(១៤១) ៦. បរិយុដ្ឋានំ ចិត្តវិប្បយុត្តន្តិកថា

៧០២. បរិយុដ្ឋានំ ចិត្តវិប្បយុត្តន្តិ? អាមន្តា. រូបំ និព្ពានំ ចក្ខាយតនំ…បេ… ផោដ្ឋព្ពាយតនន្តិ? ន ហេវំ វត្តព្ពេ…បេ… បរិយុដ្ឋានំ ចិត្តវិប្បយុត្តន្តិ? អាមន្តា. នត្ថិ សរាគំ ចិត្តំ សទោសំ ចិត្តំ សមោហំ ចិត្តំ…បេ… អកុសលំ ចិត្តំ សំកិលិដ្ឋំ ចិត្តន្តិ? ន ហេវំ វត្តព្ពេ…បេ… ននុ អត្ថិ សរាគំ ចិត្តំ សទោសំ ចិត្តំ សមោហំ ចិត្តំ…បេ… អកុសលំ ចិត្តំ សំកិលិដ្ឋំ ចិត្តន្តិ? អាមន្តា. ហញ្ចិ អត្ថិ សរាគំ ចិត្តំ សទោសំ ចិត្តំ សមោហំ ចិត្តំ…បេ… អកុសលំ ចិត្តំ សំកិលិដ្ឋំ ចិត្តំ, នោ ច វត រេ វត្តព្ពេ – ‘‘បរិយុដ្ឋានំ ចិត្តវិប្បយុត្ត’’ន្តិ.

បរិយុដ្ឋានំ ចិត្តវិប្បយុត្តន្តិកថា និដ្ឋិតា.