꧑꧒. ꦢ꧀ꦮꦴꦢꦱꦩꦱꦶꦏ꧀ꦑꦴꦥꦢꦁ

꧑꧒꧑꧙. ꦠꦺꦤ ꦱꦩꦪꦺꦤ ꦧꦸꦢ꧀ꦣꦺꦴ ꦨꦒꦮꦴ ꦱꦴꦮꦠ꧀ꦡꦶꦪꦁ ꦮꦶꦲꦫꦠꦶ ꦗꦺꦠꦮꦤꦺ ꦄꦤꦴꦡꦥꦶꦟ꧀ꦝꦶꦏꦱ꧀ꦱ ꦄꦴꦫꦴꦩꦺ. ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦨꦶꦏ꧀ꦑꦸꦤꦶꦪꦺꦴ ꦄꦤꦺꦴꦏꦴꦱꦏꦠꦁ ꦨꦶꦏ꧀ꦑꦸꦁ ꦥꦚ꧀ꦲꦁ ꦥꦸꦕ꧀ꦖꦤ꧀ꦠꦶ. ꦨꦶꦏ꧀ꦑꦹ ꦈꦗ꧀ꦙꦴꦪꦤ꧀ꦠꦶ ꦑꦶꦪ꧀ꦪꦤ꧀ꦠꦶ ꦮꦶꦥꦴꦕꦺꦤ꧀ꦠꦶ – ‘‘ꦏꦡꦚ꧀ꦲꦶ ꦤꦴꦩ ꦨꦶꦏ꧀ꦑꦸꦤꦶꦪꦺꦴ ꦄꦤꦺꦴꦏꦴꦱꦏꦠꦁ ꦨꦶꦏ꧀ꦑꦸꦁ ꦥꦚ꧀ꦲꦁ ꦥꦸꦕ꧀ꦖꦶꦱ꧀ꦱꦤ꧀ꦠꦷ’’ꦠꦶ…ꦥꦺ… ꦱꦕ꧀ꦕꦁ ꦏꦶꦫ, ꦨꦶꦏ꧀ꦑꦮꦺ, ꦨꦶꦏ꧀ꦑꦸꦤꦶꦪꦺꦴ ꦄꦤꦺꦴꦏꦴꦱꦏꦠꦁ ꦨꦶꦏ꧀ꦑꦸꦁ ꦥꦚ꧀ꦲꦁ ꦥꦸꦕ꧀ꦖꦤ꧀ꦠꦷꦠꦶ? ‘‘ꦱꦕ꧀ꦕꦁ, ꦨꦒꦮꦴ’’ꦠꦶ. ꦮꦶꦒꦫꦲꦶ ꦧꦸꦢ꧀ꦣꦺꦴ ꦨꦒꦮꦴ…ꦥꦺ… ꦏꦡꦚ꧀ꦲꦶ ꦤꦴꦩ, ꦨꦶꦏ꧀ꦑꦮꦺ, ꦨꦶꦏ꧀ꦑꦸꦤꦶꦪꦺꦴ ꦄꦤꦺꦴꦏꦴꦱꦏꦠꦁ ꦨꦶꦏ꧀ꦑꦸꦁ ꦥꦚ꧀ꦲꦁ ꦥꦸꦕ꧀ꦖꦶꦱ꧀ꦱꦤ꧀ꦠꦶ! ꦤꦺꦠꦁ, ꦨꦶꦏ꧀ꦑꦮꦺ, ꦄꦥ꧀ꦥꦱꦤ꧀ꦤꦴꦤꦁ ꦮꦴ ꦥꦱꦴꦢꦴꦪ…ꦥꦺ… ꦌꦮꦚ꧀ꦕ ꦥꦤ, ꦨꦶꦏ꧀ꦑꦮꦺ, ꦨꦶꦏ꧀ꦑꦸꦤꦶꦪꦺꦴ ꦆꦩꦁ ꦱꦶꦏ꧀ꦑꦴꦥꦢꦁ ꦈꦢ꧀ꦢꦶꦱꦤ꧀ꦠꦸ –

꧑꧒꧒꧐. ‘‘ꦪꦴ ꦥꦤ ꦨꦶꦏ꧀ꦑꦸꦤꦷ ꦄꦤꦺꦴꦏꦴꦱꦏꦠꦁ ꦨꦶꦏ꧀ꦑꦸꦁ ꦥꦚ꧀ꦲꦁ ꦥꦸꦕ꧀ꦖꦺꦪ꧀ꦪ, ꦥꦴꦕꦶꦠ꧀ꦠꦶꦪ’’ꦤ꧀ꦠꦶ.

꧑꧒꧒꧑. ꦪꦴ ꦥꦤꦴꦠꦶ ꦪꦴ ꦪꦴꦢꦶꦱꦴ…ꦥꦺ… ꦨꦶꦏ꧀ꦑꦸꦤꦷꦠꦶ…ꦥꦺ… ꦄꦪꦁ ꦆꦩꦱ꧀ꦩꦶꦁ ꦄꦠ꧀ꦡꦺ ꦄꦣꦶꦥ꧀ꦥꦺꦠꦴ ꦨꦶꦏ꧀ꦑꦸꦤꦷꦠꦶ.

