៨. វិប្បយុត្តេនសម្បយុត្តបទនិទ្ទេសោ

៣១៧. រូបក្ខន្ធេន យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ.

៣១៨. វេទនាក្ខន្ធេន យេ ធម្មា… សញ្ញាក្ខន្ធេន យេ ធម្មា… សង្ខារក្ខន្ធេន យេ ធម្មា… វិញ្ញាណក្ខន្ធេន យេ ធម្មា…បេ… សរណេហិ ធម្មេហិ យេ ធម្មា… អរណេហិ ធម្មេហិ យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ.

ធម្មាយតនំ ធម្មធាតុ, អថ ជីវិតំ នាមរូបំ;

សឡាយតនំ ជាតិជរាមតំ, ទ្វេ ច តិកេ ន លព្ភរេ.

បឋមន្តរេ សត្ត ច, គោច្ឆកេ ទស អបរន្តេ;

ចុទ្ទស ឆ ច មត្ថកេ, ឥច្ចេតេ សត្តចត្តាលីស ធម្មា;

សមុច្ឆេទេ ន លព្ភន្តិ, មោឃបុច្ឆកេន ចាតិ.

វិប្បយុត្តេនសម្បយុត្តបទនិទ្ទេសោ អដ្ឋមោ.