꧑꧐. ꦢꦱꦩꦱꦶꦏ꧀ꦑꦴꦥꦢꦁ

꧘꧗꧙. ꦠꦺꦤ ꦱꦩꦪꦺꦤ ꦧꦸꦢ꧀ꦣꦺꦴ ꦨꦒꦮꦴ ꦱꦴꦮꦠ꧀ꦡꦶꦪꦁ ꦮꦶꦲꦫꦠꦶ ꦗꦺꦠꦮꦤꦺ ꦄꦤꦴꦡꦥꦶꦟ꧀ꦝꦶꦏꦱ꧀ꦱ ꦄꦴꦫꦴꦩꦺ. ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦕꦟ꧀ꦝꦏꦴꦭ꦳ꦷ ꦨꦶꦏ꧀ꦑꦸꦤꦷ ꦨꦶꦏ꧀ꦑꦸꦤꦷꦲꦶ ꦱꦢ꧀ꦣꦶꦁ ꦨꦟ꧀ꦝꦶꦠ꧀ꦮꦴ ꦄꦠ꧀ꦠꦴꦤꦁ ꦮꦣꦶꦠ꧀ꦮꦴ ꦮꦣꦶꦠ꧀ꦮꦴ ꦫꦺꦴꦢꦠꦶ. ꦪꦴ ꦠꦴ ꦨꦶꦏ꧀ꦑꦸꦤꦶꦪꦺꦴ ꦄꦥ꧀ꦥꦶꦕ꧀ꦖꦴ…ꦥꦺ… ꦠꦴ ꦈꦗ꧀ꦙꦴꦪꦤ꧀ꦠꦶ ꦑꦶꦪ꧀ꦪꦤ꧀ꦠꦶ ꦮꦶꦥꦴꦕꦺꦤ꧀ꦠꦶ – ‘‘ꦏꦡꦚ꧀ꦲꦶ ꦤꦴꦩ ꦄꦪ꧀ꦪꦴ ꦕꦟ꧀ꦝꦏꦴꦭ꦳ꦷ ꦄꦠ꧀ꦠꦴꦤꦁ ꦮꦣꦶꦠ꧀ꦮꦴ ꦮꦣꦶꦠ꧀ꦮꦴ ꦫꦺꦴꦢꦶꦱ꧀ꦱꦠꦷ’’ꦠꦶ…ꦥꦺ… ꦱꦕ꧀ꦕꦁ ꦏꦶꦫ, ꦨꦶꦏ꧀ꦑꦮꦺ, ꦕꦟ꧀ꦝꦏꦴꦭ꦳ꦷ ꦨꦶꦏ꧀ꦑꦸꦤꦷ ꦄꦠ꧀ꦠꦴꦤꦁ ꦮꦣꦶꦠ꧀ꦮꦴ ꦮꦣꦶꦠ꧀ꦮꦴ ꦫꦺꦴꦢꦠꦷꦠꦶ? ‘‘ꦱꦕ꧀ꦕꦁ, ꦨꦒꦮꦴ’’ꦠꦶ. ꦮꦶꦒꦫꦲꦶ ꦧꦸꦢ꧀ꦣꦺꦴ ꦨꦒꦮꦴ…ꦥꦺ… ꦏꦡꦚ꧀ꦲꦶ ꦤꦴꦩ, ꦨꦶꦏ꧀ꦑꦮꦺ, ꦕꦟ꧀ꦝꦏꦴꦭ꦳ꦷ ꦨꦶꦏ꧀ꦑꦸꦤꦷ ꦄꦠ꧀ꦠꦴꦤꦁ ꦮꦣꦶꦠ꧀ꦮꦴ ꦮꦣꦶꦠ꧀ꦮꦴ ꦫꦺꦴꦢꦶꦱ꧀ꦱꦠꦶ! ꦤꦺꦠꦁ, ꦨꦶꦏ꧀ꦑꦮꦺ, ꦄꦥ꧀ꦥꦱꦤ꧀ꦤꦴꦤꦁ ꦮꦴ ꦥꦱꦴꦢꦴꦪ…ꦥꦺ… ꦌꦮꦚ꧀ꦕ ꦥꦤ, ꦨꦶꦏ꧀ꦑꦮꦺ, ꦨꦶꦏ꧀ꦑꦸꦤꦶꦪꦺꦴ ꦆꦩꦁ ꦱꦶꦏ꧀ꦑꦴꦥꦢꦁ ꦈꦢ꧀ꦢꦶꦱꦤ꧀ꦠꦸ –

꧘꧘꧐. ‘‘ꦪꦴ ꦥꦤ ꦨꦶꦏ꧀ꦑꦸꦤꦷ ꦄꦠ꧀ꦠꦴꦤꦁ ꦮꦣꦶꦠ꧀ꦮꦴ ꦮꦣꦶꦠ꧀ꦮꦴ ꦫꦺꦴꦢꦺꦪ꧀ꦪ, ꦥꦴꦕꦶꦠ꧀ꦠꦶꦪ’’ꦤ꧀ꦠꦶ.

꧘꧘꧑. ꦪꦴ ꦥꦤꦴꦠꦶ ꦪꦴ ꦪꦴꦢꦶꦱꦴ…ꦥꦺ… ꦨꦶꦏ꧀ꦑꦸꦤꦷꦠꦶ…ꦥꦺ… ꦄꦪꦁ ꦆꦩꦱ꧀ꦩꦶꦁ ꦄꦠ꧀ꦡꦺ ꦄꦣꦶꦥ꧀ꦥꦺꦠꦴ ꦨꦶꦏ꧀ꦑꦸꦤꦷꦠꦶ.

ꦄꦠ꧀ꦠꦴꦤꦤ꧀ꦠꦶ ꦥꦕ꧀ꦕꦠ꧀ꦠꦁ. ꦮꦣꦶꦠ꧀ꦮꦴ ꦮꦣꦶꦠ꧀ꦮꦴ ꦫꦺꦴꦢꦠꦶ, ꦄꦴꦥꦠ꧀ꦠꦶ ꦥꦴꦕꦶꦠ꧀ꦠꦶꦪꦱ꧀ꦱ. ꦮꦣꦠꦶ ꦤ ꦫꦺꦴꦢꦠꦶ, ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ. ꦫꦺꦴꦢꦠꦶ ꦤ ꦮꦣꦠꦶ, ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ.

꧘꧘꧒. ꦄꦤꦴꦥꦠ꧀ꦠꦶ ꦚꦴꦠꦶꦧ꧀ꦪꦱꦤꦺꦤ ꦮꦴ ꦨꦺꦴꦒꦧ꧀ꦪꦱꦤꦺꦤ ꦮꦴ ꦫꦺꦴꦒꦧ꧀ꦪꦱꦤꦺꦤ ꦮꦴ ꦦꦸꦛ꧀ꦜꦴ ꦫꦺꦴꦢꦠꦶ ꦤ ꦮꦣꦠꦶ, ꦈꦩ꧀ꦩꦠ꧀ꦠꦶꦏꦴꦪ, ꦄꦴꦢꦶꦏꦩ꧀ꦩꦶꦏꦴꦪꦴꦠꦶ.

ꦢꦱꦩꦱꦶꦏ꧀ꦑꦴꦥꦢꦁ ꦤꦶꦛ꧀ꦜꦶꦠꦁ.

ꦄꦤ꧀ꦣꦏꦴꦫꦮꦒ꧀ꦒꦺꦴ ꦢꦸꦠꦶꦪꦺꦴ.