꧓. ꦒꦶꦚ꧀ꦗꦏꦴꦮꦱꦡꦱꦸꦠ꧀ꦠꦮꦟ꧀ꦟꦤꦴ

꧙꧗. ꦆꦠꦺꦴ ꦥꦛ꧀ꦜꦴꦪꦴꦠꦶ ‘‘ꦣꦴꦠꦸꦁ, ꦨꦶꦏ꧀ꦑꦮꦺ’’ꦠꦶ ꦆꦩꦱ꧀ꦩꦴ ꦠꦠꦶꦪꦱꦸꦠ꧀ꦠꦠꦺꦴ ꦥꦛ꧀ꦜꦴꦪ. ꦪꦴꦮ ꦏꦩ꧀ꦩꦮꦒ꧀ꦒꦺꦴ, ꦠꦴꦮ ꦤꦺꦠ꧀ꦮꦴ ꦈꦥꦒꦤ꧀ꦠ꧀ꦮꦴ ꦱꦺꦠꦶ ꦌꦠ꧀ꦡꦴꦠꦶ ꦄꦴꦱꦪꦺꦴ, ꦲꦷꦤꦴꦢꦶꦨꦴꦮꦺꦤ ꦄꦣꦷꦤꦺꦴ ꦄꦴꦱꦪꦺꦴ ꦄꦗ꧀ꦙꦴꦱꦪꦺꦴ, ꦠꦁ ꦄꦗ꧀ꦙꦴꦱꦪꦁ, ꦄꦣꦶꦩꦸꦠ꧀ꦠꦤ꧀ꦠꦶ ꦄꦠ꧀ꦡꦺꦴ. ꦱꦚ꧀ꦚꦴ ꦈꦥ꧀ꦥꦗ꧀ꦗꦠꦷꦠꦶꦄꦴꦢꦷꦱꦸ ꦲꦷꦤꦴꦢꦶꦨꦺꦢꦁ ꦄꦗ꧀ꦙꦴꦱꦪꦁ ꦥꦛꦶꦕ꧀ꦕ ꦲꦷꦤꦴꦢꦶꦨꦺꦢꦴ ꦱꦚ꧀ꦚꦴ, ꦠꦤ꧀ꦤꦶꦱ꧀ꦱꦪꦢꦶꦛ꧀ꦜꦶꦮꦶꦏꦥ꧀ꦥꦤꦴ, ꦮꦶꦠꦏ꧀ꦏꦺꦴ ꦕ ꦈꦥ꧀ꦥꦗ꧀ꦗꦠꦶ ꦱꦲꦗꦴꦠꦏꦺꦴꦛꦶꦪꦴ ꦈꦥꦤꦶꦱ꧀ꦱꦪꦏꦺꦴꦛꦶꦪꦴ ꦕ. ꦱꦠ꧀ꦡꦴꦫꦺꦱꦹꦠꦶ ꦠꦺꦱꦁ ꦱꦠ꧀ꦡꦸꦥꦛꦶꦚ꧀ꦚꦠꦴꦪ ꦮꦸꦠ꧀ꦠꦁ, ꦤ ꦱꦠ꧀ꦡꦸꦭꦏ꧀ꦑꦟꦱꦧ꧀ꦨꦴꦮꦠꦺꦴ. ꦄꦱꦩ꧀ꦩꦴꦱꦩ꧀ꦧꦸꦢ꧀ꦣꦺꦱꦹꦠꦶ ꦄꦴꦣꦴꦫꦺ ꦮꦶꦱꦪꦺ ꦕ ꦨꦸꦩ꧀ꦩꦁ ꦌꦏꦠꦺꦴ ꦏꦠ꧀ꦮꦴ ꦮꦸꦠ꧀ꦠꦤ꧀ꦠꦶ ꦥꦜꦩꦁ ꦠꦴꦮ ꦢꦱ꧀ꦱꦺꦤ꧀ꦠꦺꦴ ‘‘ꦩꦪꦁ ꦱꦩ꧀ꦩꦴꦱꦩ꧀ꦧꦸꦢ꧀ꦣꦴ’’ꦠꦶꦄꦴꦢꦶꦁ ꦮꦠ꧀ꦮꦴ ꦆꦠꦫꦁ ꦢꦱ꧀ꦱꦺꦤ꧀ꦠꦺꦴ ‘‘ꦠꦺꦱꦸ ꦱꦩ꧀ꦩꦴꦱꦩ꧀ꦧꦸꦢ꧀ꦣꦴ ꦌꦠꦺ’’ꦠꦶꦄꦴꦢꦶꦩꦴꦲ. ꦠꦺꦱꦁ ‘‘ꦩꦪꦁ ꦱꦩ꧀ꦩꦴꦱꦩ꧀ꦧꦸꦢ꧀ꦣꦴ’’ꦠꦶ ꦈꦥ꧀ꦥꦤ꧀ꦤꦢꦶꦛ꧀ꦜꦶ ꦆꦣ ꦩꦹꦭꦨꦴꦮꦺꦤ ꦥꦸꦕ꧀ꦖꦶꦠꦴ, ꦆꦠꦫꦴ ꦄꦤꦸꦱꦔ꧀ꦏꦶꦠꦴꦠꦶ ꦥꦸꦕ꧀ꦖꦠꦶꦪꦺꦮꦴꦠꦶ ꦱꦴꦱꦔ꧀ꦏꦁ ꦮꦢꦠꦶ.

‘‘ꦩꦲꦠꦷ’’ꦠꦶ ꦌꦠ꧀ꦡ ꦩꦲꦴꦱꦢ꧀ꦢꦺꦴ ‘‘ꦩꦲꦴꦗꦤꦺꦴ’’ꦠꦶꦄꦴꦢꦷꦱꦸ ꦮꦶꦪ ꦧꦲꦸꦄꦠ꧀ꦡꦮꦴꦕꦏꦺꦴꦠꦶ ꦢꦛ꧀ꦜꦧ꧀ꦧꦺꦴ. ꦄꦮꦶꦗ꧀ꦗꦴꦥꦶ ꦲꦷꦤꦲꦷꦤꦠꦫꦲꦷꦤꦠꦩꦴꦢꦶꦨꦺꦢꦺꦤ ꦧꦲꦸꦥꦏꦴꦫꦴ. ꦠꦱ꧀ꦱꦴꦠꦶ ꦢꦶꦛ꧀ꦜꦶꦪꦴ. ꦏꦱ꧀ꦩꦴ ꦥꦤꦺꦠ꧀ꦡ ‘‘ꦪꦢꦶꦢꦁ ꦄꦮꦶꦗ꧀ꦗꦴ ꦣꦴꦠꦹ’’ꦠꦶ ꦄꦮꦶꦗ꧀ꦗꦁ ꦈꦢ꧀ꦣꦫꦶꦠ꧀ꦮꦴ ‘‘ꦲꦷꦤꦁ ꦣꦴꦠꦸꦁ ꦥꦛꦶꦕ꧀ꦕꦴ’’ꦠꦶ ꦄꦗ꧀ꦙꦴꦱꦪꦣꦴꦠꦸ ꦤꦶꦢ꧀ꦢꦶꦛ꧀ꦜꦴꦠꦶ? ꦤ ꦑꦺꦴ ꦥꦤꦺꦠꦁ ꦌꦮꦁ ꦢꦛ꧀ꦜꦧ꧀ꦧꦁ, ‘‘ꦄꦚ꧀ꦚꦁ ꦈꦢ꧀ꦣꦫꦶꦠ꧀ꦮꦴ ꦄꦚ꧀ꦚꦁ ꦤꦶꦢ꧀ꦢꦶꦛ꧀ꦜꦴ’’ꦠꦶ, ꦪꦠꦺꦴ ꦄꦮꦶꦗ꧀ꦗꦴꦱꦷꦱꦺꦤ ꦄꦗ꧀ꦙꦴꦱꦪꦣꦴꦠꦸ ꦌꦮ ꦒꦲꦶꦠꦴ. ꦄꦮꦶꦗ꧀ꦗꦴꦒꦲꦶꦠꦺꦴ ꦲꦶ ꦥꦸꦫꦶꦱꦥꦸꦒ꧀ꦒꦭꦺꦴ ꦢꦶꦛ꧀ꦜꦗ꧀ꦙꦴꦱꦪꦺꦴ ꦲꦷꦤꦴꦢꦶꦨꦺꦢꦁ ꦄꦮꦶꦗ꧀ꦗꦴꦣꦴꦠꦸꦁ ꦤꦶꦱ꧀ꦱꦴꦪ ꦠꦠꦺꦴ ꦱꦚ꧀ꦚꦴꦢꦶꦛ꧀ꦜꦶꦄꦴꦢꦶꦏꦺ ꦱꦔ꧀ꦏꦥ꧀ꦥꦺꦠꦶ. ꦥꦟꦶꦣꦶ ꦥꦠ꧀ꦡꦤꦴ, ꦱꦴ ꦥꦤ ꦠꦡꦴ ꦠꦡꦴ ꦕꦶꦠ꧀ꦠꦱ꧀ꦱ ꦜꦥꦤꦮꦱꦺꦤ ꦲꦺꦴꦠꦷꦠꦶ ꦄꦴꦲ ‘‘ꦕꦶꦠ꧀ꦠꦛ꧀ꦜꦥꦤ’’ꦤ꧀ꦠꦶ. ꦠꦺꦤꦴꦲ ‘‘ꦱꦴ ꦥꦤꦺꦱꦴ’’ꦠꦶꦄꦴꦢꦶ. ꦌꦠꦺꦠꦶ ꦲꦷꦤꦥꦕ꧀ꦕꦪꦴ ꦱꦚ꧀ꦚꦴꦢꦶꦛ꧀ꦜꦶꦮꦶꦠꦏ꧀ꦏꦕꦺꦠꦤꦴ ꦥꦠ꧀ꦡꦤꦴ ꦥꦟꦶꦣꦶꦱꦔ꧀ꦑꦴꦠꦴ ꦲꦷꦤꦴ ꦣꦩ꧀ꦩꦴ. ꦲꦷꦤꦺꦴ ꦤꦴꦩ ꦲꦷꦤꦣꦩ꧀ꦩꦱꦩꦴꦪꦺꦴꦒꦠꦺꦴ. ꦱꦧ꧀ꦧꦥꦢꦴꦤꦷꦠꦶ ‘‘ꦥꦚ꧀ꦚꦥꦺꦠꦷ’’ꦠꦶꦄꦴꦢꦷꦤꦶ ꦥꦢꦴꦤꦶ ꦪꦺꦴꦗꦺꦠꦧ꧀ꦧꦴꦤꦶ ꦲꦷꦤꦱꦢ꧀ꦢꦺꦤ ꦩꦗ꧀ꦙꦶꦩꦸꦠ꧀ꦠꦩꦛ꧀ꦜꦴꦤꦤ꧀ꦠꦫꦱ꧀ꦱ ꦄꦱꦩ꧀ꦨꦮꦠꦺꦴ. ꦈꦥꦥꦗ꧀ꦗꦤꦁ ‘‘ꦈꦥꦥꦠ꧀ꦠꦷ’’ꦠꦶ ꦄꦴꦲ ‘‘ꦢ꧀ꦮꦺ ꦈꦥꦥꦠ꧀ꦠꦶꦪꦺꦴ ꦥꦛꦶꦭꦴꦨꦺꦴ ꦕ ꦤꦶꦧ꧀ꦧꦠ꧀ꦠꦶ ꦕꦴ’’ꦠꦶ. ꦠꦠ꧀ꦡ ꦲꦷꦤꦏꦸꦭꦴꦢꦷꦠꦶ ꦄꦴꦢꦶ-ꦱꦢ꧀ꦢꦺꦤ ꦲꦷꦤꦫꦹꦥꦨꦺꦴꦒꦥꦫꦶꦱꦴꦢꦷꦤꦁ ꦱꦔ꧀ꦒꦲꦺꦴ. ꦲꦷꦤꦠ꧀ꦠꦶꦏꦮꦱꦺꦤꦴꦠꦶ ꦲꦷꦤꦠ꧀ꦠꦶꦏꦺ ꦮꦸꦠ꧀ꦠꦠ꧀ꦠꦶꦏꦥꦢꦮꦱꦺꦤꦴꦠꦶ ꦄꦣꦶꦥ꧀ꦥꦴꦪꦺꦴ. ꦕꦶꦠ꧀ꦠꦸꦥ꧀ꦥꦴꦢꦏ꧀ꦑꦟꦺꦠꦶ ꦆꦢꦁ ꦲꦷꦤꦠ꧀ꦠꦶꦏꦥꦫꦶꦪꦴꦥꦤ꧀ꦤꦴꦤꦁ ꦕꦶꦠ꧀ꦠꦸꦥ꧀ꦥꦴꦢꦴꦤꦁ ꦮꦱꦺꦤ ꦠꦠ꧀ꦡ ꦠꦠ꧀ꦡ ꦭꦢ꧀ꦣꦠ꧀ꦠꦴ ꦮꦸꦠ꧀ꦠꦁ. ꦥꦚ꧀ꦕꦱꦸ ꦤꦷꦕꦏꦸꦭꦺꦱꦹꦠꦶ ꦕꦟ꧀ꦝꦴꦭꦮꦺꦤꦤꦺꦱꦴꦢꦫꦡꦏꦴꦫꦥꦸꦏ꧀ꦏꦸꦱꦏꦸꦭꦺꦱꦸ. ꦢ꧀ꦮꦴꦢꦱꦄꦏꦸꦱꦭꦕꦶꦠ꧀ꦠꦸꦥ꧀ꦥꦴꦢꦴꦤꦁ ꦥꦤ ꦪꦺꦴ ꦏꦺꦴꦕꦶ ꦥꦛꦶꦭꦴꦨꦺꦴ ꦲꦷꦤꦺꦴꦠꦶ ꦪꦺꦴꦗꦤꦴ. ꦱꦺꦱꦢ꧀ꦮꦪꦺꦥꦶ ꦌꦱꦺꦮ ꦤꦪꦺꦴ. ꦆꦩꦱ꧀ꦩꦶꦁ ꦜꦴꦤꦺꦠꦶ ‘‘ꦪꦴꦪꦁ, ꦨꦤ꧀ꦠꦺ, ꦢꦶꦛ꧀ꦜꦷ’’ꦠꦶꦄꦴꦢꦶꦤꦴ ꦄꦴꦒꦠꦺ ꦆꦩꦱ꧀ꦩꦶꦁ ꦜꦴꦤꦺ. ‘‘ꦣꦴꦠꦸꦁ, ꦨꦶꦏ꧀ꦑꦮꦺ, ꦥꦛꦶꦕ꧀ꦕ ꦈꦥ꧀ꦥꦗ꧀ꦗꦠꦷ’’ꦠꦶꦄꦴꦢꦶꦤꦴ ꦄꦴꦒꦠꦠ꧀ꦠꦴ ꦤꦶꦧ꧀ꦧꦠ꧀ꦠꦶꦪꦺꦮ ꦄꦣꦶꦥ꧀ꦥꦺꦠꦴ, ꦤ ꦥꦛꦶꦭꦴꦨꦺꦴ.

ꦒꦶꦚ꧀ꦗꦏꦴꦮꦱꦡꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.