꧑. ꦨꦴꦫꦱꦸꦠ꧀ꦠꦮꦟ꧀ꦟꦤꦴ

꧒꧒. ꦈꦥꦴꦢꦴꦤꦴꦤꦁ ꦄꦴꦫꦩ꧀ꦩꦟꦨꦹꦠꦴ ꦑꦤ꧀ꦣꦴ ꦈꦥꦴꦢꦴꦤꦏ꧀ꦑꦤ꧀ꦣꦴ. ꦥꦫꦶꦲꦴꦫꦨꦴꦫꦶꦪꦛ꧀ꦜꦺꦤꦴꦠꦶ ꦥꦫꦶꦲꦴꦫꦱ꧀ꦱ ꦨꦴꦫꦶꦪꦨꦴꦮꦺꦤ ꦒꦫꦸꦠꦫꦨꦴꦮꦺꦤ. ꦮꦸꦠ꧀ꦠꦩꦺꦮ ꦄꦠ꧀ꦡꦁ ꦥꦴꦏꦛꦁ ꦏꦴꦠꦸꦁ ‘‘ꦌꦠꦺꦱꦚ꧀ꦲꦷ’’ꦠꦶꦄꦴꦢꦶꦩꦴꦲ. ꦠꦠ꧀ꦡ ꦪꦱ꧀ꦩꦴ ꦌꦠꦴꦤꦶ ꦜꦴꦤꦒꦩꦤꦴꦢꦷꦤꦶ ꦫꦹꦥꦴꦫꦹꦥꦣꦩ꧀ꦩꦴꦤꦁ ꦥꦔ꧀ꦒꦸꦭꦗꦕ꧀ꦕꦤ꧀ꦣꦴꦤꦁ ꦮꦶꦪ ꦄꦚ꧀ꦚꦩꦚ꧀ꦚꦹꦥꦱ꧀ꦱꦪꦮꦱꦺꦤ ꦆꦗ꧀ꦙꦤ꧀ꦠꦶ, ꦤ ꦥꦕ꧀ꦕꦺꦏꦁ, ꦠꦱ꧀ꦩꦴ ‘‘ꦌꦠꦺꦱ’’ꦤ꧀ꦠꦶ ꦄꦮꦶꦱꦺꦱꦮꦕꦤꦁ ꦏꦠꦁ. ꦥꦸꦒ꧀ꦒꦭꦤ꧀ꦠꦶ ꦑꦤ꧀ꦣꦱꦤ꧀ꦠꦴꦤꦁ ꦮꦢꦠꦶ. ꦑꦤ꧀ꦣꦱꦤ꧀ꦠꦴꦤꦺꦴ ꦲꦶ ꦄꦮꦶꦕ꧀ꦖꦺꦢꦺꦤ ꦥꦮꦠ꧀ꦠꦩꦴꦤꦺꦴ ꦪꦴꦮ ꦥꦫꦶꦤꦶꦧ꧀ꦧꦴꦤꦴ ꦑꦤ꧀ꦣꦨꦴꦫꦁ ꦮꦲꦤ꧀ꦠꦺꦴ ꦮꦶꦪ ꦭꦺꦴꦏꦺ ꦑꦴꦪꦠꦶ ꦠꦧ꧀ꦧꦶꦤꦶꦩꦸꦠ꧀ꦠꦱ꧀ꦱ ꦱꦠ꧀ꦠꦱ꧀ꦱ ꦄꦨꦴꦮꦠꦺꦴ. ꦠꦺꦤꦴꦲ ‘‘ꦥꦸꦒ꧀ꦒꦭꦺꦴ’’ꦠꦶꦄꦴꦢꦶ. ꦨꦴꦫꦲꦴꦫꦺꦴꦠꦶ ꦗꦴꦠꦺꦴꦠꦶ ꦨꦴꦫꦲꦴꦫꦺꦴ ꦤꦴꦩ ꦗꦴꦠꦺꦴ.

