꧒꧑꧕. ꦕꦷꦮꦫꦫꦗꦤꦏꦡꦴ

꧓꧔꧔. ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦨꦶꦏ꧀ꦑꦹ ꦖꦏꦟꦺꦤꦥꦶ ꦥꦟ꧀ꦝꦸꦩꦠ꧀ꦠꦶꦏꦴꦪꦥꦶ ꦕꦷꦮꦫꦁ ꦫꦗꦤ꧀ꦠꦶ. ꦕꦷꦮꦫꦁ ꦢꦸꦧ꧀ꦧꦟ꧀ꦟꦁ ꦲꦺꦴꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦖ ꦫꦗꦤꦴꦤꦶ – ꦩꦹꦭꦫꦗꦤꦁ, ꦑꦤ꧀ꦣꦫꦗꦤꦁ, ꦠꦕꦫꦗꦤꦁ, ꦥꦠ꧀ꦠꦫꦗꦤꦁ, ꦥꦸꦥ꧀ꦦꦫꦗꦤꦁ, ꦦꦭꦫꦗꦤꦤ꧀ꦠꦶ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦨꦶꦏ꧀ꦑꦹ ꦱꦷꦠꦸꦢꦏꦴꦪ [ꦱꦷꦠꦸꦤ꧀ꦢꦶꦏꦴꦪ (ꦱꦷ.), ꦱꦷꦠꦹꦢꦏꦴꦪ (ꦱ꧀ꦪꦴ.)] ꦕꦷꦮꦫꦁ ꦫꦗꦤ꧀ꦠꦶ. ꦕꦷꦮꦫꦁ ꦢꦸꦒ꧀ꦒꦤ꧀ꦣꦁ ꦲꦺꦴꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦫꦗꦤꦁ ꦥꦕꦶꦠꦸꦁ ꦕꦸꦭ꧀ꦭꦁ ꦫꦗꦤꦏꦸꦩ꧀ꦨꦶꦤ꧀ꦠꦶ. ꦫꦗꦤꦁ ꦈꦠ꧀ꦠꦫꦶꦪꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦈꦠ꧀ꦠꦫꦴꦭ꦳ꦸꦩ꧀ꦥꦁ [ꦈꦠ꧀ꦠꦫꦴꦭ꦳ꦸꦥꦁ (ꦪꦺꦴꦗꦤꦴ), ꦈꦠ꧀ꦠꦫꦴꦭ꦳ꦸꦥꦁ (ꦱ꧀ꦪꦴ.)] ꦧꦤ꧀ꦣꦶꦠꦸꦤ꧀ꦠꦶ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦨꦶꦏ꧀ꦑꦹ ꦤ ꦗꦴꦤꦤ꧀ꦠꦶ ꦫꦗꦤꦁ ꦥꦏ꧀ꦏꦁ ꦮꦴ ꦄꦥꦏ꧀ꦏꦁ ꦮꦴ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦈꦢꦏꦺ ꦮꦴ ꦤꦑꦥꦶꦛ꧀ꦜꦶꦏꦴꦪ ꦮꦴ ꦡꦺꦮꦏꦁ ꦢꦴꦠꦸꦤ꧀ꦠꦶ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦨꦶꦏ꧀ꦑꦹ ꦫꦗꦤꦁ ꦎꦫꦺꦴꦥꦺꦤ꧀ꦠꦴ ꦏꦸꦩ꧀ꦨꦶꦁ ꦄꦴꦮꦶꦚ꧀ꦖꦤ꧀ꦠꦶ [ꦄꦴꦮꦶꦚ꧀ꦗꦤ꧀ꦠꦶ (ꦱꦷ.), ꦄꦴꦮꦛ꧀ꦛꦤ꧀ꦠꦶ (ꦱ꧀ꦪꦴ.)]. ꦏꦸꦩ꧀ꦨꦷ ꦨꦶꦗ꧀ꦗꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦫꦗꦤꦸꦭ꦳ꦸꦔ꧀ꦏꦁ [ꦫꦗꦤꦴꦭ꦳ꦸꦔ꧀ꦏꦁ (ꦪꦺꦴꦗꦤꦴ)] ꦢꦟ꧀ꦝꦏꦡꦴꦭꦏꦤ꧀ꦠꦶ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦨꦶꦏ꧀ꦑꦹꦤꦁ ꦫꦗꦤꦨꦴꦗꦤꦁ ꦤ ꦱꦁꦮꦶꦗ꧀ꦗꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦫꦗꦤꦏꦺꦴꦭꦩ꧀ꦧꦁ ꦫꦗꦤꦓꦛꦤ꧀ꦠꦶ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦨꦶꦏ꧀ꦑꦹ ꦥꦴꦠꦶꦪꦴꦥꦶ ꦥꦠ꧀ꦠꦺꦥꦶ ꦕꦷꦮꦫꦁ ꦎꦩꦢ꧀ꦢꦤ꧀ꦠꦶ. ꦕꦷꦮꦫꦁ ꦥꦫꦶꦨꦶꦗ꧀ꦗꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦫꦗꦤꦢꦺꦴꦟꦶꦏꦤ꧀ꦠꦶ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦨꦶꦏ꧀ꦑꦹ ꦖꦩꦴꦪ ꦕꦷꦮꦫꦁ ꦥꦠ꧀ꦡꦫꦤ꧀ꦠꦶ. ꦕꦷꦮꦫꦁ ꦥꦁꦱꦸꦏꦶꦠꦁ ꦲꦺꦴꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦠꦶꦟꦱꦤ꧀ꦡꦴꦫꦏꦤ꧀ꦠꦶ.