ꦄꦤꦺꦴꦏꦴꦱꦏꦠꦤ꧀ꦠꦶ ꦄꦤꦴꦥꦸꦕ꧀ꦖꦴ. ꦨꦶꦏ꧀ꦑꦸꦤ꧀ꦠꦶ ꦈꦥꦱꦩ꧀ꦥꦤ꧀ꦤꦁ. ꦥꦚ꧀ꦲꦁ ꦥꦸꦕ꧀ꦖꦺꦪ꧀ꦪꦴꦠꦶ ꦱꦸꦠ꧀ꦠꦤ꧀ꦠꦺ ꦎꦏꦴꦱꦁ ꦏꦴꦫꦴꦥꦺꦠ꧀ꦮꦴ ꦮꦶꦤꦪꦁ ꦮꦴ ꦄꦨꦶꦣꦩ꧀ꦩꦁ ꦮꦴ ꦥꦸꦕ꧀ꦖꦠꦶ, ꦄꦴꦥꦠ꧀ꦠꦶ ꦥꦴꦕꦶꦠ꧀ꦠꦶꦪꦱ꧀ꦱ. ꦮꦶꦤꦪꦺ ꦎꦏꦴꦱꦁ ꦏꦴꦫꦴꦥꦺꦠ꧀ꦮꦴ ꦱꦸꦠ꧀ꦠꦤ꧀ꦠꦁ ꦮꦴ ꦄꦨꦶꦣꦩ꧀ꦩꦁ ꦮꦴ ꦥꦸꦕ꧀ꦖꦠꦶ, ꦄꦴꦥꦠ꧀ꦠꦶ ꦥꦴꦕꦶꦠ꧀ꦠꦶꦪꦱ꧀ꦱ. ꦄꦨꦶꦣꦩ꧀ꦩꦺ ꦎꦏꦴꦱꦁ ꦏꦴꦫꦴꦥꦺꦠ꧀ꦮꦴ ꦱꦸꦠ꧀ꦠꦤ꧀ꦠꦁ ꦮꦴ ꦮꦶꦤꦪꦁ ꦮꦴ ꦥꦸꦕ꧀ꦖꦠꦶ, ꦄꦴꦥꦠ꧀ꦠꦶ ꦥꦴꦕꦶꦠ꧀ꦠꦶꦪꦱ꧀ꦱ.

꧑꧒꧒꧒. ꦄꦤꦴꦥꦸꦕ꧀ꦖꦶꦠꦺ ꦄꦤꦴꦥꦸꦕ꧀ꦖꦶꦠꦱꦚ꧀ꦚꦴ ꦥꦚ꧀ꦲꦁ ꦥꦸꦕ꧀ꦖꦠꦶ, ꦄꦴꦥꦠ꧀ꦠꦶ ꦥꦴꦕꦶꦠ꧀ꦠꦶꦪꦱ꧀ꦱ. ꦄꦤꦴꦥꦸꦕ꧀ꦖꦶꦠꦺ ꦮꦺꦩꦠꦶꦏꦴ ꦥꦚ꧀ꦲꦁ ꦥꦸꦕ꧀ꦖꦠꦶ, ꦄꦴꦥꦠ꧀ꦠꦶ ꦥꦴꦕꦶꦠ꧀ꦠꦶꦪꦱ꧀ꦱ. ꦄꦤꦴꦥꦸꦕ꧀ꦖꦶꦠꦺ ꦄꦴꦥꦸꦕ꧀ꦖꦶꦠꦱꦚ꧀ꦚꦴ ꦥꦚ꧀ꦲꦁ ꦥꦸꦕ꧀ꦖꦠꦶ, ꦄꦴꦥꦠ꧀ꦠꦶ ꦥꦴꦕꦶꦠ꧀ꦠꦶꦪꦱ꧀ꦱ.

ꦄꦴꦥꦸꦕ꧀ꦖꦶꦠꦺ ꦄꦤꦴꦥꦸꦕ꧀ꦖꦶꦠꦱꦚ꧀ꦚꦴ, ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ. ꦄꦴꦥꦸꦕ꧀ꦖꦶꦠꦺ ꦮꦺꦩꦠꦶꦏꦴ, ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ. ꦄꦴꦥꦸꦕ꧀ꦖꦶꦠꦺ ꦄꦴꦥꦸꦕ꧀ꦖꦶꦠꦱꦚ꧀ꦚꦴ, ꦄꦤꦴꦥꦠ꧀ꦠꦶ.

꧑꧒꧒꧓. ꦄꦤꦴꦥꦠ꧀ꦠꦶ ꦎꦏꦴꦱꦁ ꦏꦴꦫꦴꦥꦺꦠ꧀ꦮꦴ ꦥꦸꦕ꧀ꦖꦠꦶ, ꦄꦤꦺꦴꦢꦶꦱ꧀ꦱ ꦎꦏꦴꦱꦁ ꦏꦴꦫꦴꦥꦺꦠ꧀ꦮꦴ ꦪꦠ꧀ꦡ ꦏꦠ꧀ꦡꦕꦶ ꦥꦸꦕ꧀ꦖꦠꦶ, ꦈꦩ꧀ꦩꦠ꧀ꦠꦶꦏꦴꦪ, ꦄꦴꦢꦶꦏꦩ꧀ꦩꦶꦏꦴꦪꦴꦠꦶ.

ꦢ꧀ꦮꦴꦢꦱꦩꦱꦶꦏ꧀ꦑꦴꦥꦢꦁ ꦤꦶꦛ꧀ꦜꦶꦠꦁ.