៣. តបុស្សសុត្តំ

១១៩. ‘‘ឆហិ, ភិក្ខវេ, ធម្មេហិ សមន្នាគតោ តបុស្សោ [តបស្សោ (បី.) អ. និ. ១.២៤៨] គហបតិ តថាគតេ និដ្ឋង្គតោ អមតទ្ទសោ អមតំ សច្ឆិកត្វា ឥរិយតិ. កតមេហិ ឆហិ? ពុទ្ធេ អវេច្ចប្បសាទេន, ធម្មេ អវេច្ចប្បសាទេន, សង្ឃេ អវេច្ចប្បសាទេន, អរិយេន សីលេន, អរិយេន ញាណេន, អរិយាយ វិមុត្តិយា. ឥមេហិ ខោ, ភិក្ខវេ, ឆហិ ធម្មេហិ សមន្នាគតោ តបុស្សោ គហបតិ តថាគតេ និដ្ឋង្គតោ អមតទ្ទសោ អមតំ សច្ឆិកត្វា ឥរិយតី’’តិ. តតិយំ.