꧗. ꦮꦶꦏꦴꦭꦨꦺꦴꦗꦤꦱꦶꦏ꧀ꦑꦴꦥꦢꦮꦟ꧀ꦟꦤꦴ

꧒꧔꧗. ꦱꦠ꧀ꦠꦩꦺ ꦄꦒ꧀ꦒꦱꦩꦗ꧀ꦗꦺꦴꦠꦶ ꦈꦠ꧀ꦠꦩꦁ ꦤꦕ꧀ꦕꦁ. ꦠꦁ ꦏꦶꦫ ꦥꦧ꧀ꦧꦠꦩꦠ꧀ꦡꦏꦺ ꦜꦠ꧀ꦮꦴ ꦌꦏꦁ ꦢꦺꦮꦠꦁ ꦈꦢ꧀ꦢꦶꦱ꧀ꦱ ꦏꦫꦺꦴꦤ꧀ꦠꦶ. ꦤꦛꦴꦤꦁ ꦤꦴꦛꦏꦴꦤꦶ ꦤꦛꦤꦴꦛꦏꦴꦤꦶ, ꦱꦷꦠꦴꦲꦫꦟꦴꦢꦷꦤꦶ. ꦄꦥꦚ꧀ꦚꦠ꧀ꦠꦺ ꦱꦶꦏ꧀ꦑꦴꦥꦢꦺꦠꦶ ꦈꦴꦤꦮꦷꦱꦠꦶꦮꦱ꧀ꦱꦱꦶꦏ꧀ꦑꦴꦥꦢꦺ ꦄꦥꦚ꧀ꦚꦠ꧀ꦠꦺ. ꦄꦢꦁꦱꦹꦠꦶ ‘‘ꦮꦶꦲꦴꦫꦁ ꦤꦺꦠ꧀ꦮꦴ ꦑꦴꦢꦶꦱ꧀ꦱꦡꦴ’’ꦠꦶ ꦄꦢꦁꦱꦸ.

꧒꧔꧘-꧒꧔꧙. ꦩꦹꦭꦏꦩꦹꦭꦴꦢꦷꦤꦶ ꦈꦥꦢꦺꦱꦠꦺꦴꦪꦺꦮ ꦮꦺꦢꦶꦠꦧ꧀ꦧꦴꦤꦶ. ꦤ ꦲꦶ ꦠꦴꦤꦶ ꦥꦫꦶꦪꦴꦪꦤ꧀ꦠꦫꦺꦤ ꦮꦸꦕ꧀ꦕꦩꦴꦤꦴꦤꦶꦥꦶ ꦱꦏ꧀ꦏꦴ ꦮꦶꦚ꧀ꦚꦴꦠꦸꦁ. ꦥꦫꦶꦪꦴꦪꦤ꧀ꦠꦫꦺꦥꦶ ꦲꦶ ꦮꦸꦕ꧀ꦕꦩꦴꦤꦺ ꦠꦁ ꦠꦁ ꦤꦴꦩꦁ ꦄꦗꦴꦤꦤ꧀ꦠꦴꦤꦁ ꦱꦩ꧀ꦩꦺꦴꦲꦺꦴꦪꦺꦮ ꦱꦶꦪꦴ, ꦠꦱ꧀ꦩꦴ ꦠꦠ꧀ꦡ ꦤ ꦏꦶꦚ꧀ꦕꦶ ꦮꦏ꧀ꦑꦴꦩ. ꦑꦴꦢꦤꦷꦪꦠ꧀ꦡꦤ꧀ꦠꦶ ꦑꦴꦢꦤꦷꦪꦺꦤ ꦏꦠ꧀ꦠꦧ꧀ꦧꦏꦶꦕ꧀ꦕꦁ. ꦤꦺꦮ ꦦꦫꦤ꧀ꦠꦷꦠꦶ ꦤ ꦤꦶꦥ꧀ꦦꦴꦢꦺꦤ꧀ꦠꦶ. ꦠꦺꦱꦸ ꦠꦺꦱꦸ ꦗꦤꦥꦢꦺꦱꦹꦠꦶ ꦌꦠ꧀ꦡ ‘‘ꦌꦏꦱ꧀ꦩꦶꦁ ꦗꦤꦥꦢꦺ ꦄꦴꦲꦴꦫꦏꦶꦕ꧀ꦕꦁ ꦱꦴꦣꦺꦤ꧀ꦠꦁ ꦱꦺꦱꦗꦤꦥꦢꦺꦱꦸꦥꦶ ꦤ ꦏꦥ꧀ꦥꦠꦷ’’ꦠꦶ ꦮꦢꦤ꧀ꦠꦶ. ꦫꦸꦏ꧀ꦑꦮꦭ꧀ꦭꦶꦄꦴꦢꦷꦤꦤ꧀ꦠꦶ ꦲꦺꦛ꧀ꦜꦴ ꦮꦸꦠ꧀ꦠꦩꦺꦮ ꦱꦩ꧀ꦥꦶꦟ꧀ꦝꦺꦠ꧀ꦮꦴ ꦮꦸꦠ꧀ꦠꦁ. ꦄꦤ꧀ꦠꦺꦴꦥꦡꦮꦷꦒꦠꦺꦴꦠꦶ ꦱꦴꦭꦏꦭ꧀ꦪꦴꦟꦷꦑꦤ꧀ꦣꦁ ꦱꦤ꧀ꦣꦴꦪ ꦮꦸꦠ꧀ꦠꦁ. ꦱꦧ꧀ꦧꦏꦥ꧀ꦥꦶꦪꦴꦤꦷꦠꦶ ꦩꦹꦭꦑꦤ꧀ꦣꦠꦕꦥꦠ꧀ꦠꦴꦢꦶꦮꦱꦺꦤ ꦱꦧ꧀ꦧꦱꦺꦴ ꦏꦥ꧀ꦥꦶꦪꦴꦤꦶ. ꦠꦺꦱꦩ꧀ꦥꦶ ꦤꦴꦩꦮꦱꦺꦤ ꦤ ꦱꦏ꧀ꦏꦴ ꦥꦫꦶꦪꦤ꧀ꦠꦁ ꦢꦱ꧀ꦱꦺꦠꦸꦤ꧀ꦠꦶ ꦱꦩ꧀ꦧꦤ꧀ꦣꦺꦴ. ꦄꦕ꧀ꦖꦶꦮꦴꦢꦷꦤꦁ ꦄꦥꦫꦶꦥꦏ꧀ꦏꦴꦤꦺꦮ ꦦꦭꦴꦤꦶ ꦪꦴꦮꦗꦷꦮꦶꦏꦴꦤꦷꦠꦶ ꦢꦱ꧀ꦱꦺꦠꦸꦁ ‘‘ꦄꦥꦫꦶꦥꦏ꧀ꦏꦴꦤꦷ’’ꦠꦶ ꦮꦸꦠ꧀ꦠꦁ.

