꧑꧐. ꦧꦲꦸꦣꦷꦠꦫꦱꦸꦠ꧀ꦠꦮꦟ꧀ꦟꦤꦴ

꧑꧙꧖. ꦱꦩꦤ꧀ꦠꦠꦺꦴꦠꦶ ꦢꦏ꧀ꦑꦶꦟꦮꦴꦩꦴꦤꦁ ꦮꦱꦺꦤ ꦱꦩꦤ꧀ꦠꦠꦺꦴ. ꦈꦴꦫꦸꦧꦢ꧀ꦣꦴꦱꦤꦤ꧀ꦠꦶ ꦈꦴꦫꦹꦤꦁ ꦧꦤ꧀ꦣꦤꦮꦱꦺꦤ ꦤꦶꦱꦗ꧀ꦗꦤꦁ. ꦢ꧀ꦮꦶꦤ꧀ꦤꦁ ꦈꦴꦫꦹꦤꦁ ꦄꦚ꧀ꦚꦩꦚ꧀ꦚꦧꦤ꧀ꦣꦤꦮꦱꦺꦤ ꦄꦴꦨꦸꦗꦶꦠꦴꦏꦴꦫꦁ ꦱꦤ꧀ꦣꦴꦪꦴꦲ ‘‘ꦄꦴꦨꦸꦗꦶꦠ꧀ꦮꦴꦠꦶ ꦧꦤ꧀ꦣꦶꦠ꧀ꦮꦴ’’ꦠꦶ. ꦲꦺꦛ꧀ꦜꦶꦩꦏꦴꦪꦱ꧀ꦱ ꦄꦤꦸꦗꦸꦏꦁ ꦜꦥꦤꦁ ꦤꦶꦱꦗ꧀ꦗꦴꦮꦕꦤꦺꦤꦺꦮ ꦧꦺꦴꦣꦶꦠꦤ꧀ꦠꦶ ‘‘ꦈꦗꦸꦁ ꦏꦴꦪ’’ꦤ꧀ꦠꦶ ꦌꦠ꧀ꦡ ꦏꦴꦪ-ꦱꦢ꧀ꦢꦺꦴ ꦈꦥꦫꦶꦩꦏꦴꦪꦮꦶꦱꦪꦺꦴꦠꦶ ꦄꦴꦲ ‘‘ꦈꦥꦫꦶꦩꦁ ꦱꦫꦷꦫꦁ ꦈꦗꦸꦏꦁ ꦜꦥꦺꦠ꧀ꦮꦴ’’ꦠꦶ. ꦠꦁ ꦥꦤ ꦈꦗꦸꦏꦛ꧀ꦜꦥꦤꦁ ꦱꦫꦹꦥꦠꦺꦴ ꦥꦪꦺꦴꦗꦤꦠꦺꦴ ꦕ ꦢꦱ꧀ꦱꦺꦠꦸꦁ ‘‘ꦄꦛ꧀ꦜꦴꦫꦱꦴ’’ꦠꦶꦄꦴꦢꦶ ꦮꦸꦠ꧀ꦠꦁ. ꦥꦫꦶꦩꦸꦑꦤ꧀ꦠꦶ ꦌꦠ꧀ꦡ ꦥꦫꦶ-ꦱꦢ꧀ꦢꦺꦴ ꦄꦨꦶꦱꦢ꧀ꦢꦺꦤ ꦱꦩꦴꦤꦠ꧀ꦡꦺꦴꦠꦶ ꦄꦴꦲ ‘‘ꦏꦩ꧀ꦩꦛ꧀ꦜꦴꦤꦴꦨꦶꦩꦸꦑ’’ꦤ꧀ꦠꦶ, ꦧꦲꦶꦢ꧀ꦣꦴ ꦥꦸꦡꦸꦠ꧀ꦠꦴꦫꦩ꧀ꦩꦟꦠꦺꦴ ꦤꦶꦮꦴꦫꦺꦠ꧀ꦮꦴ ꦏꦩ꧀ꦩꦛ꧀ꦜꦴꦤꦁꦪꦺꦮ ꦥꦸꦫꦺꦏ꧀ꦑꦠꦺꦴꦠꦶ ꦄꦠ꧀ꦡꦺꦴ. ꦥꦫꦶꦒ꧀ꦒꦲꦛ꧀ꦜꦺꦴ ‘‘ꦥꦫꦶꦟꦴꦪꦶꦏꦴ’’ꦠꦶꦄꦴꦢꦷꦱꦸ ꦮꦶꦪ. ꦩꦸꦑꦤ꧀ꦠꦶ ꦤꦶꦪ꧀ꦪꦴꦤꦛ꧀ꦜꦺꦴ ‘‘ꦱꦸꦚ꧀ꦚꦠꦮꦶꦩꦺꦴꦏ꧀ꦑꦩꦸꦑ’’ꦤ꧀ꦠꦶꦄꦴꦢꦷꦱꦸ ꦮꦶꦪ. ꦥꦛꦶꦥꦏ꧀ꦑꦠꦺꦴ ꦤꦶꦒ꧀ꦒꦩꦤꦛ꧀ꦜꦺꦴ ꦲꦶ ꦤꦶꦪ꧀ꦪꦴꦤꦛ꧀ꦜꦺꦴ, ꦠꦱ꧀ꦩꦴ ꦥꦫꦶꦒ꧀ꦒꦲꦶꦠꦤꦶꦪ꧀ꦪꦴꦤꦤ꧀ꦠꦶ ꦱꦧ꧀ꦧꦡꦴ ꦒꦲꦶꦠꦱꦩ꧀ꦩꦺꦴꦱꦁ ꦥꦫꦶꦕ꧀ꦕꦠ꧀ꦠꦱꦩ꧀ꦩꦺꦴꦱꦁ ꦱꦠꦶꦁ ꦏꦠ꧀ꦮꦴ ꦥꦫꦩꦁ ꦱꦠꦶꦤꦺꦥꦏ꧀ꦏꦁ ꦈꦥꦛ꧀ꦜꦥꦺꦠ꧀ꦮꦴꦠꦶ ꦄꦠ꧀ꦡꦺꦴ. ꦖꦧ꧀ꦧꦟ꧀ꦟꦴ…ꦥꦺ… ꦤꦶꦱꦷꦢꦶ ꦧ꧀ꦫꦴꦲ꧀ꦩꦟꦱ꧀ꦱ ꦥꦱꦴꦢꦱꦚ꧀ꦗꦴꦤꦤꦠ꧀ꦡꦁ. ꦄꦛꦮꦶꦩꦸꦑꦴ ꦕꦫꦩꦴꦤꦴꦠꦶ ꦒꦺꦴꦕꦫꦁ ꦒꦟ꧀ꦲꦤ꧀ꦠꦴ.

