꧑꧐. ꦢꦸꦠꦶꦪꦩꦴꦫꦏꦡꦴ

꧓꧕. ꦩꦪ꧀ꦲꦤ꧀ꦠꦶꦥꦢꦱ꧀ꦱ ‘‘ꦄꦤꦸꦥ꧀ꦥꦠ꧀ꦠꦴ ꦱꦕ꧀ꦖꦶꦏꦠꦴ’’ꦠꦶꦥꦢꦺꦱꦸ ꦖꦛ꧀ꦜꦷꦏꦠ꧀ꦠꦸꦨꦴꦮꦁ ꦢꦱ꧀ꦱꦺꦤ꧀ꦠꦺꦴ ꦄꦴꦲ ‘‘ꦩꦪꦴ ꦑꦺꦴꦠꦶ ꦄꦠ꧀ꦡꦺꦴ’’ꦠꦶ. ‘‘ꦄꦡ ꦮꦴ’’ꦠꦶꦄꦴꦢꦶꦤꦴ ‘‘ꦩꦪ꧀ꦲ’’ꦤ꧀ꦠꦶꦥꦢꦱ꧀ꦱ ‘‘ꦪꦺꦴꦤꦶꦱꦺꦴ ꦩꦤꦱꦶꦏꦴꦫꦴ, ꦪꦺꦴꦤꦶꦱꦺꦴ ꦱꦩ꧀ꦩꦥ꧀ꦥꦣꦴꦤꦴ’’ꦠꦶꦥꦢꦺꦱꦸ ꦱꦩ꧀ꦧꦤ꧀ꦣꦨꦴꦮꦁ ꦢꦱ꧀ꦱꦺꦠꦶ. ‘‘ꦪꦺꦴꦤꦶꦱꦺꦴ ꦩꦤꦱꦶꦏꦴꦫꦴ, ꦪꦺꦴꦤꦶꦱꦺꦴ ꦱꦩ꧀ꦩꦥ꧀ꦥꦣꦴꦤꦴ’’ꦠꦶ ꦌꦠ꧀ꦡ ꦏꦴꦫꦟꦠ꧀ꦡꦺ ꦤꦶꦱ꧀ꦱꦏ꧀ꦏꦮꦕꦤꦤ꧀ꦠꦶ ꦄꦴꦲ ‘‘ꦠꦺꦤ ꦲꦺꦠꦸꦤꦴ’’ꦠꦶ. ‘‘ꦥꦸꦤꦴ’’ꦠꦶꦄꦴꦢꦶꦤꦴ ‘‘ꦩꦪ꧀ꦲ’’ꦤ꧀ꦠꦶꦥꦢꦁ ‘‘ꦪꦺꦴꦤꦶꦱꦺꦴ ꦩꦤꦱꦶꦏꦴꦫꦴ, ꦪꦺꦴꦤꦶꦱꦺꦴ ꦱꦩ꧀ꦩꦥ꧀ꦥꦣꦴꦤꦴ’’ꦠꦶꦥꦢꦺꦱꦸ ꦱꦴꦩ꧀ꦪꦠ꧀ꦡꦺ ꦱꦴꦩꦶꦨꦴꦮꦺꦤ ꦪꦺꦴꦗꦺꦠ꧀ꦮꦴ ꦥꦸꦤ ‘‘ꦄꦤꦸꦥ꧀ꦥꦠ꧀ꦠꦴ, ꦱꦕ꧀ꦖꦶꦏꦠꦴ’’ꦠꦶ ꦥꦢꦺꦱꦸ ꦏꦠ꧀ꦠꦸꦠ꧀ꦡꦺ ꦱꦴꦩꦶꦨꦴꦮꦺꦤ ꦮꦶꦨꦠ꧀ꦠꦶꦮꦶꦥꦭ꧀ꦭꦴꦱꦺꦴ ꦏꦴꦠꦧ꧀ꦧꦺꦴꦠꦶ ꦢꦱ꧀ꦱꦺꦠꦶ.