៨. ទុតិយនិរយសុត្តំ

៨២. ‘‘ឆហិ, ភិក្ខវេ, ធម្មេហិ សមន្នាគតោ យថាភតំ និក្ខិត្តោ ឯវំ និរយេ. កតមេហិ ឆហិ [មុសាវាទី ហោតិ, បិសុណវាចា ហោតិ, ផរុសវាចោ ហោតិ, សម្ផប្បលាបី ហោតិ, (សី. ស្យា. បី.) ឯវំ សុក្កបក្ខេបិ]? បាណាតិបាតី ហោតិ, អទិន្នាទាយី ហោតិ, កាមេសុមិច្ឆាចារី ហោតិ, មុសាវាទី ហោតិ [មុសាវាទី ហោតិ, បិសុណវាចា ហោតិ, ផរុសវាចោ ហោតិ, សម្ផប្បលាបី ហោតិ, (សី. ស្យា. បី.) ឯវំ សុក្កបក្ខេបិ], លុទ្ធោ ច, បគព្ភោ ច. ឥមេហិ ខោ, ភិក្ខវេ, ឆហិ ធម្មេហិ សមន្នាគតោ យថាភតំ និក្ខិត្តោ ឯវំ និរយេ.

‘‘ឆហិ, ភិក្ខវេ, ធម្មេហិ សមន្នាគតោ យថាភតំ និក្ខិត្តោ ឯវំ សគ្គេ. កតមេហិ ឆហិ? បាណាតិបាតា បដិវិរតោ ហោតិ, អទិន្នាទានា បដិវិរតោ ហោតិ, កាមេសុមិច្ឆាចារា បដិវិរតោ ហោតិ, មុសាវាទា បដិវិរតោ ហោតិ, អលុទ្ធោ ច, អប្បគព្ភោ ច. ឥមេហិ ខោ ភិក្ខវេ ឆហិ ធម្មេហិ សមន្នាគតោ យថាភតំ និក្ខិត្តោ ឯវំ សគ្គេ’’តិ. អដ្ឋមំ.