꧓. ꦑꦩ꧀ꦨꦏꦠꦮꦒ꧀ꦒꦮꦟ꧀ꦟꦤꦴ

꧖꧐꧔. ꦱꦹꦥꦺꦴ ꦥꦠ꧀ꦠꦥ꧀ꦥꦩꦴꦟꦮꦟ꧀ꦟꦤꦴꦪꦁ ꦮꦸꦠ꧀ꦠꦴꦏꦴꦫꦺꦴ. ꦎꦭꦺꦴꦟꦷ ꦮꦸꦕ꧀ꦕꦠꦶ ꦏꦸꦣꦶꦠꦁ, ꦒꦺꦴꦫꦱꦠꦺꦴ ꦥꦹꦫꦴ ꦡꦹꦥꦶꦠꦺꦴꦠꦶ ꦄꦠ꧀ꦡꦺꦴ.

꧖꧐꧕. ꦲꦺꦛ꧀ꦜꦴ ꦎꦫꦺꦴꦲꦠꦷꦠꦶ ꦌꦠ꧀ꦡ ‘‘ꦎꦫꦺꦴꦲꦤꦥ꧀ꦥꦩꦴꦟꦺ ꦱꦠꦶ ꦌꦏꦢꦺꦱꦺ ꦡꦹꦥꦷꦏꦠꦺꦥꦶ ꦄꦤꦴꦥꦠ꧀ꦠꦷ’’ꦠꦶ ꦮꦢꦤ꧀ꦠꦶ. ‘‘ꦥꦠ꧀ꦠꦱ꧀ꦱ ꦥꦤ ꦲꦺꦛ꧀ꦜꦴ ꦕ ꦈꦥꦫꦶ ꦕ ꦥꦢꦸꦩꦶꦤꦶꦥꦟ꧀ꦟꦴꦢꦷꦲꦶ ꦥꦛꦶꦕ꧀ꦖꦴꦢꦺꦠ꧀ꦮꦴ ꦎꦢꦲꦤ꧀ꦠꦶꦪꦴ ꦭꦢ꧀ꦣꦁ ꦤꦴꦩ ꦮꦛ꧀ꦛꦠꦷ’’ꦠꦶ ꦕ ꦮꦢꦤ꧀ꦠꦶ. ꦌꦠ꧀ꦡ ‘‘ꦪꦱ꧀ꦩꦴ ‘ꦱꦩꦠꦶꦠ꧀ꦠꦶꦏꦺꦴ ꦥꦶꦟ꧀ꦝꦥꦴꦠꦺꦴ ꦥꦛꦶꦒ꧀ꦒꦲꦺꦠꦧ꧀ꦧꦺꦴ’ꦠꦶ ꦮꦕꦤꦁ ꦥꦶꦟ꧀ꦝꦥꦴꦠꦺꦴ ꦱꦩꦥꦸꦟ꧀ꦟꦺꦴ ꦥꦛꦶꦒ꧀ꦒꦲꦺꦠꦧ꧀ꦧꦺꦴꦠꦶ ꦢꦷꦥꦺꦠꦶ, ꦠꦱ꧀ꦩꦴ ꦄꦠ꧀ꦠꦤꦺꦴ ꦲꦠ꧀ꦡꦒꦠꦺ ꦥꦠ꧀ꦠꦺ ꦥꦶꦟ꧀ꦝꦥꦴꦠꦺꦴ ꦢꦶꦪ꧀ꦪꦩꦴꦤꦺꦴ ꦡꦹꦥꦷꦏꦠꦺꦴꦥꦶ ꦕꦺ ꦲꦺꦴꦠꦶ, ꦮꦛ꧀ꦛꦠꦷꦠꦶ ꦢꦷꦥꦺꦠꦶ. ‘ꦡꦹꦥꦷꦏꦠꦁ ꦥꦶꦟ꧀ꦝꦥꦴꦠꦁ ꦥꦛꦶꦒ꧀ꦒꦟ꧀ꦲꦴꦠꦶ, ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱꦴ’ꦠꦶ ꦲꦶ ꦮꦕꦤꦁ ꦥꦜꦩꦁ ꦡꦹꦥꦷꦏꦠꦁ ꦥꦶꦟ꧀ꦝꦥꦴꦠꦁ ꦥꦕ꧀ꦖꦴ ꦥꦛꦶꦒ꧀ꦒꦟ꧀ꦲꦠꦺꦴ, ꦄꦴꦥꦠ꧀ꦠꦷꦠꦶ ꦢꦷꦥꦺꦠꦶ. ꦥꦠ꧀ꦠꦺꦤ ꦥꦛꦶꦒ꧀ꦒꦟ꧀ꦲꦠꦺꦴ ꦕꦺꦥꦶ ꦡꦹꦥꦷꦏꦠꦁ ꦲꦺꦴꦠꦶ, ꦮꦛ꧀ꦛꦠꦶ ꦄꦡꦹꦥꦷꦏꦠꦱ꧀ꦱ ꦥꦛꦶꦒ꧀ꦒꦲꦶꦠꦠ꧀ꦠꦴ. ꦥꦪꦺꦴꦒꦺꦴ ꦥꦤ ꦤꦠ꧀ꦡꦶ ꦄꦚ꧀ꦚꦠ꧀ꦫ ꦥꦸꦧ꧀ꦧꦢꦺꦱꦴ’’ꦠꦶ ꦕ ‘‘ꦱꦩꦠꦶꦠ꧀ꦠꦶꦏꦤ꧀ꦠꦶ ꦮꦴ ꦨꦴꦮꦤꦥꦸꦁꦱꦏ’’ꦤ꧀ꦠꦶ ꦕ ꦮꦢꦤ꧀ꦠꦶ, ꦠꦱ꧀ꦩꦴ ꦮꦶꦕꦴꦫꦺꦠ꧀ꦮꦴ ꦒꦲꦺꦠꦧ꧀ꦧꦁ.

ꦑꦩ꧀ꦨꦏꦠꦮꦒ꧀ꦒꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.