꧔꧖. ꦏꦟ꧀ꦛꦏꦱꦴꦩꦟꦺꦫꦮꦠ꧀ꦡꦸ

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦄꦴꦪꦱ꧀ꦩꦠꦺꦴ ꦈꦥꦤꦤ꧀ꦢꦱ꧀ꦱ ꦱꦏ꧀ꦪꦥꦸꦠ꧀ꦠꦱ꧀ꦱ ꦏꦟ꧀ꦛꦏꦺꦴ ꦤꦴꦩ ꦱꦴꦩꦟꦺꦫꦺꦴ ꦏꦟ꧀ꦛꦏꦶꦁ ꦤꦴꦩ ꦨꦶꦏ꧀ꦑꦸꦤꦶꦁ ꦢꦹꦱꦺꦱꦶ. ꦨꦶꦏ꧀ꦑꦹ ꦈꦗ꧀ꦙꦴꦪꦤ꧀ꦠꦶ ꦑꦶꦪ꧀ꦪꦤ꧀ꦠꦶ ꦮꦶꦥꦴꦕꦺꦤ꧀ꦠꦶ – ‘‘ꦏꦡꦚ꧀ꦲꦶ ꦤꦴꦩ ꦱꦴꦩꦟꦺꦫꦺꦴ ꦌꦮꦫꦹꦥꦁ ꦄꦤꦴꦕꦴꦫꦁ ꦄꦴꦕꦫꦶꦱ꧀ꦱꦠꦷ’’ꦠꦶ. ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ. ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦢꦱꦲꦔ꧀ꦒꦺꦲꦶ ꦱꦩꦤ꧀ꦤꦴꦒꦠꦁ ꦱꦴꦩꦟꦺꦫꦁ ꦤꦴꦱꦺꦠꦸꦁ. ꦥꦴꦟꦴꦠꦶꦥꦴꦠꦷ ꦲꦺꦴꦠꦶ, ꦄꦢꦶꦤ꧀ꦤꦴꦢꦴꦪꦷ ꦲꦺꦴꦠꦶ, ꦄꦧ꧀ꦫꦲ꧀ꦩꦕꦴꦫꦷ ꦲꦺꦴꦠꦶ, ꦩꦸꦱꦴꦮꦴꦢꦷ ꦲꦺꦴꦠꦶ, ꦩꦗ꧀ꦗꦥꦴꦪꦷ ꦲꦺꦴꦠꦶ, ꦧꦸꦢ꧀ꦣꦱ꧀ꦱ ꦄꦮꦟ꧀ꦟꦁ ꦨꦴꦱꦠꦶ, ꦣꦩ꧀ꦩꦱ꧀ꦱ ꦄꦮꦟ꧀ꦟꦁ ꦨꦴꦱꦠꦶ, ꦱꦔ꧀ꦓꦱ꧀ꦱ ꦄꦮꦟ꧀ꦟꦁ ꦨꦴꦱꦠꦶ, ꦩꦶꦕ꧀ꦖꦴꦢꦶꦛ꧀ꦜꦶꦏꦺꦴ ꦲꦺꦴꦠꦶ, ꦨꦶꦏ꧀ꦑꦸꦤꦶꦢꦹꦱꦏꦺꦴ ꦲꦺꦴꦠꦶ – ꦄꦤꦸꦗꦴꦤꦴꦩꦶ, ꦨꦶꦏ꧀ꦑꦮꦺ, ꦆꦩꦺꦲꦶ ꦢꦱꦲꦔ꧀ꦒꦺꦲꦶ ꦱꦩꦤ꧀ꦤꦴꦒꦠꦁ ꦱꦴꦩꦟꦺꦫꦁ ꦤꦴꦱꦺꦠꦸꦤ꧀ꦠꦶ.