី ច ធម្មា ឧប្បជ្ជន្តិ ហេតុបច្ចយា – អាចយគាមិំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

អបចយគាមិំ ធម្មំ បច្ចយា អបចយគាមី ធម្មោ… តីណិ.

១៩. នេវាចយគាមិនាបចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា – នេវាចយគាមិនាបចយគាមិំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ បច្ចយា…បេ… វត្ថុំ បច្ចយា នេវាចយគាមិនាបចយគាមី ខន្ធា. (១)

នេវាចយគាមិនាបចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ ហេតុបច្ចយា – វត្ថុំ បច្ចយា អាចយគាមី ខន្ធា. (២)

នេវាចយគាមិនាបចយគាមិំ ធម្មំ បច្ចយា អបចយគាមី ធម្មោ ឧប្បជ្ជតិ ហេតុបច្ចយា – វត្ថុំ បច្ចយា អបចយគាមី ខន្ធា. (៣)

នេវាចយគាមិនាបចយគាមិំ ធម្មំ បច្ចយា អាចយគាមី ច នេវាចយគាមិនាបចយគាមី ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា អាចយគាមី ខន្ធា, មហាភូតេ បច្ចយា ចិត្តសមុដ្ឋានំ រូបំ. (៤)

នេវាចយគាមិនាបចយគាមិំ ធម្មំ បច្ចយា អបចយគាមី ច នេវាចយគាមិនាបចយគាមី ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា អបចយគាមី ខន្ធា, មហាភូតេ បច្ចយា ចិត្តសមុដ្ឋានំ រូបំ. (៥)

២០. អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អាចយគាមី ធម្មោ ឧប្បជ្ជតិ ហេតុបច្ចយា – អាចយគាមិំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ…. (១)

អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា – អាចយគាមី ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អាចយគាមី ច នេវាចយគាមិនាបចយគាមី ច ធម្មា ឧប្បជ្ជន្តិ ហេតុបច្ចយា – អាចយគាមិំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… អាចយគាមី ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

អបចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អបចយគាមី ធម្មោ… តីណិ.

អារម្មណបច្ចយោ

២១. អាចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ អារម្មណបច្ចយា – អាចយគាមិំ ឯកំ ខន្ធំ បច្ចយា…បេ…. (១)

អបចយគាមិំ ធម្មំ បច្ចយា អបចយគាមី ធម្មោ… ឯកំ.

នេវាចយគាមិនាបចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ អារម្មណបច្ចយា… នេវាចយគាមិនាបចយគាមិំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ… វត្ថុំ បច្ចយា ខន្ធា, ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ. វត្ថុំ បច្ចយា នេវាចយគាមិនាបចយគាមី ខន្ធា. (១)

នេវាចយគាមិនាបចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា អាចយគាមី ខន្ធា. (២)

នេវាចយគាមិនាបចយគាមិំ ធម្មំ បច្ចយា អបចយគាមី ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា អបចយគាមី ខន្ធា. (៣)

អាចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អាចយគាមី ធម្មោ ឧប្បជ្ជតិ អារម្មណបច្ចយា – អាចយគាមិំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ…. (១)

អបចយគាមិញ្ច នេវាចយគាមិនាបចយគាមិញ្ច ធម្មំ បច្ចយា អបចយគាមី ធម្មោ ឧប្បជ្ជតិ អារម្មណបច្ចយា – អបចយគាមិំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ…. (១)

អធិបតិបច្ចយោ

២២. អាចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ អធិបតិបច្ចយា… តីណិ.

អបចយគាមិំ ធម្មំ បច្ចយា អបចយគាមី ធម្មោ… តីណិ.

នេវាចយគាមិនាបចយគាមិំ ធម្មំ បច្ចយា នេវាចយគាមិនាបចយគាមី ធម្មោ… ឯកំ…បេ… វត្ថុំ បច្ចយា នេវាចយគាមិនាបចយគាមី ខន្ធា.

នេវាចយគាមិនាបចយគាមិំ ធម្មំ បច្ចយា អាចយគាមី ធម្មោ…បេ… (ឥធាបិ ឃដនា ហេតុសទិសា).

អនន្តរបច្ចយាទិ

២៣. អាចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ អនន្តរបច្ចយា… សមនន្តរបច្ចយា… សហជាតបច្ចយា… តីណិ.

អបចយគាមិំ ធម្មំ បច្ចយា អបចយគាមី ធម្មោ… តីណិ.

នេវាចយគាមិនាបចយគាមិំ ធម្មំ បច្ចយា នេវាចយគាមិនាបចយគាមី ធម្មោ ឧប្បជ្ជតិ សហជាតបច្ចយា – នេវាចយគាមិនាបចយគាមិំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… អសញ្ញសត្តានំ ឯកំ មហាភូតំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ. វត្ថុំ បច្ចយា…បេ…. (១)

នេវាចយគាមិនាបចយគាមិំ ធម្មំ បច្ចយា អាចយគាមី ធម្មោ ឧប្បជ្ជតិ សហជាតបច្ចយា (សំខិត្តំ, សព្ពេ ឃដនា កាតព្ពា).

អញ្ញមញ្ញបច្ចយាទិ

២៤. អបចយគាមិំ ធម្មំ បច្ចយា អបចយគាមី ធម្មោ ឧប្បជ្ជតិ អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា… កម្មបច្ចយា… វិបាកបច្ចយា… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា.