꧘. ꦢꦸꦧ꧀ꦧꦟ꧀ꦟꦏꦫꦟꦱꦶꦏ꧀ꦑꦴꦥꦢꦮꦟ꧀ꦟꦤꦴ

꧓꧖꧘. ꦄꦛ꧀ꦜꦩꦺ ꦥꦛꦶꦭꦢ꧀ꦣꦤꦮꦕꦷꦮꦫꦺꦤꦴꦠꦶ ꦌꦠ꧀ꦡ ꦥꦸꦧ꧀ꦧꦺ ꦄꦏꦠꦏꦥ꧀ꦥꦁ ꦏꦠꦶꦥꦴꦲꦁ ꦤꦶꦮꦴꦱꦤꦠ꧀ꦡꦴꦪ ꦠꦴꦮꦏꦴꦭꦶꦏꦮꦱꦺꦤ ꦭꦢ꧀ꦣꦩ꧀ꦥꦶ ꦱꦔ꧀ꦒꦪ꧀ꦲꦠꦷꦠꦶ ꦮꦢꦤ꧀ꦠꦶ.

꧓꧖꧙. ‘‘ꦤꦮꦁ ꦤꦴꦩ ꦄꦏꦠꦏꦥ꧀ꦥ’’ꦤ꧀ꦠꦶ ꦱꦴꦩꦚ꧀ꦚꦠꦺꦴ ꦮꦸꦠ꧀ꦠꦠ꧀ꦠꦴ ꦄꦚ꧀ꦚꦺꦤ ꦨꦶꦏ꧀ꦑꦸꦤꦴ ꦏꦥ꧀ꦥꦧꦶꦤ꧀ꦢꦸꦁ ꦢꦠ꧀ꦮꦴ ꦥꦫꦶꦨꦸꦠ꧀ꦠꦁ ꦕꦷꦮꦫꦁ, ꦠꦺꦤ ꦮꦴ, ꦠꦠꦺꦴ ꦭꦨꦶꦠ꧀ꦮꦴ ꦄꦚ꧀ꦚꦺꦤ ꦮꦴ ꦏꦺꦤꦕꦶ ꦢꦶꦤ꧀ꦤꦩ꧀ꦥꦶ ꦏꦠꦏꦥ꧀ꦥꦩꦺꦮ ꦤꦮꦁ ꦤꦴꦩ ꦤ ꦲꦺꦴꦠꦷꦠꦶ ꦢꦛ꧀ꦜꦧ꧀ꦧꦁ. ‘‘ꦤꦶꦮꦴꦱꦺꦠꦸꦁ ꦮꦴ ꦥꦴꦫꦸꦥꦶꦠꦸꦁ ꦮꦴ’’ꦠꦶ ꦮꦸꦠ꧀ꦠꦠ꧀ꦠꦴ ꦄꦁꦱꦧꦢ꧀ꦣꦏꦴꦱꦴꦮꦩ꧀ꦥꦶ ꦥꦴꦫꦸꦥꦶꦠꦧ꧀ꦧꦠꦺꦴ ꦏꦥ꧀ꦥꦁ ꦏꦴꦠꦧ꧀ꦧꦤ꧀ꦠꦶ ꦮꦢꦤ꧀ꦠꦶ. ꦕꦩ꧀ꦩꦏꦴꦫꦤꦷꦭꦁ ꦤꦴꦩ ꦕꦩ꧀ꦩꦁ ꦤꦷꦭꦮꦟ꧀ꦟꦁ ꦏꦴꦠꦸꦁ ꦪꦺꦴꦗꦶꦪꦩꦴꦤꦁ ꦤꦷꦭꦁ. ꦥꦏꦠꦶꦤꦷꦭꦩꦺꦮꦴꦠꦶ ꦏꦺꦕꦶ. ꦪꦡꦴꦮꦸꦠ꧀ꦠꦕꦷꦮꦫꦱ꧀ꦱ ꦄꦏꦠꦏꦥ꧀ꦥꦠꦴ, ꦄꦤꦛ꧀ꦜꦕꦷꦮꦫꦴꦢꦶꦠꦴ, ꦤꦶꦮꦴꦱꦤꦴꦢꦶꦠꦴꦠꦶ ꦠꦷꦟꦶ ꦄꦔ꧀ꦒꦴꦤꦶ.

ꦢꦸꦧ꧀ꦧꦟ꧀ꦟꦏꦫꦟꦱꦶꦏ꧀ꦑꦴꦥꦢꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.