꧖. ꦢꦸꦠꦶꦪꦱꦲꦱꦺꦪ꧀ꦪꦱꦶꦏ꧀ꦑꦴꦥꦢꦮꦟ꧀ꦟꦤꦴ
꧕꧕. ꦖꦛ꧀ꦜꦺ ꦩꦴꦠꦸꦒꦴꦩꦺꦤ ꦱꦢ꧀ꦣꦶꦁ ꦕꦠꦸꦠ꧀ꦡꦢꦶꦮꦱꦺ ꦱꦪꦤ꧀ꦠꦱ꧀ꦱꦴꦥꦶ ꦆꦩꦶꦤꦴ ꦱꦶꦏ꧀ꦑꦴꦥꦢꦺꦤ ꦌꦏꦴꦮ ꦄꦴꦥꦠ꧀ꦠꦶ. ꦏꦺꦕꦶ ꦥꦤ ꦥꦸꦫꦶꦩꦱꦶꦏ꧀ꦑꦴꦥꦢꦺꦤꦴꦥꦷꦠꦶ ꦢ꧀ꦮꦺ ꦄꦴꦥꦠ꧀ꦠꦶꦪꦺꦴ ꦮꦢꦤ꧀ꦠꦶ, ꦠꦁ ꦤ ꦪꦸꦠ꧀ꦠꦁ ‘‘ꦄꦤꦸꦥꦱꦩ꧀ꦥꦤ꧀ꦤꦺꦤꦴ’’ꦠꦶ ꦄꦤꦶꦠ꧀ꦡꦶꦭꦶꦔ꧀ꦒꦺꦤ ꦮꦸꦠ꧀ꦠꦠ꧀ꦠꦴ ꦤꦥꦸꦁꦱꦏꦺꦤ ꦥꦤ ꦕꦠꦸꦠ꧀ꦡꦢꦶꦮꦱꦺ ꦱꦪꦤ꧀ꦠꦱ꧀ꦱ ꦱꦢꦸꦏ꧀ꦏꦛꦥꦴꦕꦶꦠ꧀ꦠꦶꦪꦁ ꦮꦠ꧀ꦠꦸꦁ ꦪꦸꦠ꧀ꦠꦁ. ꦏꦶꦚ꧀ꦕꦴꦥꦺꦠ꧀ꦡ ꦥꦴꦭ꦳ꦶꦪꦁ ꦥꦟ꧀ꦝꦏꦮꦱꦺꦤꦺꦮ ꦢꦸꦏ꧀ꦏꦛꦁ ꦮꦸꦠ꧀ꦠꦁ, ꦠꦢꦤꦸꦭꦺꦴꦩꦶꦏꦴ ꦥꦤ ꦥꦸꦫꦶꦱꦈꦨꦠꦺꦴꦧ꧀ꦪꦚ꧀ꦗꦤꦏꦺꦤ ꦱꦲ ꦱꦪꦤ꧀ꦠꦱ꧀ꦱ ꦆꦩꦶꦤꦴ ꦢꦸꦏ꧀ꦏꦛꦁ, ꦥꦸꦫꦶꦩꦺꦤ ꦕꦠꦸꦠ꧀ꦡꦢꦶꦮꦱꦺ ꦱꦢꦸꦏ꧀ꦏꦛꦥꦴꦕꦶꦠ꧀ꦠꦶꦪꦁ. ꦆꦠ꧀ꦡꦶꦈꦨꦠꦺꦴꦧ꧀ꦪꦚ꧀ꦗꦤꦏꦺꦴ ꦆꦠ꧀ꦡꦶꦒꦠꦶꦏꦺꦴꦮꦴꦠꦶ ꦄꦪꦁ ꦄꦩ꧀ꦲꦴꦏꦁ ꦑꦤ꧀ꦠꦶ. ꦩꦠꦶꦠ꧀ꦡꦶꦪꦴ ꦄꦤꦴꦥꦠ꧀ꦠꦷꦠꦶ ꦮꦢꦤ꧀ꦠꦶ. ꦥꦴꦕꦶꦠ꧀ꦠꦶꦪꦮꦠ꧀ꦡꦸꦏꦱꦺꦤꦴꦱꦤꦁ, ꦠꦠ꧀ꦡ ꦩꦴꦠꦸꦒꦴꦩꦺꦤ ꦱꦢ꧀ꦣꦶꦁ ꦤꦶꦥꦗ꧀ꦗꦤꦁ, ꦱꦹꦫꦶꦪꦠ꧀ꦡꦔ꧀ꦒꦩꦤꦤ꧀ꦠꦶ ꦆꦩꦴꦤꦺꦠ꧀ꦡ ꦠꦷꦟꦶ ꦄꦔ꧀ꦒꦴꦤꦶ.
ꦢꦸꦠꦶꦪꦱꦲꦱꦺꦪ꧀ꦪꦱꦶꦏ꧀ꦑꦴꦥꦢꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.