꧔. ꦱꦏ꧀ꦏꦕ꧀ꦕꦮꦒ꧀ꦒꦮꦟ꧀ꦟꦤꦴ

꧖꧐꧘. ꦕꦠꦸꦠ꧀ꦡꦮꦒ꧀ꦒꦺ ꦱꦥꦢꦴꦤꦤ꧀ꦠꦶ ꦌꦠ꧀ꦡ ꦢꦴꦤꦁ ꦮꦸꦕ꧀ꦕꦠꦶ ꦄꦮꦑꦟ꧀ꦝꦤꦁ, ꦄꦥꦺꦠꦁ ꦢꦴꦤꦠꦺꦴ ꦄꦥꦢꦴꦤꦁ, ꦄꦤꦮꦑꦟ꧀ꦝꦤꦤ꧀ꦠꦶ ꦄꦠ꧀ꦡꦺꦴ. ꦱꦲ ꦄꦥꦢꦴꦤꦺꦤ ꦱꦥꦢꦴꦤꦁ, ꦄꦮꦑꦟ꧀ꦝꦤꦮꦶꦫꦲꦶꦠꦁ, ꦄꦤꦸꦥꦛꦶꦥꦴꦛꦶꦪꦴꦠꦶ ꦮꦸꦠ꧀ꦠꦁ ꦲꦺꦴꦠꦶ. ꦠꦺꦤꦴꦲ ‘‘ꦠꦠ꧀ꦡ ꦠꦠ꧀ꦡ ꦎꦣꦶꦁ ꦄꦏꦠ꧀ꦮꦴ ꦄꦤꦸꦥꦛꦶꦥꦴꦛꦶꦪꦴ’’ꦠꦶ.

꧖꧑꧑. ꦪꦱ꧀ꦩꦶꦁ ꦱꦩꦪꦺ ‘‘ꦥꦴꦟꦺꦴ ꦤ ꦲꦤ꧀ꦠꦧ꧀ꦧꦺꦴ’’ꦠꦶ ꦫꦴꦗꦴꦤꦺꦴ ꦨꦺꦫꦶꦁ ꦕꦫꦴꦥꦺꦤ꧀ꦠꦶ, ꦄꦪꦁ ꦩꦴꦓꦴꦠꦱꦩꦪꦺꦴ ꦤꦴꦩ. ꦆꦣ ꦄꦤꦴꦥꦠ꧀ꦠꦶꦪꦁ ꦒꦶꦭꦴꦤꦺꦴ ꦤ ꦄꦴꦒꦠꦺꦴ, ꦠꦱ꧀ꦩꦴ ꦒꦶꦭꦴꦤꦱ꧀ꦱꦥꦶ ꦄꦴꦥꦠ꧀ꦠꦶ. ꦱꦹꦥꦺꦴꦢꦤꦮꦶꦚ꧀ꦚꦠ꧀ꦠꦶꦱꦶꦏ꧀ꦑꦴꦥꦢꦺ ꦄꦱꦚ꧀ꦕꦶꦕ꧀ꦕ ꦄꦱ꧀ꦱꦠꦶꦪꦴꦠꦶ ꦌꦠ꧀ꦡ ‘‘ꦩꦸꦑꦺ ꦥꦏ꧀ꦑꦶꦥꦶꦠ꧀ꦮꦴ ꦥꦸꦤ ꦮꦶꦥ꧀ꦥꦛꦶꦱꦴꦫꦷ ꦲꦸꦠ꧀ꦮꦴ ꦖꦝ꧀ꦝꦺꦤ꧀ꦠꦱ꧀ꦱ ꦄꦫꦸꦕꦶꦪꦴ ꦥꦮꦶꦱꦤ꧀ꦠꦺ ‘ꦄꦱꦚ꧀ꦕꦶꦕ꧀ꦕꦴ’ꦠꦶ ꦮꦸꦕ꧀ꦕꦠꦶ, ꦮꦶꦚ꧀ꦚꦠ꧀ꦠꦶꦩ꧀ꦥꦶ ꦄꦮꦶꦚ꧀ꦚꦠ꧀ꦠꦶꦩ꧀ꦥꦶ ꦌꦠꦱ꧀ꦩꦶꦁ ꦜꦴꦤꦺ ꦜꦶꦠꦁ ꦱꦲꦱꦴ ꦒꦲꦺꦠ꧀ꦮꦴ ꦨꦸꦚ꧀ꦗꦤ꧀ꦠꦺ ‘ꦄꦱ꧀ꦱꦠꦶꦪꦴ’ꦠꦶ ꦮꦸꦕ꧀ꦕꦠꦷ’’ꦠꦶ ꦠꦷꦱꦸꦥꦶ ꦒꦟ꧀ꦜꦶꦥꦢꦺꦱꦸ ꦮꦸꦠ꧀ꦠꦁ.

