២៤. ចតុត្ថី សម្បទានេ

អចេតនំ សចេតនំ វា បដិគ្គាហកភាវេនា+បេក្ខិតំ, តំ សម្បទានំ, តញ្ច ទា-ទានេតិ ធាតុតោ ព្យប្បេន យុត្តមេវ, តត្ថ ចតុត្ថី ហោតិ. តញ្ច ទីយមានស្ស វត្ថុនោ អនិវារណ+ជ្ឈេសនា+នុមតិតោ តិវិធោ, យថា ពុទ្ធស្ស បុប្ផំ ទេតិ, ពោធិរុក្ខស្ស ជលំ ទេតិ, យាចកស្ស ធនំ ទេតិ, ភិក្ខូនំ ទានំ ទេតិ.

អនិរាករណា+រាធ-ន+ព្ភនុញ្ញវសេន ហិ;

សម្បទានំ តិធា វុត្តំ, រុក្ខ+យាចក+ភិក្ខវោ.

អាធារវិវក្ខាយំ សត្តមីបិ, សង្ឃេ គោតមិ ទេហិ, សង្ឃេ ទិន្នេ អហញ្ចេវ បូជិតោ ភវិស្សាមិ, យា បលាលមយំ មាលំ, នារី ទត្វាន ចេតិយេតិ.