꧖. ꦱꦴꦫꦶꦥꦸꦠ꧀ꦠꦱꦸꦠ꧀ꦠꦮꦟ꧀ꦟꦤꦴ

꧒꧑꧔. ꦮꦴꦏ꧀ꦏꦫꦟꦕꦴꦠꦸꦫꦶꦪꦠꦺꦴ ꦮꦕꦤꦒꦸꦟꦲꦺꦠꦹꦤꦁ ꦥꦹꦫꦶꦪꦴ ꦥꦹꦫꦺ ꦨꦮꦴꦠꦶ ꦥꦺꦴꦫꦷ, ꦠꦴꦪ ꦥꦺꦴꦫꦶꦪꦴ. ꦠꦺꦤꦴꦲ ‘‘ꦄꦏ꧀ꦑꦫꦴꦢꦶꦥꦫꦶꦥꦸꦟ꧀ꦟꦴꦪꦴ’’ꦠꦶ. ꦄꦮꦶꦧꦢ꧀ꦣꦴꦪꦴꦠꦶ ꦥꦶꦠ꧀ꦠꦴꦢꦷꦲꦶ ꦤ ꦮꦶꦧꦢ꧀ꦣꦴꦪ ꦄꦤꦸꦥꦢ꧀ꦢꦸꦠꦴꦪ. ꦠꦺꦤꦴꦲ ‘‘ꦄꦥꦭꦶꦧꦸꦢ꧀ꦣꦴꦪꦴ’’ꦠꦶꦄꦴꦢꦶ. ꦤꦶꦢ꧀ꦢꦺꦴꦱꦴꦪꦴꦠꦶ ꦄꦠ꧀ꦡꦠꦺꦴ ꦧ꧀ꦪꦚ꧀ꦗꦤꦠꦺꦴ ꦮꦶꦒꦠꦢꦺꦴꦱꦴꦪ. ꦄꦏ꧀ꦑꦭꦶꦠꦥꦢꦧ꧀ꦪꦚ꧀ꦗꦤꦴꦪꦴꦠꦶ ꦄꦒꦭꦶꦠꦥꦢꦧ꧀ꦪꦚ꧀ꦗꦤꦴꦪ, ꦄꦠ꧀ꦡꦱ꧀ꦱ ꦮꦶꦚ꧀ꦚꦴꦥꦤꦶꦪꦴꦠꦶ ꦢꦶꦛ꧀ꦜꦣꦩ꧀ꦩꦶꦏꦴꦢꦶꦄꦠ꧀ꦡꦱ꧀ꦱ ꦧꦺꦴꦣꦤꦺ ꦥꦫꦶꦪꦠ꧀ꦠꦴꦪ. ꦨꦶꦏ꧀ꦑꦸꦤꦤ꧀ꦠꦶ ꦒꦴꦡꦴꦱꦸꦑꦠ꧀ꦡꦁ ꦫꦱ꧀ꦱꦁ ꦏꦠ꧀ꦮꦴ ꦮꦸꦠ꧀ꦠꦁ.

‘‘ꦱꦁꦑꦶꦠ꧀ꦠꦺꦤꦥꦶ ꦢꦺꦱꦺꦠꦶ, ꦮꦶꦠ꧀ꦡꦴꦫꦺꦤꦥꦶ ꦨꦴꦱꦠꦷ’’ꦠꦶ ꦤꦪꦶꦢꦁ ꦥꦜꦩꦁ ꦈꦢ꧀ꦢꦶꦱꦶꦠ꧀ꦮꦴ ꦠꦱ꧀ꦱ ꦄꦠ꧀ꦡꦱ꧀ꦱ ꦏꦶꦠ꧀ꦠꦤꦮꦱꦺꦤ ꦥꦮꦠ꧀ꦠꦶꦠꦁ ꦮꦕꦤꦁ ꦱꦤ꧀ꦣꦴꦪ ꦮꦸꦠ꧀ꦠꦁ. ꦱꦴ ꦲꦶ ꦮꦶꦠ꧀ꦡꦴꦫꦢꦺꦱꦤꦴ ꦌꦮ ꦲꦺꦴꦠꦶ. ꦪꦴ ꦥꦤ ꦢꦺꦱꦤꦴ ꦏꦢꦴꦕꦶ ꦣꦩ꧀ꦩꦥꦛꦶꦒ꧀ꦒꦴꦲꦏꦴꦤꦁ ꦄꦗ꧀ꦙꦴꦱꦪꦮꦱꦺꦤ ꦱꦁꦑꦶꦠ꧀ꦠꦺꦤꦺꦮ ꦢꦱ꧀ꦱꦺꦠ꧀ꦮꦴ ꦤꦶꦏ꧀ꦑꦶꦥꦠꦶ, ꦪꦴ ꦕ ꦏꦢꦴꦕꦶ ꦮꦶꦠ꧀ꦡꦴꦫꦺꦤ, ꦠꦢꦸꦨꦪꦁ ꦱꦤ꧀ꦣꦴꦪ ꦮꦸꦠ꧀ꦠꦁ. ꦠꦺꦤꦴꦲ ‘‘ꦕꦠ꧀ꦠꦴꦫꦶꦩꦴꦤꦷ’’ꦠꦶꦄꦴꦢꦶ. ꦱꦨꦴꦮꦩꦣꦸꦫꦺꦴ ꦥꦕ꧀ꦕꦪꦮꦱꦺꦤ ꦩꦣꦸꦫꦠꦫꦺꦴ ꦲꦺꦴꦠꦷꦠꦶ ꦢꦱ꧀ꦱꦺꦠꦸꦁ ‘‘ꦪꦡꦴ’’ꦠꦶꦄꦴꦢꦶ ꦮꦸꦠ꧀ꦠꦁ. ꦮꦶꦮꦶꦣꦴꦏꦴꦫꦁ ꦏꦠ꧀ꦮꦴ ꦣꦩ꧀ꦩꦁ ꦏꦡꦺꦠꦸꦁ ꦥꦛꦶꦨꦴꦠꦷꦠꦶ ꦥꦛꦶꦨꦴꦤꦁ, ꦢꦺꦱꦤꦴꦥꦏꦴꦫꦚꦴꦟꦁ. ꦠꦺꦤꦴꦲ ‘‘ꦱꦩꦸꦢ꧀ꦢꦠꦺꦴ’’ꦠꦶꦄꦴꦢꦶ. ꦎꦢꦲꦤ꧀ꦠꦷꦠꦶ ꦄꦮꦗꦴꦤꦤꦮꦱꦺꦤ ꦒꦩꦺꦤ꧀ꦠꦶ.

ꦱꦴꦫꦶꦥꦸꦠ꧀ꦠꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.