꧖꧑꧔-꧖꧑꧕. ꦈꦗ꧀ꦙꦴꦤꦺ ꦱꦚ꧀ꦚꦴ ꦈꦗ꧀ꦙꦴꦤꦱꦚ꧀ꦚꦴ, ꦱꦴ ꦄꦱ꧀ꦱ ꦄꦠ꧀ꦡꦷꦠꦶ ꦈꦗ꧀ꦙꦴꦤꦱꦚ꧀ꦚꦷ. ‘‘ꦩꦪꦹꦫꦟ꧀ꦝꦁ ꦄꦠꦶꦩꦲꦤ꧀ꦠ’’ꦤ꧀ꦠꦶ ꦮꦕꦤꦠꦺꦴ ꦩꦪꦹꦫꦟ꧀ꦝꦥ꧀ꦥꦩꦴꦟꦺꦴ ꦏꦧꦭ꦳ꦺꦴ ꦤ ꦮꦛ꧀ꦛꦠꦶ. ꦏꦺꦕꦶ ꦥꦤ ‘‘ꦩꦪꦹꦫꦟ꧀ꦝꦠꦺꦴ ꦩꦲꦤ꧀ꦠꦺꦴ ꦤ ꦮꦛ꧀ꦛꦠꦷ’’ꦠꦶ ꦮꦢꦤ꧀ꦠꦶ, ꦠꦁ ꦤ ꦒꦲꦺꦠꦧ꧀ꦧꦁ, ‘‘ꦤꦴꦠꦶꦩꦲꦤ꧀ꦠ’’ꦤ꧀ꦠꦶ ꦕ ꦄꦠꦶꦩꦲꦤ꧀ꦠꦱ꧀ꦱꦺꦮ ꦥꦛꦶꦏ꧀ꦑꦶꦠ꧀ꦠꦠ꧀ꦠꦴ ꦑꦸꦢ꧀ꦢꦏꦺ ꦄꦴꦥꦠ꧀ꦠꦶ ꦤ ꦢꦶꦱ꧀ꦱꦠꦶ. ‘‘ꦩꦪꦹꦫꦟ꧀ꦝꦁ ꦄꦠꦶꦩꦲꦤ꧀ꦠꦁ, ꦏꦸꦏ꧀ꦏꦸꦛꦟ꧀ꦝꦁ ꦄꦠꦶꦑꦸꦢ꧀ꦢꦏꦁ, ꦠꦺꦱꦁ ꦮꦺꦩꦗ꧀ꦙꦥ꧀ꦥꦩꦴꦟꦺꦴ’’ꦠꦶ ꦆꦩꦶꦤꦴ ꦥꦤ ꦱꦴꦫꦸꦥ꧀ꦥꦮꦱꦺꦤ ꦑꦸꦢ꧀ꦢꦏꦩ꧀ꦥꦶ ꦥꦛꦶꦏ꧀ꦑꦶꦥꦶꦠ꧀ꦮꦴ ꦥꦫꦶꦕ꧀ꦖꦺꦢꦺꦴ ꦤ ꦢꦱ꧀ꦱꦶꦠꦺꦴꦠꦶ ꦮꦺꦢꦶꦠꦧ꧀ꦧꦁ.

ꦱꦏ꧀ꦏꦕ꧀ꦕꦮꦒ꧀ꦒꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.