꧖. ꦄꦤꦸꦥꦑꦗ꧀ꦗꦱꦶꦏ꧀ꦑꦴꦥꦢꦮꦟ꧀ꦟꦤꦴ

꧑꧑꧙-꧑꧒꧑. ꦖꦛ꧀ꦜꦺ ꦄꦤꦸꦥꦮꦶꦱꦶꦠ꧀ꦮꦴꦠꦶ ꦱꦩꦷꦥꦁ ꦥꦮꦶꦱꦶꦠ꧀ꦮꦴ. ꦧꦲꦹꦥꦏꦴꦫꦠꦁ ꦒꦸꦟꦮꦶꦱꦶꦛ꧀ꦜꦠꦚ꧀ꦕ ꦱꦭ꧀ꦭꦏ꧀ꦑꦺꦤ꧀ꦠꦺꦴꦠꦶ ꦨꦟ꧀ꦝꦴꦒꦴꦫꦶꦏꦱ꧀ꦱ ꦧꦲꦹꦥꦏꦴꦫꦠꦁ ꦣꦩ꧀ꦩꦏꦡꦶꦏꦴꦢꦷꦤꦁ ꦒꦸꦟꦮꦶꦱꦶꦛ꧀ꦜꦠꦚ꧀ꦕ ꦱꦭ꧀ꦭꦏ꧀ꦑꦺꦤ꧀ꦠꦺꦴ. ꦱꦩꦤ꧀ꦠꦴ ꦢꦶꦪꦝ꧀ꦞꦺꦴ ꦲꦠ꧀ꦡꦺꦴꦠꦶ ꦩꦗ꧀ꦙꦺ ꦥꦚ꧀ꦚꦠ꧀ꦠꦩꦚ꧀ꦕꦥꦷꦜꦁ ꦱꦤ꧀ꦣꦴꦪ ꦮꦸꦠ꧀ꦠꦁ.

꧑꧒꧒. ꦈꦥꦕꦴꦫꦁ ꦜꦥꦺꦠ꧀ꦮꦴꦠꦶ ꦮꦸꦠ꧀ꦠꦭꦏ꧀ꦑꦟꦁ ꦈꦥꦕꦴꦫꦁ ꦜꦥꦺꦠ꧀ꦮꦴ. ꦌꦏꦮꦶꦲꦴꦫꦺꦠꦶ ꦌꦏꦱ꧀ꦩꦶꦁ ꦱꦺꦤꦴꦱꦤꦺ. ꦌꦏꦥꦫꦶꦮꦺꦟꦺꦠꦶ ꦠꦱ꧀ꦱ ꦮꦶꦲꦴꦫꦱ꧀ꦱ ꦥꦫꦶꦏ꧀ꦑꦺꦥꦧ꧀ꦨꦤ꧀ꦠꦫꦺ. ‘‘ꦒꦶꦭꦴꦤꦺꦴ ꦥꦮꦶꦱꦠꦷꦠꦶꦄꦴꦢꦷꦱꦸ ꦄꦤꦴꦥꦠ꧀ꦠꦶꦏꦴꦫꦟꦱꦧ꧀ꦨꦴꦮꦠꦺꦴ ꦒꦶꦭꦴꦤꦴꦢꦶꦠꦴꦪ ꦥꦮꦶꦱꦶꦱ꧀ꦱꦴꦩꦷꦠꦶ ꦈꦥꦕꦴꦫꦁ ꦥꦮꦶꦱꦤ꧀ꦠꦱ꧀ꦱ ꦱꦠꦶꦥꦶ ꦱꦩ꧀ꦧꦴꦣꦺꦠꦸꦏꦴꦩꦠꦴꦪ ꦄꦤꦴꦥꦠ꧀ꦠꦶ ꦮꦸꦠ꧀ꦠꦴꦪꦺꦮꦴ’’ꦠꦶ ꦠꦷꦱꦸꦥꦶ ꦒꦟ꧀ꦜꦶꦥꦢꦺꦱꦸ ꦮꦸꦠ꧀ꦠꦁ. ꦌꦮꦚ꧀ꦕ ꦱꦠꦶ ꦄꦒꦶꦭꦴꦤꦴꦢꦶꦨꦴꦮꦺꦴꦥꦶ ꦮꦶꦱꦸꦁ ꦄꦔ꧀ꦒꦺꦱꦸ ꦮꦠ꧀ꦠꦧ꧀ꦧꦺꦴ ꦱꦶꦪꦴ, ꦩꦴꦠꦶꦏꦴꦛ꧀ꦜꦏꦡꦴꦪꦁ (ꦏꦔ꧀ꦑꦴ. ꦄꦛ꧀ꦜ. ꦄꦤꦸꦥꦑꦗ꧀ꦗꦱꦶꦏ꧀ꦑꦴꦥꦢꦮꦟ꧀ꦟꦤꦴ) ꦥꦤ ‘‘ꦱꦔ꧀ꦓꦶꦏꦮꦶꦲꦴꦫꦠꦴ, ꦄꦤꦸꦛ꧀ꦜꦴꦥꦤꦷꦪꦨꦴꦮꦗꦴꦤꦤꦁ, ꦱꦩ꧀ꦧꦴꦣꦺꦠꦸꦏꦴꦩꦠꦴ, ꦈꦥꦕꦴꦫꦺ ꦤꦶꦱꦷꦢꦤꦁ ꦮꦴ ꦤꦶꦥꦗ꧀ꦗꦤꦁ ꦮꦴꦠꦶ ꦆꦩꦴꦤꦶ ꦥꦤꦺꦠ꧀ꦡ ꦕꦠ꧀ꦠꦴꦫꦶ ꦄꦔ꧀ꦒꦴꦤꦷ’’ꦠꦶ ꦌꦠ꧀ꦠꦏꦩꦺꦮ ꦮꦸꦠ꧀ꦠꦁ, ꦠꦱ꧀ꦩꦴ ꦮꦷꦩꦁꦱꦶꦠꦧ꧀ꦧꦁ.

ꦄꦤꦸꦥꦑꦗ꧀ꦗꦱꦶꦏ꧀ꦑꦴꦥꦢꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.