១១. រាគបេយ្យាលំ

៦២៣. ‘‘រាគស្ស, ភិក្ខវេ, អភិញ្ញាយ សត្ត ធម្មា ភាវេតព្ពា. កតមេ សត្ត? សតិសម្ពោជ្ឈង្គោ…បេ… ឧបេក្ខាសម្ពោជ្ឈង្គោ – រាគស្ស, ភិក្ខវេ, អភិញ្ញាយ ឥមេ សត្ត ធម្មា ភាវេតព្ពា’’តិ.

៦២៤. ‘‘រាគស្ស, ភិក្ខវេ, អភិញ្ញាយ សត្ត ធម្មា ភាវេតព្ពា. កតមេ សត្ត? អនិច្ចសញ្ញា, អនត្តសញ្ញា, អសុភសញ្ញា, អាទីនវសញ្ញា, បហានសញ្ញា, វិរាគសញ្ញា, និរោធសញ្ញា – រាគស្ស, ភិក្ខវេ, អភិញ្ញាយ ឥមេ សត្ត ធម្មា ភាវេតព្ពា’’តិ.

៦២៥. ‘‘រាគស្ស, ភិក្ខវេ, អភិញ្ញាយ សត្ត ធម្មា ភាវេតព្ពា. កតមេ សត្ត? អសុភសញ្ញា, មរណសញ្ញា, អាហារេ បដិកូលសញ្ញា, សព្ពលោកេ អនភិរតសញ្ញា, អនិច្ចសញ្ញា, អនិច្ចេ ទុក្ខសញ្ញា, ទុក្ខេ អនត្តសញ្ញា – រាគស្ស, ភិក្ខវេ, អភិញ្ញាយ ឥមេ សត្ត ធម្មា ភាវេតព្ពា’’តិ.

៦២៦-៦៥២. ‘‘រាគស្ស, ភិក្ខវេ, បរិញ្ញាយ…បេ… បរិក្ខយាយ… បហានាយ… ខយាយ… វយាយ… វិរាគាយ… និរោធាយ… ចាគាយ…បេ… បដិនិស្សគ្គាយ ឥមេ សត្ត ធម្មា ភាវេតព្ពា’’តិ.

៦៥៣-១១៣២. ‘‘ទោសស្ស…បេ… មោហស្ស… កោធស្ស… ឧបនាហស្ស… មក្ខស្ស… បឡាសស្ស… ឥស្សាយ… មច្ឆរិយស្ស… មាយាយ… សាឋេយ្យស្ស… ថម្ភស្ស… សារម្ភស្ស… មានស្ស… អតិមានស្ស… មទស្ស… បមាទស្ស អភិញ្ញាយ…បេ… បរិញ្ញាយ… បរិក្ខយាយ… បហានាយ… ខយាយ… វយាយ… វិរាគាយ… និរោធាយ… ចាគាយ… បដិនិស្សគ្គាយ ឥមេ សត្ត ធម្មា ភាវេតព្ពា’’តិ.

ឥទមវោច ភគវា. អត្តមនា តេ ភិក្ខូ ភគវតោ ភាសិតំ អភិនន្ទុន្តិ.

រាគបេយ្យាលំ និដ្ឋិតំ.