꧑. ꦄꦴꦤꦤ꧀ꦢꦱꦸꦠ꧀ꦠꦮꦟ꧀ꦟꦤꦴ

꧘꧓. ꦥꦛꦶꦕ꧀ꦕꦴꦠꦶ ꦤꦶꦱ꧀ꦱꦪꦁ ꦏꦠ꧀ꦮꦴ. ‘‘ꦌꦱꦺꦴꦲꦩꦱ꧀ꦩꦷ’’ꦠꦶ ꦢꦶꦛ꧀ꦜꦶꦒ꧀ꦒꦴꦲꦺꦴ, ‘‘ꦱꦺꦪ꧀ꦪꦺꦴꦲꦩꦱ꧀ꦩꦷ’’ꦠꦶ ꦩꦴꦤꦒ꧀ꦒꦴꦲꦺꦴ ꦕ ꦠꦟ꧀ꦲꦴꦮꦱꦺꦤꦺꦮ ꦲꦺꦴꦤ꧀ꦠꦷꦠꦶ ꦠꦟ꧀ꦲꦴꦥꦶ ꦠꦡꦴꦥꦮꦠ꧀ꦠꦶꦪꦴ ꦥꦕ꧀ꦕꦪꦨꦹꦠꦴ ꦠꦡꦴꦥꦮꦠ꧀ꦠꦶ ꦌꦮꦴꦠꦶ ꦮꦸꦠ꧀ꦠꦁ ‘‘ꦄꦱ꧀ꦩꦷꦠꦶ ꦌꦮꦁ ꦥꦮꦠ꧀ꦠꦁ ꦠꦟ꧀ꦲꦴꦩꦴꦤꦢꦶꦛ꧀ꦜꦶꦥꦥꦚ꧀ꦕꦠ꧀ꦠꦪꦁ ꦲꦺꦴꦠꦷ’’ꦠꦶ. ꦢꦲꦫꦱꦢ꧀ꦢꦺꦴ ꦧꦴꦭꦢꦴꦫꦏꦺꦥꦶ ꦥꦮꦠ꧀ꦠꦠꦷꦠꦶ ꦠꦠꦺꦴ ꦮꦶꦱꦺꦱꦤꦠ꧀ꦡꦁ ‘‘ꦪꦸꦮꦴ’’ꦠꦶ ꦮꦸꦠ꧀ꦠꦁ. ꦪꦸꦮꦴꦥꦶ ꦌꦏꦺꦴ ꦄꦩꦟ꧀ꦝꦤꦱꦷꦭꦺꦴꦠꦶ ꦠꦠꦺꦴ ꦮꦶꦱꦺꦱꦤꦠ꧀ꦡꦁ ‘‘ꦩꦟ꧀ꦝꦤꦏꦗꦴꦠꦶꦏꦺꦴ’’ꦠꦶ ꦮꦸꦠ꧀ꦠꦁ. ꦠꦺꦤ ꦩꦸꦑꦤꦶꦩꦶꦠ꧀ꦠꦥꦕ꧀ꦕꦮꦺꦏ꧀ꦑꦟꦱ꧀ꦱ ꦱꦧ꧀ꦨꦴꦮꦁ ꦢꦱ꧀ꦱꦺꦠꦶ. ꦠꦤ꧀ꦠꦶ ꦄꦴꦢꦴꦱꦩꦟ꧀ꦝꦭꦁ ꦎꦭꦺꦴꦏꦪꦠꦺꦴ. ꦥꦫꦩ꧀ꦩꦸꦑꦁ ꦲꦸꦠ꧀ꦮꦴ ꦥꦚ꧀ꦚꦴꦪꦺꦪ꧀ꦪꦴꦠꦶ ꦪꦢꦶ ꦥꦸꦫꦠ꧀ꦡꦶꦩꦢꦶꦱꦴꦨꦶꦩꦸꦑꦁ ꦲꦸꦠ꧀ꦮꦴ ꦜꦶꦠꦁ, ꦩꦸꦑꦤꦶꦩꦶꦠ꧀ꦠꦩ꧀ꦥꦶ ꦥꦸꦫꦠ꧀ꦡꦶꦩꦢꦶꦱꦴꦨꦶꦩꦸꦑꦩꦺꦮ ꦲꦸꦠ꧀ꦮꦴ ꦥꦚ꧀ꦚꦴꦪꦺꦪ꧀ꦪꦴꦠꦶ ꦄꦠ꧀ꦡꦺꦴ. ꦪꦢꦶꦥꦶ ꦥꦫꦱ꧀ꦱ ꦱꦢꦶꦱꦱ꧀ꦱ ꦩꦸꦑꦁ ꦨꦮꦺꦪ꧀ꦪ, ꦠꦡꦴꦥꦶ ꦏꦴꦕꦶ ꦄꦱꦢꦶꦱꦠꦴ ꦨꦮꦺꦪ꧀ꦪꦴꦠꦶ ꦮꦸꦠ꧀ꦠꦁ ‘‘ꦮꦟ꧀ꦟꦴꦢꦷꦲꦶ ꦄꦱꦢꦶꦱꦁ ꦲꦸꦠ꧀ꦮꦴ ꦥꦚ꧀ꦚꦴꦪꦺꦪ꧀ꦪꦴ’’ꦠꦶ. ꦤꦶꦨꦴꦱꦫꦹꦥꦤ꧀ꦠꦶ ꦥꦛꦶꦨꦴꦱꦫꦹꦥꦁ. ꦤꦶꦨꦴꦱꦫꦹꦥꦁ ꦠꦴꦮ ꦏꦁꦱꦴꦢꦶꦩꦪꦺ ꦥꦨꦱ꧀ꦱꦫꦺ ꦩꦟ꧀ꦝꦭꦺ ꦥꦚ꧀ꦚꦴꦪꦠꦸ, ꦈꦢꦏꦺ ꦥꦤ ꦏꦡꦤ꧀ꦠꦶ ‘‘ꦏꦺꦤ ꦏꦴꦫꦟꦺꦤꦴ’’ꦠꦶ ꦥꦸꦕ꧀ꦖꦠꦶ. ꦆꦠꦫꦺꦴ ‘‘ꦩꦲꦴꦨꦹꦠꦴꦤꦁ ꦮꦶꦱꦸꦢ꧀ꦣꦠꦴꦪꦴ’’ꦠꦶ ꦮꦢꦤ꧀ꦠꦺꦴ ꦠꦠ꧀ꦡꦴꦥꦶ ꦪꦡꦴꦭꦢ꧀ꦣꦥꦨꦱ꧀ꦱꦫꦨꦴꦮꦺꦤꦺꦮꦴꦠꦶ ꦢꦱ꧀ꦱꦺꦠꦶ. ꦌꦠ꧀ꦡ ꦕ ꦩꦟ꧀ꦝꦤꦗꦴꦠꦶꦏꦺꦴ ꦥꦸꦫꦶꦱꦺꦴ ꦮꦶꦪ ꦥꦸꦡꦸꦗ꧀ꦗꦤꦺꦴ, ꦄꦴꦢꦴꦱꦠꦭꦴꦢꦪꦺꦴ ꦮꦶꦪ ꦥꦚ꧀ꦕꦏ꧀ꦑꦤ꧀ꦣꦴ, ꦩꦸꦑꦤꦶꦩꦶꦠ꧀ꦠꦁ ꦮꦶꦪ ‘‘ꦄꦱ꧀ꦩꦷ’’ꦠꦶ ꦒꦲꦟꦁ, ꦩꦸꦑꦤꦶꦩꦶꦠ꧀ꦠꦁ ꦈꦥꦴꦢꦴꦪ ꦢꦶꦱ꧀ꦱꦩꦴꦤꦫꦹꦥꦴꦢꦶ ꦮꦶꦪ ‘‘ꦄꦱ꧀ꦩꦷ’’ꦠꦶ ꦱꦠꦶ ‘‘ꦄꦲꦩꦱ꧀ꦩꦷ’’ꦠꦶ ‘‘ꦥꦫꦺꦴꦱ꧀ꦩꦷ’’ꦠꦶꦄꦴꦢꦪꦺꦴ ꦒꦴꦲꦮꦶꦱꦺꦱꦴ. ꦄꦨꦶꦱꦩꦺꦠꦺꦴꦠꦶ ꦄꦨꦶꦱꦩꦶꦠꦺꦴ, ꦄꦪꦩꦺꦮ ꦮꦴ ꦥꦴꦜꦺꦴ.

ꦄꦴꦤꦤ꧀ꦢꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.