ꦱꦺꦴꦭ꦳ꦱꦩꦲꦴꦮꦴꦫꦮꦟ꧀ꦟꦤꦴ

ꦥꦚ꧀ꦚꦠ꧀ꦠꦶꦮꦴꦫꦮꦟ꧀ꦟꦤꦴ

꧑-꧒. ꦱꦷꦭꦱꦩꦴꦣꦶꦥꦚ꧀ꦚꦴꦮꦶꦩꦸꦠ꧀ꦠꦶꦮꦶꦩꦸꦠ꧀ꦠꦶꦚꦴꦟꦢꦱ꧀ꦱꦤꦱꦔ꧀ꦑꦴꦠꦱ꧀ꦱ ꦣꦩ꧀ꦩꦏ꧀ꦑꦤ꧀ꦣꦱꦫꦷꦫꦱ꧀ꦱ ꦱꦴꦱꦤꦺꦠꦶ ꦄꦠ꧀ꦡꦺꦴ. ꦥꦫꦶꦮꦴꦫꦺꦴꦠꦶ ꦱꦔ꧀ꦒꦲꦁ ꦪꦺꦴ ꦱꦩꦴꦫꦸꦭ꦳꧀ꦲꦺꦴ, ꦠꦱ꧀ꦱ ꦥꦫꦶꦮꦴꦫꦱ꧀ꦱ. ꦮꦶꦤꦪꦨꦹꦠꦴ ꦥꦚ꧀ꦚꦠ꧀ꦠꦶ ꦮꦶꦤꦪꦥꦚ꧀ꦚꦠ꧀ꦠꦶ. ‘‘ꦥꦚ꧀ꦚꦠ꧀ꦠꦶꦏꦴꦭꦁ ꦗꦴꦤꦠꦴ’’ꦠꦶ ꦢꦸꦏꦤꦪꦮꦱꦺꦤ ꦮꦠ꧀ꦮꦴ ꦥꦸꦤ ꦱꦸꦠ꧀ꦠꦤ꧀ꦠꦤꦪꦺꦤ ꦮꦠ꧀ꦠꦸꦁ ‘‘ꦄꦥꦶꦕ ꦥꦸꦧ꧀ꦧꦺꦤꦶꦮꦴꦱꦴꦢꦷꦲꦷ’’ꦠꦶ ꦮꦸꦠ꧀ꦠꦁ. ꦠꦠ꧀ꦡ ꦥꦱ꧀ꦱꦤꦁ ꦤꦴꦩ ꦢꦱ꧀ꦱꦤꦠ꧀ꦠꦴ ꦢꦶꦧ꧀ꦧꦕꦏ꧀ꦑꦸꦤꦴ ꦪꦺꦴꦗꦶꦠꦁ ꦥꦛꦶꦮꦺꦣꦚꦴꦟꦢꦱ꧀ꦱꦤꦁ. ꦢꦺꦱꦤꦴꦥꦚ꧀ꦚꦴꦪ ꦥꦱ꧀ꦱꦠꦴꦠꦶ ꦄꦴꦱꦪꦴꦤꦸꦱꦪꦴꦢꦶꦏꦺ. ꦥꦸꦕ꧀ꦖꦴꦪꦴꦠꦶ ꦱꦠ꧀ꦠꦩꦷ. ꦥꦸꦤꦥꦶ ꦌꦠ꧀ꦡꦴꦠꦶ ꦥꦸꦕ꧀ꦖꦴꦮꦶꦱ꧀ꦱꦗ꧀ꦗꦤꦺ. ꦩꦶꦕ꧀ꦖꦴꦢꦶꦛ꧀ꦜꦷꦠꦶ ꦤꦠ꧀ꦡꦶꦏꦢꦶꦛ꧀ꦜꦶ ꦄꦤ꧀ꦠꦒ꧀ꦒꦴꦲꦶꦏꦢꦶꦛ꧀ꦜꦶ. ‘‘ꦄꦴꦗꦷꦮꦲꦺꦠꦸ ꦥꦚ꧀ꦚꦠ꧀ꦠꦴꦤꦷ’’ꦠꦶ ꦮꦕꦤꦠꦺꦴ ꦆꦩꦴꦤꦶ ꦖ ꦱꦶꦏ꧀ꦑꦴꦥꦢꦴꦤꦶ ꦜꦥꦺꦠ꧀ꦮꦴ ꦱꦺꦱꦴ ꦄꦴꦕꦴꦫꦮꦶꦥꦠ꧀ꦠꦶ ꦤꦴꦩꦴꦠꦶ ꦮꦺꦢꦶꦠꦧ꧀ꦧꦁ. ꦏꦴꦪꦺꦤ ꦥꦤ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦠꦷꦠꦶ ꦌꦠ꧀ꦡ ‘‘ꦥꦸꦧ꧀ꦧꦨꦴꦒꦺ ꦱꦺꦮꦤꦕꦶꦠ꧀ꦠꦩꦔ꧀ꦒꦁ ꦏꦠ꧀ꦮꦴ ꦏꦴꦪꦢ꧀ꦮꦴꦫꦱꦔ꧀ꦑꦴꦠꦁ ꦮꦶꦚ꧀ꦚꦠ꧀ꦠꦶꦁ ꦗꦤꦪꦶꦠ꧀ꦮꦴ ꦥꦮꦠ꧀ꦠꦕꦶꦠ꧀ꦠꦸꦥ꧀ꦥꦴꦢꦱꦔ꧀ꦑꦴꦠꦁ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦠꦶ, ꦏꦶꦚ꧀ꦕꦴꦥꦶ ꦕꦶꦠ꧀ꦠꦺꦤ ꦱꦩꦸꦛ꧀ꦜꦴꦥꦶꦠꦴ ꦮꦶꦚ꧀ꦚꦠ꧀ꦠꦶ, ꦠꦡꦴꦥꦶ ꦕꦶꦠ꧀ꦠꦺꦤ ꦄꦣꦶꦥ꧀ꦥꦺꦠꦱ꧀ꦱ ꦄꦠ꧀ꦡꦱ꧀ꦱ ꦮꦶꦚ꧀ꦚꦠ꧀ꦠꦶꦪꦴ ꦱꦴꦣꦶꦠꦠ꧀ꦠꦴ ‘ꦏꦴꦪꦢ꧀ꦮꦴꦫꦺꦤ ꦄꦴꦥꦗ꧀ꦗꦠꦷ’ꦠꦶ ꦮꦸꦠ꧀ꦠ’’ꦤ꧀ꦠꦶ ꦆꦩꦩꦠ꧀ꦡꦁ ꦱꦤ꧀ꦣꦴꦪ ꦮꦸꦠ꧀ꦠꦁ, ꦤ ꦨꦟ꧀ꦝꦤꦴꦢꦶꦠ꧀ꦠꦪꦮꦹꦥꦱꦩꦁ. ꦄꦴꦥꦴꦟꦏꦺꦴꦛꦶꦏꦤ꧀ꦠꦶ ꦗꦷꦮꦶꦠꦥꦫꦶꦪꦤ꧀ꦠꦁ ꦏꦠ꧀ꦮꦴ. ꦥꦺꦴꦫꦴꦟꦏꦺꦲꦶ ꦩꦲꦴꦡꦺꦫꦺꦲꦷꦠꦶ ꦱꦷꦲꦭ꦳ꦢꦷꦥꦺ ꦩꦲꦴꦡꦺꦫꦺꦲꦶ ꦥꦺꦴꦠ꧀ꦡꦏꦁ ꦄꦴꦫꦺꦴꦥꦶꦠꦏꦴꦭꦺ ꦜꦥꦶꦠꦴꦠꦶ ꦄꦠ꧀ꦡꦺꦴ. ‘‘ꦕꦠꦸꦠ꧀ꦡꦱꦔ꧀ꦒꦷꦠꦶꦱꦢꦶꦱꦴ ꦥꦺꦴꦠ꧀ꦡꦏꦴꦫꦸꦭ꦳꧀ꦲꦱꦔ꧀ꦒꦷꦠꦶ ꦄꦲꦺꦴꦱꦷ’’ꦠꦶ ꦮꦸꦠ꧀ꦠꦁ.