ꦄꦗ꧀ꦗꦱꦛ꧀ꦜꦶꦤ꧀ꦠꦶ ꦄꦗ꧀ꦗ ꦖꦤ꧀ꦤꦁ ꦥꦹꦫꦟꦷ ꦱꦛ꧀ꦜꦷ ꦢꦶꦮꦱꦮꦸꦠ꧀ꦠꦶ, ꦄꦗ꧀ꦗ ꦄꦴꦢꦶꦁ ꦏꦠ꧀ꦮꦴ ꦖ ꦢꦶꦮꦱꦺꦠꦶ ꦄꦠ꧀ꦡꦺꦴ. ꦄꦕ꧀ꦕꦤ꧀ꦠꦱꦁꦪꦺꦴꦒꦺ ꦕꦺꦠꦁ ꦈꦥꦪꦺꦴꦒꦮꦕꦤꦁ. ꦄꦗ꧀ꦗ ꦖꦢꦶꦮꦱꦩꦠ꧀ꦠꦏꦴꦠꦶ ꦄꦗ꧀ꦗꦠꦺꦴ ꦖꦛ꧀ꦜꦢꦶꦮꦱꦩꦠ꧀ꦠꦏꦴ. ꦭꦴꦩꦏꦴꦠꦶ ꦤꦶꦲꦷꦤꦴ ꦤꦶꦥ꧀ꦦꦭꦴ. ꦠꦺꦤꦴꦲ ‘‘ꦠꦶꦭꦑꦴꦟꦸꦏꦴ’’ꦠꦶꦄꦴꦢꦶ.

ꦈꦱ꧀ꦱꦴꦲꦺꦤꦴꦠꦶ ꦈꦢ꧀ꦣꦁ ꦈꦢ꧀ꦣꦁ ꦥꦱꦴꦫꦺꦤ ꦄꦨꦶꦨꦮꦤꦺꦤ. ꦠꦁ ꦥꦤ ꦤꦺꦱꦁ ꦄꦨꦶꦨꦮꦤꦁ ꦢꦱ꧀ꦱꦺꦠꦸꦁ ‘‘ꦏꦟ꧀ꦟꦤꦔ꧀ꦒꦸꦛ꧀ꦜꦴꦢꦷꦤꦷ’’ꦠꦶꦄꦴꦢꦶꦩꦴꦲ.

‘‘ꦈꦥ꧀ꦥꦴꦛꦏꦥꦴꦟꦏꦴ’’ꦠꦶ ꦠꦕꦁ ꦈꦥ꧀ꦥꦴꦛꦺꦠ꧀ꦮꦴ ꦮꦶꦪ ꦑꦴꦢꦏꦥꦴꦟꦏꦴ ꦈꦴꦏꦴꦩꦔ꧀ꦒꦸꦭꦴꦢꦪꦺꦴ.