ꦠꦶꦟꦱꦤ꧀ꦡꦴꦫꦏꦺꦴ ꦈꦥꦕꦶꦏꦴꦲꦶ ꦑꦗ꧀ꦗꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦕꦷꦮꦫꦮꦁꦱꦁ ꦕꦷꦮꦫꦫꦗ꧀ꦗꦸꦤ꧀ꦠꦶ.

ꦩꦗ꧀ꦙꦺꦤ ꦭꦒ꧀ꦒꦺꦤ꧀ꦠꦶ. ꦫꦗꦤꦁ ꦈꦨꦠꦺꦴ ꦒꦭꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦏꦟ꧀ꦟꦺ ꦧꦤ꧀ꦣꦶꦠꦸꦤ꧀ꦠꦶ.

ꦏꦟ꧀ꦟꦺꦴ ꦗꦷꦫꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦏꦟ꧀ꦟꦱꦸꦠ꧀ꦠꦏꦤ꧀ꦠꦶ.

ꦫꦗꦤꦁ ꦌꦏꦠꦺꦴ ꦒꦭꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦱꦩ꧀ꦥꦫꦶꦮꦠ꧀ꦠꦏꦁ ꦱꦩ꧀ꦥꦫꦶꦮꦠ꧀ꦠꦏꦁ ꦫꦗꦺꦠꦸꦁ, ꦤ ꦕ ꦄꦕ꧀ꦖꦶꦤ꧀ꦤꦺ ꦡꦺꦮꦺ ꦥꦏ꧀ꦏꦩꦶꦠꦸꦤ꧀ꦠꦶ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦕꦷꦮꦫꦁ ꦥꦠ꧀ꦡꦶꦤ꧀ꦤꦁ ꦲꦺꦴꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦈꦢꦏꦺ ꦎꦱꦴꦫꦺꦠꦸꦤ꧀ꦠꦶ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦕꦷꦮꦫꦁ ꦦꦫꦸꦱꦁ ꦲꦺꦴꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦥꦴꦟꦶꦤꦴ ꦄꦴꦏꦺꦴꦛꦺꦠꦸꦤ꧀ꦠꦶ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦨꦶꦏ꧀ꦑꦹ ꦄꦕ꧀ꦖꦶꦤ꧀ꦤꦏꦴꦤꦶ ꦕꦷꦮꦫꦴꦤꦶ ꦣꦴꦫꦺꦤ꧀ꦠꦶ ꦢꦤ꧀ꦠꦏꦴꦱꦴꦮꦴꦤꦶ. ꦩꦤꦸꦱ꧀ꦱꦴ ꦈꦗ꧀ꦙꦴꦪꦤ꧀ꦠꦶ ꦑꦶꦪ꧀ꦪꦤ꧀ꦠꦶ ꦮꦶꦥꦴꦕꦺꦤ꧀ꦠꦶ – ꦱꦺꦪ꧀ꦪꦡꦴꦥꦶ ꦤꦴꦩ [ꦱꦺꦪ꧀ꦪꦡꦴꦥꦶ (?)] ꦒꦶꦲꦷ ꦏꦴꦩꦨꦺꦴꦒꦶꦤꦺꦴꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦤ, ꦨꦶꦏ꧀ꦑꦮꦺ, ꦄꦕ꧀ꦖꦶꦤ꧀ꦤꦏꦴꦤꦶ ꦕꦷꦮꦫꦴꦤꦶ ꦣꦴꦫꦺꦠꦧ꧀ꦧꦴꦤꦶ. ꦪꦺꦴ ꦣꦴꦫꦺꦪ꧀ꦪ, ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱꦴꦠꦶ.

ꦕꦷꦮꦫꦫꦗꦤꦏꦡꦴ ꦤꦶꦛ꧀ꦜꦶꦠꦴ.