꧑. ꦱꦸꦢ꧀ꦣꦧ꧀ꦫꦲ꧀ꦩꦕꦫꦶꦪꦏꦡꦴꦮꦟ꧀ꦟꦤꦴ

꧒꧖꧙. ꦲꦺꦛ꧀ꦜꦴꦥꦷꦠꦶ ꦥꦫꦤꦶꦩ꧀ꦩꦶꦠꦮꦱꦮꦠ꧀ꦠꦶꦢꦺꦮꦺꦲꦶ ꦲꦺꦛ꧀ꦜꦴꦥꦶ. ꦩꦒ꧀ꦒꦨꦴꦮꦤꦩ꧀ꦥꦶ ꦤ ꦆꦕ꧀ꦖꦤ꧀ꦠꦷꦠꦶ ꦮꦶꦚ꧀ꦚꦴꦪꦠꦶ ‘‘ꦆꦣ ꦧ꧀ꦫꦲ꧀ꦩꦕꦫꦶꦪꦮꦴꦱꦺꦴ’’ꦠꦶ ꦆꦩꦶꦤꦴ ‘‘ꦢ꧀ꦮꦺꦥꦶ ꦧ꧀ꦫꦲ꧀ꦩꦕꦫꦶꦪꦮꦴꦱꦴ ꦤꦠ꧀ꦡꦶ ꦢꦺꦮꦺꦱꦹꦠꦶ ꦈꦥꦭꦢ꧀ꦣꦶꦮꦱꦺꦤꦴ’’ꦠꦶ ꦮꦸꦠ꧀ꦠꦠ꧀ꦠꦴ.

꧒꧗꧐. ꦠꦱ꧀ꦱꦺꦮꦴꦠꦶ ꦥꦫꦮꦴꦢꦶꦤꦺꦴ ꦌꦮ. ꦥꦸꦒ꧀ꦒꦭꦮꦱꦺꦤꦴꦠꦶ ‘‘ꦒꦶꦲꦷꦤꦚ꧀ꦕꦺꦮ ꦌꦏꦕ꧀ꦕꦴꦤꦚ꧀ꦕ ꦢꦺꦮꦴꦤ’’ꦤ꧀ꦠꦶ ꦌꦮꦁ ꦥꦸꦒ꧀ꦒꦭꦮꦱꦺꦤ. ꦠꦱ꧀ꦱꦴꦠꦶ ꦥꦫꦮꦴꦢꦶꦤꦺꦴ. ꦥꦛꦶꦏ꧀ꦑꦺꦥꦺꦴ ꦤ ꦪꦸꦠ꧀ꦠꦺꦴꦠꦶ ꦌꦮꦁ ꦥꦸꦒ꧀ꦒꦭꦮꦱꦺꦤ ꦄꦠ꧀ꦡꦪꦺꦴꦗꦤꦴ ꦤ ꦪꦸꦠ꧀ꦠꦴꦠꦶ ꦄꦣꦶꦥ꧀ꦥꦴꦪꦺꦴ. ꦥꦸꦒ꧀ꦒꦭꦴꦣꦶꦛ꧀ꦜꦴꦤꦺꦤ ꦥꦤ ꦏꦠꦴꦥꦶ ꦄꦠ꧀ꦡꦮꦟ꧀ꦟꦤꦴ ꦎꦏꦴꦱꦮꦱꦺꦤ ꦥꦫꦶꦕ꧀ꦖꦶꦗ꧀ꦗꦠꦷꦠꦶ ꦤꦴꦪꦁ ꦢꦺꦴꦱꦺꦴ. ꦠꦱ꧀ꦱꦴꦪꦁ ꦄꦣꦶꦥ꧀ꦥꦴꦪꦺꦴꦠꦶ ꦄꦪꦁ ‘‘ꦒꦶꦲꦷꦤꦚ꧀ꦕꦺꦮꦴ’’ꦠꦶꦄꦴꦢꦶꦤꦴ ꦮꦸꦠ꧀ꦠꦺꦴ ꦠꦱ꧀ꦱ ꦥꦫꦮꦴꦢꦶꦤꦺꦴ ꦪꦢꦶ ꦄꦣꦶꦥ꧀ꦥꦴꦪꦺꦴ, ꦌꦮꦁ ꦱꦚ꧀ꦚꦴꦪ ꦥꦫꦮꦴꦢꦶꦤꦺꦴ ꦱꦏꦮꦴꦢꦶꦤꦴ ꦱꦩꦴꦤꦴꦢꦴꦪꦺꦴꦠꦶ ꦤ ꦤꦶꦒ꧀ꦒꦲꦴꦫꦲꦺꦴ ꦱꦶꦪꦴ. ꦠꦺꦤꦴꦲ ‘‘ꦱꦏ…ꦥꦺ… ꦠꦧ꧀ꦧꦺꦴ’’ꦠꦶ. ꦥꦜꦩꦁ ꦥꦤ ꦄꦤꦸꦗꦴꦤꦶꦠ꧀ꦮꦴ ꦥꦕ꧀ꦖꦴ ꦥꦛꦶꦏ꧀ꦑꦺꦥꦺꦤꦺꦮ ꦤꦶꦒ꧀ꦒꦲꦺꦠꦧ꧀ꦧꦠꦴ ꦮꦺꦢꦶꦠꦧ꧀ꦧꦴ. ꦏꦺꦕꦶ ‘‘ꦪꦠ꧀ꦡ ꦤꦠ꧀ꦡꦶ ꦥꦧ꧀ꦧꦗ꧀ꦗꦴ, ꦤꦠ꧀ꦡꦶ ꦠꦠ꧀ꦡ ꦧ꧀ꦫꦲ꧀ꦩꦕꦫꦶꦪꦮꦴꦱꦺꦴꦠꦶ ꦥꦸꦕ꧀ꦖꦴꦪ ꦌꦏꦕ꧀ꦕꦴꦤꦁ ꦩꦤꦸꦱ꧀ꦱꦴꦤꦁ ꦩꦒ꧀ꦒꦥ꧀ꦥꦛꦶꦮꦺꦣꦁ ꦱꦤ꧀ꦣꦴꦪ ꦥꦫꦮꦴꦢꦶꦤꦺꦴ ꦥꦛꦶꦏ꧀ꦑꦺꦥꦺꦴ. ꦪꦢꦶꦥꦶ ꦱꦺꦴ ꦢꦺꦮꦴꦤꦁ ꦩꦒ꧀ꦒꦥ꧀ꦥꦛꦶꦭꦴꦨꦁ ꦤ ꦆꦕ꧀ꦖꦠꦶ, ꦱꦩ꧀ꦨꦮꦤ꧀ꦠꦁ ꦥꦤ ꦱꦧ꧀ꦧꦁ ꦢꦱ꧀ꦱꦺꦠꦸꦁ ꦄꦛ꧀ꦜꦏꦡꦴꦪꦁ ‘ꦒꦶꦲꦷꦤ’ꦩꦶꦕ꧀ꦕꦺꦮ ꦄꦮꦠ꧀ꦮꦴ ‘ꦌꦏꦕ꧀ꦕꦴꦤꦚ꧀ꦕ ꦢꦺꦮꦴꦤ’ꦤ꧀ꦠꦶ ꦮꦸꦠ꧀ꦠ’’ꦤ꧀ꦠꦶ ꦮꦢꦤ꧀ꦠꦶ, ꦠꦁ ꦤ ꦱꦸꦤ꧀ꦢꦫꦁ ‘‘ꦱꦤ꧀ꦣꦴꦪꦴ’’ꦠꦶ ꦮꦸꦠ꧀ꦠꦠ꧀ꦠꦴ, ꦥꦸꦫꦶꦩꦺꦴꦪꦺꦮꦠ꧀ꦡꦺꦴ ꦪꦸꦠ꧀ꦠꦺꦴ.

ꦱꦸꦢ꧀ꦣꦧ꧀ꦫꦲ꧀ꦩꦕꦫꦶꦪꦏꦡꦴꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.