ꦏꦭ꦳ꦴꦫꦥꦶꦔ꧀ꦒꦭꦴꦠꦶ ꦤꦶꦏ꧀ꦑꦤ꧀ꦠꦥꦶꦔ꧀ꦒꦭꦏ꧀ꦑꦶꦏꦴ, ꦏꦭ꦳ꦴꦫꦥꦶꦔ꧀ꦒꦭꦴꦠꦶ ꦮꦴ ꦫꦠ꧀ꦠꦒꦠ꧀ꦠꦴ ꦕ ꦥꦶꦔ꧀ꦒꦭꦕꦏ꧀ꦑꦸꦏꦴ ꦕ. ꦠꦶꦭꦏꦴꦲꦠꦴꦠꦶ ꦄꦴꦲꦠꦠꦶꦭꦏꦴ, ꦠꦶꦭꦥ꧀ꦥꦩꦴꦟꦺꦲꦶ ꦧꦶꦤ꧀ꦢꦹꦲꦶ ꦱꦩꦤ꧀ꦠꦠꦺꦴ ꦱꦤ꧀ꦡꦠꦱꦫꦷꦫꦴ.

ꦥꦛꦶꦒꦴꦡꦴꦲꦶ ꦧ꧀ꦫꦴꦲ꧀ꦩꦟꦱ꧀ꦱ ꦣꦩ꧀ꦩꦢꦺꦱꦤꦁ ꦮꦝ꧀ꦞꦺꦱꦷꦠꦶ ꦥꦏꦠꦶꦪꦴ ꦠꦱ꧀ꦱ ꦄꦠ꧀ꦠꦤꦴ ꦏꦡꦺꦠꦧ꧀ꦧꦁ ꦣꦩ꧀ꦩꦢꦺꦱꦤꦁ ꦥꦧ꧀ꦧꦗ꧀ꦗꦴꦒꦸꦟꦏꦶꦠ꧀ꦠꦤꦮꦱꦺꦤ ꦱꦠ꧀ꦠꦲꦶ ꦮꦝ꧀ꦞꦺꦱꦶ. ꦥꦧ꧀ꦧꦗꦶꦠ꧀ꦮꦴꦠꦶ ꦆꦟꦴꦪꦶꦏꦴꦤꦁ ꦄꦠ꧀ꦠꦤꦺꦴ ꦥꦭꦶꦧꦺꦴꦣꦁ ꦠꦡꦴ ꦠꦡꦴ ꦗꦴꦤꦴꦥꦺꦠ꧀ꦮꦴ ꦥꦧ꧀ꦧꦗꦶꦠ꧀ꦮꦴ.

ꦪꦡꦴ ꦕ ꦠꦠ꧀ꦡ ꦨꦒꦮꦴ ꦥꦛꦶꦥꦗ꧀ꦗꦶ, ꦠꦁ ꦢꦱ꧀ꦱꦺꦠꦸꦁ ‘‘ꦥꦸꦤ ꦢꦶꦮꦱꦺ’’ꦠꦶꦄꦴꦢꦶ ꦮꦸꦠ꧀ꦠꦁ.

ꦠꦁ ꦠꦁ ꦏꦸꦭꦓꦫꦁ ꦥꦺꦱꦺꦠ꧀ꦮꦴꦠꦶ ꦠꦁ ꦠꦁ ꦠꦱ꧀ꦱ ꦧ꧀ꦫꦴꦲ꧀ꦩꦟꦱ꧀ꦱ ꦣꦷꦠꦫꦁ ꦠꦱ꧀ꦱ ꦠꦱ꧀ꦱꦴꦤꦸꦕ꧀ꦖꦮꦶꦏꦱ꧀ꦱ ꦧ꧀ꦫꦴꦲ꧀ꦩꦟꦱ꧀ꦱ ꦢꦺꦤ꧀ꦠꦺꦴ ꦠꦁ ꦠꦁ ꦏꦸꦭꦓꦫꦁ ꦥꦺꦱꦺꦠ꧀ꦮꦴ ꦧ꧀ꦫꦴꦲ꧀ꦩꦟꦣꦩ꧀ꦩꦺ ꦒꦫꦸꦏꦫꦟꦴꦨꦴꦮꦠꦺꦴ.

‘‘ꦤꦛ꧀ꦜꦺ ꦩꦠꦺ ꦥꦧ꧀ꦧꦗꦶꦠꦺ, ꦤꦥꦸꦁꦱꦏꦺꦥꦶ ꦨꦠ꧀ꦠꦫꦶ;

ꦆꦠ꧀ꦡꦶꦪꦴ ꦥꦠꦶꦱꦺꦛ꧀ꦜꦴꦪ, ꦤ ꦄꦚ꧀ꦚꦺꦴ ꦥꦠꦶ ꦆꦕ꧀ꦖꦶꦪꦺꦴ’’ꦠꦶ. –

ꦄꦪꦚ꧀ꦲꦶ ꦧ꧀ꦫꦴꦲ꧀ꦩꦟꦣꦩ꧀ꦩꦺꦴ. ꦄꦪ꧀ꦪꦶꦏꦛ꧀ꦜꦴꦤꦺꦠꦶ ꦩꦴꦠꦴꦩꦲꦶꦛ꧀ꦜꦴꦤꦺ ꦜꦥꦺꦱꦶ ꦱꦠ꧀ꦡꦸ ꦕꦶꦠ꧀ꦠꦴꦫꦴꦣꦤꦮꦱꦺꦤꦴꦠꦶ.

ꦧꦲꦸꦣꦷꦠꦫꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.

ꦥꦜꦩꦮꦒ꧀ꦒꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.