២២. ពាវីសតិមវគ្គោ

(២១២-៤) ៥-៧. តិស្សោបិកថា

៨៩៨. អត្ថិ គព្ភសេយ្យាយ អរហត្តប្បត្តីតិ? អាមន្តា. សុត្តស្ស បមត្តស្ស មុដ្ឋស្សតិស្ស អសម្បជានស្ស អរហត្តប្បត្តីតិ? ន ហេវំ វត្តព្ពេ…បេ….

៨៩៩. អត្ថិ សុបិនគតស្ស ធម្មាភិសមយោតិ? អាមន្តា. សុត្តស្ស បមត្តស្ស មុដ្ឋស្សតិស្ស អសម្បជានស្ស ធម្មាភិសមយោតិ? ន ហេវំ វត្តព្ពេ…បេ….

៩០០. អត្ថិ សុបិនគតស្ស អរហត្តប្បត្តីតិ? អាមន្តា. សុត្តស្ស បមត្តស្ស មុដ្ឋស្សតិស្ស អសម្បជានស្ស អរហត្តប្បត្តីតិ? ន ហេវំ វត្តព្ពេ…បេ….

តិស្សោបិកថា និដ្ឋិតា.