꧑꧐. ꦢꦸꦠꦶꦪꦩꦴꦫꦏꦡꦴ

꧓꧕. ꦄꦡ ꦑꦺꦴ ꦨꦒꦮꦴ ꦮꦱ꧀ꦱꦁꦮꦸꦛ꧀ꦜꦺꦴ [ꦮꦱ꧀ꦱꦁꦮꦸꦠ꧀ꦡꦺꦴ (ꦱꦷ.)] ꦨꦶꦏ꧀ꦑꦹ ꦄꦴꦩꦤ꧀ꦠꦺꦱꦶ [ꦱꦁ. ꦤꦶ. ꧑.꧑꧕꧕] – ‘‘ꦩꦪ꧀ꦲꦁ ꦑꦺꦴ, ꦨꦶꦏ꧀ꦑꦮꦺ, ꦪꦺꦴꦤꦶꦱꦺꦴ ꦩꦤꦱꦶꦏꦴꦫꦴ ꦪꦺꦴꦤꦶꦱꦺꦴ ꦱꦩ꧀ꦩꦥ꧀ꦥꦣꦴꦤꦴ ꦄꦤꦸꦠ꧀ꦠꦫꦴ ꦮꦶꦩꦸꦠ꧀ꦠꦶ ꦄꦤꦸꦥ꧀ꦥꦠ꧀ꦠꦴ, ꦄꦤꦸꦠ꧀ꦠꦫꦴ ꦮꦶꦩꦸꦠ꧀ꦠꦶ ꦱꦕ꧀ꦖꦶꦏꦠꦴ. ꦠꦸꦩ꧀ꦲꦺꦥꦶ, ꦨꦶꦏ꧀ꦑꦮꦺ, ꦪꦺꦴꦤꦶꦱꦺꦴ ꦩꦤꦱꦶꦏꦴꦫꦴ ꦪꦺꦴꦤꦶꦱꦺꦴ ꦱꦩ꧀ꦩꦥ꧀ꦥꦣꦴꦤꦴ ꦄꦤꦸꦠ꧀ꦠꦫꦁ ꦮꦶꦩꦸꦠ꧀ꦠꦶꦁ ꦄꦤꦸꦥꦴꦥꦸꦟꦴꦡ, ꦄꦤꦸꦠ꧀ꦠꦫꦁ ꦮꦶꦩꦸꦠ꧀ꦠꦶꦁ ꦱꦕ꧀ꦖꦶꦏꦫꦺꦴꦡꦴ’’ꦠꦶ. ꦄꦡ ꦑꦺꦴ ꦩꦴꦫꦺꦴ ꦥꦴꦥꦶꦩꦴ ꦪꦺꦤ ꦨꦒꦮꦴ ꦠꦺꦤꦸꦥꦱꦔ꧀ꦏꦩꦶ, ꦈꦥꦱꦔ꧀ꦏꦩꦶꦠ꧀ꦮꦴ ꦨꦒꦮꦤ꧀ꦠꦁ ꦒꦴꦡꦴꦪ ꦄꦗ꧀ꦙꦨꦴꦱꦶ –

‘‘ꦧꦢ꧀ꦣꦺꦴꦱꦶ ꦩꦴꦫꦥꦴꦱꦺꦲꦶ, ꦪꦺ ꦢꦶꦧ꧀ꦧꦴ ꦪꦺ ꦕ ꦩꦴꦤꦸꦱꦴ;

ꦩꦲꦴꦧꦤ꧀ꦣꦤꦧꦢ꧀ꦣꦺꦴꦱꦶ [ꦩꦴꦫꦧꦤ꧀ꦣꦤꦧꦢ꧀ꦣꦺꦴꦱꦶ (ꦱꦷ. ꦱ꧀ꦪꦴ.)], ꦤ ꦩꦺ ꦱꦩꦟ ꦩꦺꦴꦏ꧀ꦑꦱꦷ’’ꦠꦶ.

‘‘ꦩꦸꦠ꧀ꦠꦴꦲꦁ ꦩꦴꦫꦥꦴꦱꦺꦲꦶ, ꦪꦺ ꦢꦶꦧ꧀ꦧꦴ ꦪꦺ ꦕ ꦩꦴꦤꦸꦱꦴ;

ꦩꦲꦴꦧꦤ꧀ꦣꦤꦩꦸꦠ꧀ꦠꦺꦴꦩ꧀ꦲꦶ [ꦩꦴꦫꦧꦤ꧀ꦣꦤꦩꦸꦠ꧀ꦠꦺꦴꦩ꧀ꦲꦶ (ꦱꦷ. ꦱ꧀ꦪꦴ.)], ꦤꦶꦲꦠꦺꦴ ꦠ꧀ꦮꦩꦱꦶ ꦄꦤ꧀ꦠꦏꦴ’’ꦠꦶ.

ꦄꦡ ꦑꦺꦴ ꦩꦴꦫꦺꦴ ꦥꦴꦥꦶꦩꦴ – ꦗꦴꦤꦴꦠꦶ ꦩꦁ ꦨꦒꦮꦴ, ꦗꦴꦤꦴꦠꦶ ꦩꦁ ꦱꦸꦒꦠꦺꦴꦠꦶ ꦢꦸꦏ꧀ꦑꦷ ꦢꦸꦩ꧀ꦩꦤꦺꦴ

ꦠꦠ꧀ꦡꦺꦮꦤ꧀ꦠꦫꦣꦴꦪꦶ.

ꦢꦸꦠꦶꦪꦩꦴꦫꦏꦡꦴ ꦤꦶꦛ꧀ꦜꦶꦠꦴ.