៧. បឋមពន្ធនសុត្តំ

១៧. ‘‘អដ្ឋហិ, ភិក្ខវេ, អាការេហិ ឥត្ថី បុរិសំ ពន្ធតិ. កតមេហិ អដ្ឋហិ? រុណ្ណេន, ភិក្ខវេ, ឥត្ថី បុរិសំ ពន្ធតិ; ហសិតេន, ភិក្ខវេ, ឥត្ថី បុរិសំ ពន្ធតិ; ភណិតេន, ភិក្ខវេ, ឥត្ថី បុរិសំ ពន្ធតិ; អាកប្បេន, ភិក្ខវេ, ឥត្ថី បុរិសំ ពន្ធតិ; វនភង្គេន, ភិក្ខវេ, ឥត្ថី បុរិសំ ពន្ធតិ; គន្ធេន, ភិក្ខវេ, ឥត្ថី បុរិសំ ពន្ធតិ; រសេន, ភិក្ខវេ, ឥត្ថី បុរិសំ ពន្ធតិ; ផស្សេន, ភិក្ខវេ, ឥត្ថី បុរិសំ ពន្ធតិ. ឥមេហិ ខោ, ភិក្ខវេ, អដ្ឋហាការេហិ ឥត្ថី បុរិសំ ពន្ធតិ. តេ, ភិក្ខវេ, សត្តា សុពទ្ធា [សុពន្ធា (សី. ស្យា. ក.)], យេ [យេវ (ស្យា. បី. ក.)] ផស្សេន ពទ្ធា’’តិ [ពន្ធាតិ (សី. ស្យា. ក.)]. សត្តមំ.