ꦥꦸꦤꦧ꧀ꦨꦮꦏꦫꦟꦁ ꦥꦸꦤꦧ꧀ꦨꦮꦺꦴ, ꦠꦁ ꦦꦭꦁ ꦄꦫꦲꦠꦶ, ꦠꦠ꧀ꦡ ꦤꦶꦪꦸꦠ꧀ꦠꦴꦠꦶ ꦮꦴ ꦥꦺꦴꦤꦺꦴꦨꦮꦶꦏꦴ. ꦠꦧ꧀ꦨꦴꦮꦱꦲꦒꦠꦁ ꦪꦡꦴ ‘‘ꦱꦤꦶꦢꦱ꧀ꦱꦤꦴ ꦣꦩ꧀ꦩꦴ’’ꦠꦶ, ꦤ ꦱꦁꦱꦛ꧀ꦜꦱꦲꦒꦠꦁ, ꦤꦴꦥꦶ ꦄꦴꦫꦩ꧀ꦩꦟꦱꦲꦒꦠꦁ. ‘‘ꦠꦠ꧀ꦫ ꦠꦠ꧀ꦫꦴ’’ꦠꦶ ꦪꦁ ꦪꦁ ꦈꦥ꧀ꦥꦠ꧀ꦠꦶꦛ꧀ꦜꦴꦤꦁ, ꦫꦹꦥꦴꦢꦶꦄꦴꦫꦩ꧀ꦩꦟꦁ ꦮꦴ ꦥꦠ꧀ꦮꦴ ꦠꦠ꧀ꦫꦠꦠ꧀ꦫꦴꦨꦶꦤꦤ꧀ꦢꦶꦤꦷ. ꦠꦺꦤꦴꦲ ‘‘ꦈꦥꦥꦠ꧀ꦠꦶꦛ꧀ꦜꦴꦤꦺ ꦮꦴ’’ꦠꦶꦄꦴꦢꦶ. ꦥꦚ꧀ꦕꦏꦴꦩꦒꦸꦟꦶꦏꦺꦴꦠꦶ ꦥꦚ꧀ꦕꦏꦴꦩꦒꦸꦟꦴꦫꦩ꧀ꦩꦟꦺꦴ. ꦫꦹꦥꦴꦫꦹꦥꦹꦥꦥꦠ꧀ꦠꦶꦨꦮꦺ ꦫꦴꦒꦺꦴ ꦫꦹꦥꦴꦫꦹꦥꦨꦮꦫꦴꦒꦺꦴ. ꦙꦴꦤꦤꦶꦏꦤ꧀ꦠꦶ ꦙꦴꦤꦱꦔ꧀ꦑꦴꦠꦺ ꦏꦩ꧀ꦩꦨꦮꦺ ꦫꦴꦒꦺꦴ. ꦱꦱ꧀ꦱꦠꦴꦢꦶꦛ꧀ꦜꦷꦠꦶ ꦨꦮꦢꦶꦛ꧀ꦜꦶ, ꦠꦁꦱꦲꦒꦠꦺꦴ ꦫꦴꦒꦺꦴ. ꦄꦪꦤ꧀ꦠꦶ ꦫꦴꦒꦺꦴ ꦨꦮꦠꦟ꧀ꦲꦴ ꦤꦴꦩ. ꦈꦕ꧀ꦖꦺꦢꦢꦶꦛ꧀ꦜꦶ ꦮꦶꦨꦮꦢꦶꦛ꧀ꦜꦶ ꦤꦴꦩ, ꦠꦁꦱꦲꦒꦠꦺꦴ ꦖꦤ꧀ꦢꦫꦴꦒꦺꦴ ꦮꦶꦨꦮꦠꦟ꧀ꦲꦴ ꦤꦴꦩ. ꦌꦱ ꦥꦸꦒ꧀ꦒꦭꦺꦴ ꦑꦤ꧀ꦣꦨꦴꦫꦁ ꦄꦴꦢꦶꦪꦠꦶ ꦠꦟ꧀ꦲꦴꦮꦱꦺꦤ ꦥꦛꦶꦱꦤ꧀ꦣꦶꦒ꧀ꦒꦲꦟꦠꦺꦴ. ‘‘ꦄꦱꦺꦱꦩꦺꦠ꧀ꦡ ꦠꦟ꧀ꦲꦴ ꦮꦶꦫꦗ꧀ꦗꦠꦶ ꦥꦭꦸꦗ꧀ꦗꦠꦶ ꦤꦶꦫꦸꦗ꧀ꦙꦠꦶ ꦥꦲꦷꦪꦠꦷ’’ꦠꦶꦄꦴꦢꦶꦤꦴ ꦱꦧ꧀ꦧꦥꦢꦴꦤꦶ ꦤꦶꦧ꧀ꦧꦴꦤꦮꦱꦺꦤꦺꦮ ꦮꦺꦢꦶꦠꦧ꧀ꦧꦴꦤꦷꦠꦶ ꦄꦴꦲ ‘‘ꦱꦧ꧀ꦧꦁ ꦤꦶꦧ꧀ꦧꦴꦤꦱ꧀ꦱꦺꦮ ꦮꦺꦮꦕꦤ’’ꦤ꧀ꦠꦶ.

ꦨꦴꦫꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.