꧘. ꦢꦸꦠꦶꦪꦄꦴꦩꦏꦣꦚ꧀ꦚꦥꦺꦪ꧀ꦪꦴꦭꦮꦒ꧀ꦒꦺꦴ

꧘. ꦧꦷꦗꦒꦴꦩꦱꦸꦠ꧀ꦠꦮꦟ꧀ꦟꦤꦴ

꧑꧑꧔꧘. ‘‘ꦩꦹꦭꦧꦷꦗ’’ꦤ꧀ꦠꦶꦄꦴꦢꦷꦱꦸ ꦩꦹꦭꦩꦺꦮ ꦧꦷꦗꦤ꧀ꦠꦶ ꦩꦹꦭꦧꦷꦗꦁ, ꦩꦹꦭꦧꦷꦗꦁ ꦌꦠꦱ꧀ꦱꦴꦠꦶꦥꦶ ꦩꦹꦭꦧꦷꦗꦁ. ꦠꦠ꧀ꦡ ꦥꦸꦫꦶꦩꦺꦤ ꦧꦷꦗꦒꦴꦩꦺꦴ ꦮꦸꦠ꧀ꦠꦺꦴ ‘‘ꦧꦷꦗꦴꦤꦁ ꦱꦩꦹꦲꦺꦴ’’ꦠꦶ ꦏꦠ꧀ꦮꦴ, ꦢꦸꦠꦶꦪꦺꦤ ꦨꦹꦠꦒꦴꦩꦺꦴ. ꦢꦸꦮꦶꦣꦺꦴꦥꦺꦱꦺꦴ ꦱꦴꦩꦚ꧀ꦚꦤꦶꦢ꧀ꦢꦺꦱꦺꦤ, ‘‘ꦩꦹꦭꦧꦷꦗꦚ꧀ꦕ ꦩꦹꦭꦧꦷꦗꦚ꧀ꦕ ꦩꦹꦭꦧꦷꦗ’’ꦤ꧀ꦠꦶ ꦌꦏꦱꦺꦱꦤꦪꦺꦤ ꦮꦴ ꦧꦷꦗꦠ꧀ꦡꦺꦴ ꦮꦺꦢꦶꦠꦧ꧀ꦧꦺꦴ. ꦌꦱ ꦤꦪꦺꦴ ꦱꦺꦱꦺꦱꦸꦥꦶ. ꦦꦭ꦳ꦸꦧꦷꦗꦤ꧀ꦠꦶ ꦥꦧ꧀ꦧꦧꦷꦗꦁ. ꦧꦴꦲꦶꦫꦥꦕ꧀ꦕꦪꦤ꧀ꦠꦫꦱꦩꦮꦴꦪꦺ ꦱꦢꦶꦱꦦꦭꦸꦥ꧀ꦥꦠ꧀ꦠꦶꦪꦴ ꦮꦶꦱꦺꦱꦏꦴꦫꦟꦨꦴꦮꦠꦺꦴ ꦮꦶꦫꦸꦲꦤꦱꦩꦠ꧀ꦡꦺ ꦱꦴꦫꦦꦭꦺ ꦤꦶꦫꦸꦭ꦳꧀ꦲꦺꦴ ꦧꦷꦗ-ꦱꦢ꧀ꦢꦺꦴ. ꦠꦢꦠ꧀ꦡꦱꦶꦢ꧀ꦣꦶꦪꦴ ꦩꦹꦭꦴꦢꦷꦱꦸꦥꦶ ꦏꦺꦱꦸꦕꦶ ꦥꦮꦠ꧀ꦠꦠꦷꦠꦶ ꦠꦠꦺꦴ ꦤꦶꦮꦠ꧀ꦠꦤꦠ꧀ꦡꦁ ꦌꦏꦺꦤ ꦧꦷꦗ-ꦱꦢ꧀ꦢꦺꦤ ꦮꦶꦱꦺꦱꦺꦠ꧀ꦮꦴ ꦮꦸꦠ꧀ꦠꦁ ‘‘ꦧꦷꦗꦧꦷꦗ’’ꦤ꧀ꦠꦶ ‘‘ꦫꦹꦥꦫꦹꦥꦁ, ꦢꦸꦏ꧀ꦑꦢꦸꦏ꧀ꦑ’’ꦤ꧀ꦠꦶ (ꦱꦁ. ꦤꦶ. ꧔.꧓꧒꧗) ꦕ ꦪꦡꦴ. ꦤꦷꦭꦠꦶꦟꦫꦸꦏ꧀ꦑꦴꦢꦶꦏꦱ꧀ꦱꦴꦠꦶ ꦄꦭ꧀ꦭꦠꦶꦟꦱ꧀ꦱ ꦕꦺꦮ ꦄꦭ꧀ꦭꦫꦸꦏ꧀ꦑꦴꦢꦶꦏꦱ꧀ꦱ ꦕ. ꦄꦴꦢꦶ-ꦱꦢ꧀ꦢꦺꦤ ꦎꦱꦣꦶꦒꦕ꧀ꦖꦭꦠꦴꦢꦷꦤꦁ ꦒꦲꦟꦁ.

꧙. ꦮꦶꦏꦴꦭꦨꦺꦴꦗꦤꦱꦸꦠ꧀ꦠꦮꦟ꧀ꦟꦤꦴ

꧑꧑꧔꧙. ꦄꦫꦸꦟꦸꦒ꧀ꦒꦩꦤꦠꦺꦴ ꦥꦛ꧀ꦜꦴꦪ ꦪꦴꦮ ꦩꦗ꧀ꦙꦤ꧀ꦲꦶꦏꦺꦴ, ꦄꦪꦁ ꦧꦸꦢ꧀ꦣꦴꦢꦶꦄꦫꦶꦪꦴꦤꦁ ꦄꦴꦕꦶꦟ꧀ꦟꦱꦩꦴꦕꦶꦟ꧀ꦟꦺꦴ ꦨꦺꦴꦗꦤꦱ꧀ꦱ ꦏꦴꦭꦺꦴ, ꦠꦢꦚ꧀ꦚꦺꦴ ꦮꦶꦏꦴꦭꦺꦴꦠꦶ ꦄꦴꦲ – ‘‘ꦮꦶꦏꦴꦭꦨꦺꦴꦗꦤꦴꦠꦶ ꦏꦴꦭꦴꦠꦶꦏ꧀ꦏꦤ꧀ꦠꦨꦺꦴꦗꦤꦴ’’ꦠꦶ.

꧑꧐. ꦒꦤ꧀ꦣꦮꦶꦭꦺꦥꦤꦱꦸꦠ꧀ꦠꦮꦟ꧀ꦟꦤꦴ

꧑꧑꧕꧐. ꦪꦁ ꦏꦶꦚ꧀ꦕꦶ ꦥꦸꦥ꧀ꦦꦤ꧀ꦠꦶ ꦒꦤ꧀ꦡꦶꦩꦁ ꦄꦒꦤ꧀ꦡꦶꦩꦁ ꦮꦴ ꦪꦁ ꦏꦶꦚ꧀ꦕꦶ ꦥꦸꦥ꧀ꦦꦗꦴꦠꦁ, ꦠꦡꦴ ꦥꦶꦱꦶꦠꦴꦢꦶꦨꦺꦢꦁ ꦪꦁ ꦏꦶꦚ꧀ꦕꦶ ꦒꦤ꧀ꦣꦗꦴꦠꦁ.