២. អាយតនំ

២៣១. ចក្ខាយតនំ…បេ… ផោដ្ឋព្ពាយតនំ…បេ… សម្បយុត្តន្តិ? នត្ថិ. កតិហិ វិប្បយុត្តំ? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៣២. មនាយតនំ តីហិ ខន្ធេហិ សម្បយុត្តំ; ឯកេនាយតនេន ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.