៦. អាហុនេយ្យសុត្តំ

១៦. ‘‘ទសយិមេ, ភិក្ខវេ, បុគ្គលា អាហុនេយ្យា បាហុនេយ្យា ទក្ខិណេយ្យា អញ្ជលិករណីយា អនុត្តរំ បុញ្ញក្ខេត្តំ លោកស្ស. កតមេ ទស? តថាគតោ អរហំ សម្មាសម្ពុទ្ធោ, បច្ចេកពុទ្ធោ, ឧភតោភាគវិមុត្តោ, បញ្ញាវិមុត្តោ, កាយសក្ខី, ទិដ្ឋិប្បត្តោ, សទ្ធាវិមុត្តោ, សទ្ធានុសារី, ធម្មានុសារី, គោត្រភូ – ឥមេ ខោ, ភិក្ខវេ, ទស បុគ្គលា អាហុនេយ្យា…បេ… អនុត្តរំ បុញ្ញក្ខេត្តំ លោកស្សា’’តិ. ឆដ្ឋំ.