꧖꧑. ꦢ꧀ꦮꦺꦈꦥꦱꦩ꧀ꦥꦢꦴꦥꦺꦏ꧀ꦑꦴꦢꦶꦮꦠ꧀ꦡꦸ

꧑꧒꧓. ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦄꦴꦪꦱ꧀ꦩꦠꦺꦴ ꦩꦲꦴꦏꦱ꧀ꦱꦥꦱ꧀ꦱ ꦢ꧀ꦮꦺ ꦈꦥꦱꦩ꧀ꦥꦢꦴꦥꦺꦏ꧀ꦑꦴ ꦲꦺꦴꦤ꧀ꦠꦶ. ꦠꦺ ꦮꦶꦮꦢꦤ꧀ꦠꦶ – ꦄꦲꦁ ꦥꦜꦩꦁ ꦈꦥꦱꦩ꧀ꦥꦗ꧀ꦗꦶꦱ꧀ꦱꦴꦩꦶ, ꦄꦲꦁ ꦥꦜꦩꦁ ꦈꦥꦱꦩ꧀ꦥꦗ꧀ꦗꦶꦱ꧀ꦱꦴꦩꦷꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦢ꧀ꦮꦺ ꦌꦏꦴꦤꦸꦱ꧀ꦱꦴꦮꦤꦺ ꦏꦴꦠꦸꦤ꧀ꦠꦶ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦱꦩ꧀ꦧꦲꦸꦭꦴꦤꦁ ꦡꦺꦫꦴꦤꦁ ꦈꦥꦱꦩ꧀ꦥꦢꦴꦥꦺꦏ꧀ꦑꦴ ꦲꦺꦴꦤ꧀ꦠꦶ. ꦠꦺ ꦮꦶꦮꦢꦤ꧀ꦠꦶ – ꦄꦲꦁ ꦥꦜꦩꦁ ꦈꦥꦱꦩ꧀ꦥꦗ꧀ꦗꦶꦱ꧀ꦱꦴꦩꦶ, ꦄꦲꦁ ꦥꦜꦩꦁ ꦈꦥꦱꦩ꧀ꦥꦗ꧀ꦗꦶꦱ꧀ꦱꦴꦩꦷꦠꦶ. ꦡꦺꦫꦴ ꦌꦮꦩꦴꦲꦁꦱꦸ – ‘‘ꦲꦤ꧀ꦢ, ꦩꦪꦁ, ꦄꦴꦮꦸꦱꦺꦴ, ꦱꦧ꧀ꦧꦺꦮ ꦌꦏꦴꦤꦸꦱ꧀ꦱꦴꦮꦤꦺ ꦏꦫꦺꦴꦩꦴ’’ꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦢ꧀ꦮꦺ ꦠꦪꦺꦴ ꦌꦏꦴꦤꦸꦱ꧀ꦱꦴꦮꦤꦺ ꦏꦴꦠꦸꦁ, ꦠꦚ꧀ꦕ ꦑꦺꦴ ꦌꦏꦺꦤ ꦈꦥꦗ꧀ꦙꦴꦪꦺꦤ, ꦤ ꦠ꧀ꦮꦺꦮ ꦤꦴꦤꦸꦥꦗ꧀ꦙꦴꦪꦺꦤꦴꦠꦶ.