មោគ្គល្លានសំយុត្ត

សក្កសុត្ត

បុច្ឆា – មោគ្គល្លានសំយុត្តេ អាវុសោ ទសមំ សំគីតំ សក្កសុត្តំ កត្ថ កំ អារព្ភ កេន កថញ្ច ភាសិតំ.

វិស្សជ្ជនា – ទេវេសុ ភន្តេ តាវតិំសេសុ សក្កំ ទេវានមិន្ទំ អារព្ភ ‘‘សាធុ ខោ ទេវានមិន្ទ ពុទ្ធសរណគមនំ ហោតិ, ពុទ្ធសរណគមនហេតុ ខោ ទេវានមិន្ទ ឯវមិធេកច្ចេ សត្តា កាយស្ស ភេទា បរំ មរណា សុគតិំ សគ្គំ លោកំ ឧបបជ្ជន្តី’’តិ ឯវមាទិនា ភន្តេ អាយស្មតា មហាមោគ្គល្លានត្ថេរេន ភាសិតំ.