ꦲꦫꦷꦠꦏꦴꦢꦷꦤꦁ ꦄꦛ꧀ꦜꦷꦤꦷꦠꦶ ꦌꦠ꧀ꦡ ꦩꦶꦚ꧀ꦗꦁ ꦥꦛꦶꦕ꧀ꦖꦴꦢꦺꦠ꧀ꦮꦴ ꦜꦶꦠꦏꦥꦴꦭꦴꦤꦶ ꦪꦴꦮꦗꦷꦮꦶꦏꦴꦤꦷꦠꦶ ꦄꦴꦕꦫꦶꦪꦴ. ꦩꦶꦚ꧀ꦗꦩ꧀ꦥꦶ ꦪꦴꦮꦗꦷꦮꦶꦏꦤ꧀ꦠꦶ ꦌꦏꦺ. ꦲꦶꦔ꧀ꦒꦹꦠꦶ ꦲꦶꦔ꧀ꦒꦸꦫꦸꦏ꧀ꦑꦠꦺꦴ ꦥꦒ꧀ꦓꦫꦶꦠꦤꦶꦪ꧀ꦪꦴꦱꦺꦴ. ꦲꦶꦔ꧀ꦒꦸꦗꦠꦸꦄꦴꦢꦪꦺꦴꦥꦶ ꦲꦶꦔ꧀ꦒꦸꦮꦶꦏꦠꦶꦪꦺꦴ ꦌꦮ. ꦠꦠ꧀ꦡ ꦲꦶꦔ꧀ꦒꦸꦗꦠꦸ ꦤꦴꦩ ꦲꦶꦔ꧀ꦒꦸꦫꦸꦏ꧀ꦑꦱ꧀ꦱ ꦢꦟ꧀ꦝꦥꦠ꧀ꦠꦴꦤꦶ ꦥꦕꦶꦠ꧀ꦮꦴ ꦏꦠꦤꦶꦪ꧀ꦪꦴꦱꦺꦴ, ꦲꦶꦔ꧀ꦒꦸꦱꦶꦥꦴꦛꦶꦏꦁ ꦤꦴꦩ ꦲꦶꦔ꧀ꦒꦸꦥꦠ꧀ꦠꦴꦤꦶ ꦥꦕꦶꦠ꧀ꦮꦴ ꦏꦠꦤꦶꦪ꧀ꦪꦴꦱꦺꦴ. ‘‘ꦄꦚ꧀ꦚꦺꦤ ꦩꦶꦱ꧀ꦱꦺꦠ꧀ꦮꦴ ꦏꦠꦺꦴ’’ꦠꦶꦥꦶ ꦮꦢꦤ꧀ꦠꦶ. ꦠꦏꦤ꧀ꦠꦶ ꦄꦒ꧀ꦒꦏꦺꦴꦛꦶꦪꦴ ꦤꦶꦏ꧀ꦑꦤ꧀ꦠꦱꦶꦭꦺꦱꦺꦴ. ꦠꦏꦥꦠ꧀ꦠꦶꦤ꧀ꦠꦶ ꦥꦠ꧀ꦠꦠꦺꦴ ꦤꦶꦏ꧀ꦑꦤ꧀ꦠꦱꦶꦭꦺꦱꦺꦴ. ꦠꦏꦥꦟ꧀ꦟꦶꦤ꧀ꦠꦶ ꦥꦭꦴꦱꦺ ꦨꦗ꧀ꦗꦶꦠ꧀ꦮꦴ ꦏꦠꦱꦶꦭꦺꦱꦺꦴ. ‘‘ꦢꦟ꧀ꦝꦠꦺꦴ ꦤꦶꦏ꧀ꦑꦤ꧀ꦠꦱꦶꦭꦺꦱꦺꦴ ꦠꦶꦥꦶ ꦮꦢꦤ꧀ꦠꦶ. ꦱꦺꦱꦩꦺꦠ꧀ꦡ ꦈꦠ꧀ꦠꦴꦤꦩꦺꦮ. ꦮꦶꦏꦴꦭꦠꦴ, ꦪꦴꦮꦏꦴꦭꦶꦏꦠꦴ, ꦄꦗ꧀ꦙꦺꦴꦲꦫꦟꦤ꧀ꦠꦶ ꦆꦩꦴꦤꦶ ꦥꦤꦺꦠ꧀ꦡ ꦠꦷꦟꦶ ꦄꦔ꧀ꦒꦴꦤꦶ.

ꦮꦶꦏꦴꦭꦨꦺꦴꦗꦤꦱꦶꦏ꧀ꦑꦴꦥꦢꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.