ꦩꦲꦴꦮꦶꦨꦔ꧀ꦒꦺ ꦥꦚ꧀ꦚꦠ꧀ꦠꦶꦮꦴꦫꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.

ꦏꦠꦴꦥꦠ꧀ꦠꦶꦮꦴꦫꦴꦢꦶꦮꦟ꧀ꦟꦤꦴ

꧑꧖꧖. ꦏꦠꦴꦥꦠ꧀ꦠꦶꦮꦴꦫꦺ ‘‘ꦱꦔ꧀ꦓꦶꦏꦁ ꦩꦚ꧀ꦕꦁ ꦮꦴ’’ꦠꦶꦄꦴꦢꦶ ꦄꦗ꧀ꦙꦺꦴꦏꦴꦱꦠ꧀ꦠꦴ ꦮꦶꦲꦴꦫꦧ꧀ꦨꦤ꧀ꦠꦫꦺꦥꦶ ꦄꦴꦥꦗ꧀ꦗꦤꦠꦺꦴ ꦭꦺꦝ꧀ꦝꦸꦥꦴꦠꦴꦠꦶꦏ꧀ꦏꦩꦮꦱꦺꦤ ꦮꦸꦠ꧀ꦠꦁ. ꦢꦸꦠꦶꦪꦺ ꦱꦺꦪ꧀ꦪꦁ ꦱꦤ꧀ꦡꦫꦶꦠ꧀ꦮꦴꦠꦶ ꦄꦧ꧀ꦨꦤ꧀ꦠꦫꦺ ꦱꦤ꧀ꦡꦫꦶꦠꦨꦴꦮꦠꦺꦴ ꦮꦶꦲꦴꦫꦠꦺꦴ ꦧꦲꦶꦒꦩꦤꦺꦥꦶ ꦠꦁꦢꦶꦮꦱꦴꦤꦴꦒꦩꦺ ꦄꦴꦥꦗ꧀ꦗꦤꦠꦺꦴ ‘‘ꦥꦫꦶꦏ꧀ꦑꦺꦥꦁ ꦄꦠꦶꦏ꧀ꦏꦴꦩꦺꦠꦷ’’ꦠꦶ ꦮꦸꦠ꧀ꦠꦁ.

꧑꧗꧑. ꦱꦚ꧀ꦕꦶꦕ꧀ꦕ ꦥꦴꦟꦁ ꦗꦷꦮꦶꦠꦴ ꦮꦺꦴꦫꦺꦴꦥꦺꦤ꧀ꦠꦺꦴ ꦕꦠꦱ꧀ꦱꦺꦴ ꦄꦴꦥꦠ꧀ꦠꦶꦪꦺꦴꦠꦶ ꦌꦠ꧀ꦡ ꦏꦶꦚ꧀ꦕꦴꦥꦶ ꦠꦱ꧀ꦩꦶꦁ ꦱꦶꦏ꧀ꦑꦴꦥꦢꦺ ꦠꦶꦫꦕ꧀ꦖꦴꦤꦒꦠꦥꦴꦟꦺꦴꦮ ꦄꦣꦶꦥ꧀ꦥꦺꦠꦺꦴ, ꦄꦡ ꦑꦺꦴ ꦥꦴꦟꦺꦴꦠꦶ ꦮꦺꦴꦲꦴꦫꦱꦴꦩꦚ꧀ꦚꦠꦺꦴ ꦄꦠ꧀ꦡꦸꦢ꧀ꦣꦴꦫꦮꦱꦺꦤ ‘‘ꦕꦠꦱ꧀ꦱꦺꦴ’’ꦠꦶ ꦮꦸꦠ꧀ꦠꦁ. ꦌꦱ ꦤꦪꦺꦴ ꦄꦚ꧀ꦚꦺꦱꦸꦥꦶ ꦌꦮꦫꦹꦥꦺꦱꦸ ꦜꦴꦤꦺꦱꦸ.

