៣. កាលទ្ធាន+មច្ចន្តសំយោគេ

កាលទ្ធានំ ទព្ព+គុណ+ក្រិយាហិ អច្ចន្តសំយោគេ តេហិ កាលទ្ធានវាចីហិ ទុតិយា ហោតិ. កាលេ-សត្តាហំ គវបានំ, មាសំ មំសោទនំ, សរទំ រមណីយា នទី, សព្ពកាលំ រមណីយំ នន្ទនំ, តយោ មាសេ អភិធម្មំ ទេសេតិ. អទ្ធនិ-យោជនំ វនរាជិ, យោជនំ ទីឃោ បព្ពតោ, កោសំ សជ្ឈាយតិ.

បុព្ពន្ហសមយំ និវាសេត្វា, ឯកំ សមយំ ភគវា, ឥមំ រត្តិំ ចត្តារោ មហារាជានោតិ ឯវមាទីសុ កាលវាចីហិ អច្ចន្តសំយោគេ ទុតិយា, ពហុលំវិធានា វិភត្តិវិបល្លាសោ វា. មាសេនា+នុវាកោ+ធីតោ, កោសេនា+នុវាកោ+ធីតោតិ ករណត្ថេ តតិយា.