꧓. ꦥꦫꦶꦚ꧀ꦚꦴꦮꦴꦫꦮꦟ꧀ꦟꦤꦴ

꧑꧖꧕-꧑꧗꧐. ꦌꦠ꧀ꦡꦺꦮꦴꦠꦶ ꦆꦩꦱ꧀ꦩꦶꦁ ꦱꦕ꧀ꦕꦪꦩꦏꦺ ꦌꦮ. ꦄꦥꦫꦶꦚ꧀ꦚꦺꦪ꧀ꦪꦠꦴꦢꦱ꧀ꦱꦤꦠ꧀ꦡꦤ꧀ꦠꦶ ꦌꦠ꧀ꦡ ꦄ-ꦏꦴꦫꦺꦴ ꦤ ꦥꦫꦶꦚ꧀ꦚꦺꦪ꧀ꦪꦴꦨꦴꦮꦮꦕꦤꦺꦴ, ꦤꦴꦥꦶ ꦥꦫꦶꦚ꧀ꦚꦺꦪ꧀ꦪꦥꦛꦶꦥꦏ꧀ꦑꦮꦕꦤꦺꦴ, ꦄꦡ ꦑꦺꦴ ꦠꦢꦚ꧀ꦚꦮꦕꦤꦺꦴꦠꦶ ꦪꦡꦴꦫꦲꦁ ꦱꦕ꧀ꦕꦺꦱꦸ ꦭꦧ꧀ꦨꦩꦴꦤꦴꦤꦁ ꦥꦲꦴꦠꦧ꧀ꦧꦠꦴꦢꦷꦤꦩ꧀ꦥꦶ ꦢꦱ꧀ꦱꦤꦺ ꦄꦴꦥꦤ꧀ꦤꦺꦪꦺꦮ ꦱꦩꦪꦮꦴꦫꦺꦴ ꦢꦱ꧀ꦱꦤꦥꦫꦺꦴ, ꦪꦺꦱꦚ꧀ꦕ ꦤ ꦢꦱ꧀ꦱꦤꦥꦫꦺꦴ, ꦠꦺꦱꦸ ꦏꦺꦱꦸꦕꦶ ꦱꦕ꧀ꦕꦺꦱꦸ ꦭꦧ꧀ꦨꦩꦴꦤꦴꦤꦩ꧀ꦥꦶ ꦏꦺꦱꦚ꧀ꦕꦶ ꦮꦶꦱꦺꦱꦴꦤꦁ ꦄꦪꦁ ꦮꦴꦫꦺꦴ ꦤ ꦢꦱ꧀ꦱꦤꦥꦫꦺꦴꦠꦶ ꦢꦱ꧀ꦱꦺꦤ꧀ꦠꦺꦴ ‘‘ꦱꦕ꧀ꦖꦶꦏꦫꦟ…ꦥꦺ… ꦢꦱ꧀ꦱꦤꦠ꧀ꦡꦚ꧀ꦕꦴ’’ꦠꦶ ꦄꦴꦲ. ꦱꦩꦸꦢꦪꦺ ꦥꦲꦴꦤꦥꦫꦶꦚ꧀ꦚꦴꦮ ꦮꦸꦠ꧀ꦠꦴ, ꦤ ꦠꦷꦫꦟꦥꦫꦶꦚ꧀ꦚꦴꦠꦶ ꦪꦸꦠ꧀ꦠꦁ ꦠꦴꦮꦺꦠꦁ ꦱꦩꦸꦢꦪꦱ꧀ꦱꦥꦶ ꦠꦷꦫꦺꦠꦧ꧀ꦧꦱꦨꦴꦮꦠ꧀ꦠꦴ, ‘‘ꦢꦸꦏ꧀ꦑꦺ ꦠꦷꦫꦟꦥꦫꦶꦚ꧀ꦚꦴꦮ ꦮꦸꦠ꧀ꦠꦴ, ꦤ ꦥꦲꦴꦤꦥꦫꦶꦚ꧀ꦚꦴ’’ꦠꦶ ꦆꦢꦁ ꦥꦤ ꦏꦱ꧀ꦩꦴ ꦮꦸꦠ꧀ꦠꦁ, ꦤꦤꦸ ꦢꦸꦏ꧀ꦑꦁ ꦄꦥ꧀ꦥꦲꦴꦠꦧ꧀ꦧꦩꦺꦮꦴꦠꦶ? ꦱꦩꦸꦢꦪꦱꦕ꧀ꦕꦮꦶꦨꦔ꧀ꦒꦺ ꦮꦸꦠ꧀ꦠꦴꦤꦁ ꦏꦺꦱꦚ꧀ꦕꦶ ꦱꦩꦸꦢꦪꦏꦺꦴꦛ꧀ꦜꦴꦱꦴꦤꦁ ꦢꦸꦏ꧀ꦑꦱꦕ꧀ꦕꦺ ꦱꦔ꧀ꦒꦲꦟꦠꦺꦴ ꦢꦸꦏ꧀ꦑꦱꦩꦸꦢꦪꦺ ꦮꦴ ꦄꦱꦔ꧀ꦏꦫꦠꦺꦴꦮ ꦒꦲꦺꦠ꧀ꦮꦴ ꦨꦹꦠꦏꦡꦤꦩꦺꦠꦁ ꦢꦛ꧀ꦜꦧ꧀ꦧꦁ. ꦈꦨꦪꦠ꧀ꦡꦴꦠꦶ ꦢꦸꦏ꧀ꦑꦺ ꦱꦩꦸꦢꦪꦺ ꦕ ꦮꦸꦠ꧀ꦠꦴ. ꦏꦱ꧀ꦩꦴ? ꦠꦺꦱꦁ ꦱꦴꦣꦴꦫꦟꦴꦠꦶ. ꦌꦮꦁ ꦱꦴꦣꦴꦫꦟꦴꦱꦴꦣꦴꦫꦟꦨꦺꦢꦨꦶꦤ꧀ꦤꦁ ꦪꦡꦴꦮꦸꦠ꧀ꦠꦁ ꦥꦫꦶꦚ꧀ꦚꦴꦏꦶꦕ꧀ꦕꦁ ꦥꦸꦧ꧀ꦧꦨꦴꦒꦺ ꦤꦴꦤꦏ꧀ꦑꦟꦺ ꦭꦧ꧀ꦨꦩꦴꦤꦩ꧀ꦥꦶ ꦩꦒ꧀ꦒꦏꦴꦭꦺ ꦌꦏꦏ꧀ꦑꦟꦺ ꦌꦮ ꦭꦧ꧀ꦨꦠꦶ ꦌꦏꦚꦴꦟꦏꦶꦕ꧀ꦕꦠ꧀ꦠꦴꦠꦶ ꦢꦱ꧀ꦱꦺꦠꦸꦁ ‘‘ꦩꦒ꧀ꦒꦚꦴꦟꦚ꧀ꦲꦷ’’ꦠꦶꦄꦴꦢꦶ ꦮꦸꦠ꧀ꦠꦁ.

ꦥꦫꦶꦚ꧀ꦚꦴꦮꦴꦫꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.

ꦱꦕ꧀ꦕꦪꦩꦏꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.