꧑꧗꧓. ꦮꦶꦏꦴꦭꦺ ꦒꦴꦩꦥ꧀ꦥꦮꦺꦱꦤꦺ ‘‘ꦥꦜꦩꦁ ꦥꦴꦢꦁ ꦥꦫꦶꦏ꧀ꦑꦺꦥꦁ ꦄꦠꦶꦏ꧀ꦏꦴꦩꦺꦠꦶ, ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱꦴ’ꦠꦶ ꦮꦸꦠ꧀ꦠꦠ꧀ꦠꦴ ꦈꦥꦕꦴꦫꦺ ꦤꦴꦥꦗ꧀ꦗꦠꦶ, ꦥꦫꦶꦏ꧀ꦑꦺꦥꦁ ꦄꦠꦶꦏ꧀ꦏꦩꦶꦠ꧀ꦮꦴꦮ ꦄꦴꦥꦗ꧀ꦗꦠꦷꦠꦶ ꦱꦶꦢ꧀ꦣꦩꦺꦮꦴ’’ꦠꦶ ꦮꦢꦤ꧀ꦠꦶ.

꧑꧙꧓. ꦥꦕ꧀ꦕꦪꦮꦴꦫꦺ ꦥꦸꦫꦶꦩꦮꦴꦫꦠꦺꦴ ꦮꦶꦱꦺꦱꦺꦴ ꦄꦠ꧀ꦡꦶꦪꦺꦮ, ‘‘ꦩꦺꦡꦸꦤꦁ ꦣꦩ꧀ꦩꦁ ꦥꦛꦶꦱꦺꦮꦤ꧀ꦠꦺꦴ ꦏꦠꦶ ꦄꦴꦥꦠ꧀ꦠꦶꦪꦺꦴ ꦄꦴꦥꦗ꧀ꦗꦠꦷ’’ꦠꦶ ꦮꦸꦠ꧀ꦠꦺ ꦗꦠꦸꦩꦛ꧀ꦜꦏꦱ꧀ꦱꦺꦴꦏꦴꦱꦺꦴ ꦤ ꦗꦴꦠꦺꦴ, ꦆꦣ ꦥꦤ ‘‘ꦩꦺꦡꦸꦤꦁ ꦣꦩ꧀ꦩꦁ ꦥꦛꦶꦱꦺꦮꦤꦥꦕ꧀ꦕꦪꦴ’’ꦠꦶ ꦮꦸꦠ꧀ꦠꦺ ꦥꦸꦒ꧀ꦒꦭꦤꦶꦢ꧀ꦢꦺꦱꦴꦨꦴꦮꦴ ꦗꦠꦸꦩꦛ꧀ꦜꦏꦚ꧀ꦕ ꦥꦮꦶꦛ꧀ꦜꦁ, ꦌꦮꦁ ꦮꦶꦱꦺꦱꦺꦴ ꦄꦠ꧀ꦡꦶ. ꦠꦡꦴ ꦌꦮꦫꦹꦥꦺꦱꦸ ꦜꦴꦤꦺꦱꦸ.

ꦩꦲꦴꦮꦶꦨꦔ꧀ꦒꦺ ꦕ ꦨꦶꦏ꧀ꦑꦸꦤꦶꦮꦶꦨꦔ꧀ꦒꦺ ꦱꦺꦴꦭ꦳ꦱꦩꦲꦴꦮꦴꦫꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.