꧑. ꦩꦸꦱꦴꦮꦴꦢꦱꦶꦏ꧀ꦑꦴꦥꦢ-ꦄꦠ꧀ꦡꦪꦺꦴꦗꦤꦴ

ꦑꦸꦢ꧀ꦢꦏꦴꦤꦤ꧀ꦠꦶ ꦱꦸꦑꦸꦩꦴꦥꦠ꧀ꦠꦶꦥꦏꦴꦱꦏꦠ꧀ꦠꦴ ꦄꦥ꧀ꦥꦏꦴꦤꦁ, ꦒꦟꦤꦠꦺꦴ ꦮꦴ ꦥꦕꦸꦫꦠ꧀ꦠꦴ ꦧꦲꦸꦏꦴꦤꦁ. ꦪꦺꦱꦁ ꦱꦶꦏ꧀ꦑꦴꦥꦢꦴꦤꦤ꧀ꦠꦶ ꦱꦩ꧀ꦧꦤ꧀ꦣꦺꦴ. ‘‘ꦪꦺꦱ’’ꦤ꧀ꦠꦶ ꦥꦢꦁ ‘‘ꦱꦔ꧀ꦒꦲꦺꦴ’’ꦠꦶ ꦥꦢꦺ ꦱꦴꦩ꧀ꦪꦠ꧀ꦡꦖꦛ꧀ꦜꦷ. ꦱꦔ꧀ꦒꦲꦷꦪꦠꦺ ꦱꦔ꧀ꦒꦲꦺꦴ. ‘‘ꦤꦮꦲꦶ ꦮꦒ꧀ꦒꦺꦲꦷ’’ꦠꦶꦥꦢꦁ ‘‘ꦱꦔ꧀ꦒꦲꦺꦴ, ꦱꦸꦥ꧀ꦥꦠꦶꦛ꧀ꦜꦶꦠꦺꦴ’’ꦠꦶ ꦥꦢꦢ꧀ꦮꦪꦺ ꦏꦫꦟꦁ. ꦢꦴꦤꦷꦠꦶ ꦏꦴꦭꦮꦴꦕꦏꦺꦴ ꦱꦠ꧀ꦠꦩ꧀ꦪꦤ꧀ꦠꦤꦶꦥꦴꦠꦺꦴ ꦆꦢꦴꦤꦶ-ꦥꦫꦶꦪꦴꦪꦺꦴ, ꦆꦩꦱ꧀ꦩꦶꦁ ꦏꦴꦭꦺꦠꦶ ꦄꦠ꧀ꦡꦺꦴ. ꦠꦺꦱꦤ꧀ꦠꦶ ꦑꦸꦢ꧀ꦢꦏꦴꦤꦁ, ꦄꦪꦁ ꦮꦟ꧀ꦟꦤꦴꦠꦶ ꦱꦩ꧀ꦧꦤ꧀ꦣꦺꦴ. ꦨꦮꦠꦷꦠꦶ ꦌꦠ꧀ꦡ ꦠꦶ-ꦱꦢ꧀ꦢꦺꦴ ꦌꦏꦁꦱꦠ꧀ꦡꦺ ꦄꦤꦴꦒꦠꦏꦴꦭꦶꦏꦺꦴ ꦲꦺꦴꦠꦶ ‘‘ꦤꦶꦫꦪꦁ ꦤꦹꦤ ꦒꦕ꧀ꦖꦴꦩꦶ, ꦌꦠ꧀ꦡ ꦩꦺ ꦤꦠ꧀ꦡꦶ ꦱꦁꦱꦪꦺꦴ’’ꦠꦶꦄꦴꦢꦷꦱꦸ (ꦗꦴ. ꧒.꧒꧒.꧓꧓꧑) ꦮꦶꦪ. ꦏꦶꦚ꧀ꦕꦴꦥꦺꦠ꧀ꦡ ꦲꦶ ꦪꦡꦴ ꦌꦏꦁꦱꦮꦴꦕꦏꦺꦴ ꦤꦹꦤꦱꦢ꧀ꦢꦺꦴ ꦄꦠ꧀ꦡꦶ, ꦤ ꦌꦮꦁ ‘‘ꦨꦮꦠꦷ’’ꦠꦶ ꦥꦢꦺ, ꦄꦠ꧀ꦡꦠꦺꦴ ꦥꦤ ꦄꦪꦁ ꦮꦟ꧀ꦟꦤꦴ ꦤꦹꦤ ꦨꦮꦶꦱ꧀ꦱꦠꦷꦠꦶ ꦄꦠ꧀ꦡꦺꦴ ꦒꦲꦺꦠꦧ꧀ꦧꦺꦴ. ꦄꦡ ꦮꦴ ꦄꦮꦱ꧀ꦱꦩ꧀ꦨꦴꦮꦶꦪꦠ꧀ꦡꦺ ꦄꦤꦴꦒꦠꦏꦴꦭꦮꦴꦕꦏꦺꦴ ꦲꦺꦴꦠꦶ ‘‘ꦣꦸꦮꦁ ꦧꦸꦢ꧀ꦣꦺꦴ ꦨꦮꦴꦩꦲ’’ꦤ꧀ꦠꦶꦄꦴꦢꦷꦱꦸ (ꦧꦸ. ꦮꦁ. ꧒.꧑꧐꧙-꧑꧑꧔) ꦮꦶꦪ. ꦏꦴꦩꦚ꧀ꦲꦺꦠ꧀ꦡ ꦪꦡꦴ ꦄꦮꦱ꧀ꦱꦩ꧀ꦨꦴꦮꦶꦪꦠ꧀ꦡꦮꦴꦕꦏꦺꦴ ꦣꦸꦮꦱꦢ꧀ꦢꦺꦴ ꦄꦠ꧀ꦡꦶ, ꦤ ꦌꦮꦁ ‘‘ꦨꦮꦠꦷ’’ꦠꦶ ꦥꦢꦺ, ꦄꦠ꧀ꦡꦠꦺꦴ ꦥꦤ ꦣꦸꦮꦁ ꦨꦮꦶꦱ꧀ꦱꦠꦶ ꦄꦪꦁ ꦮꦟ꧀ꦟꦤꦴꦠꦶ ꦄꦠ꧀ꦡꦺꦴ ꦒꦲꦺꦠꦧ꧀ꦧꦺꦴꦠꦶ ꦢꦛ꧀ꦜꦧ꧀ꦧꦁ.

꧑. ‘‘ꦠꦠ꧀ꦡꦴ’’ꦠꦶ ꦥꦢꦁ ‘‘ꦩꦸꦱꦴꦮꦴꦢꦮꦒ꧀ꦒꦱ꧀ꦱꦴ’’ꦠꦶ ꦥꦢꦺ ꦤꦶꦢ꧀ꦣꦴꦫꦟꦱꦩꦸꦢꦴꦪꦺꦴ, ꦠꦺꦱꦸ ꦤꦮꦱꦸ ꦮꦒ꧀ꦒꦺꦱꦹꦠꦶ ꦄꦠ꧀ꦡꦺꦴ. ꦥꦜꦩꦱꦶꦏ꧀ꦑꦴꦥꦢꦺꦠꦶ ꦮꦴ, ꦠꦺꦱꦸ ꦑꦸꦢ꧀ꦢꦏꦺꦱꦸ ꦱꦶꦏ꧀ꦑꦴꦥꦢꦺꦱꦹꦠꦶ ꦄꦠ꧀ꦡꦺꦴ. ꦱꦏ꧀ꦪꦴꦤꦁ ꦥꦸꦠ꧀ꦠꦺꦴꦠꦶ ꦨꦒꦶꦤꦷꦲꦶ ꦱꦁꦮꦴꦱꦏꦫꦟꦠꦺꦴ ꦭꦺꦴꦏꦩꦫꦶꦪꦴꦢꦁ ꦖꦶꦤ꧀ꦢꦶꦠꦸꦁ, ꦗꦴꦠꦶꦱꦩ꧀ꦨꦺꦢꦠꦺꦴ ꦮꦴ ꦫꦏ꧀ꦑꦶꦠꦸꦁ ꦱꦏ꧀ꦏꦸꦟꦤ꧀ꦠꦷꦠꦶ ꦱꦏ꧀ꦪꦴ. ꦱꦴꦏꦮꦤꦱꦟ꧀ꦝꦺ ꦤꦒꦫꦁ ꦩꦴꦥꦺꦤ꧀ꦠꦷꦠꦶ ꦮꦴ ꦱꦏ꧀ꦪꦴ, ꦥꦸꦧ꧀ꦧꦫꦴꦗꦴꦤꦺꦴ. ꦠꦺꦱꦁ ꦮꦁꦱꦺ ꦨꦹꦠꦠ꧀ꦠꦴ ꦌꦠꦫꦲꦶꦥꦶ ꦫꦴꦗꦴꦤꦺꦴ ꦱꦏ꧀ꦪꦴ ꦤꦴꦩ, ꦠꦺꦱꦁ ꦥꦸꦠ꧀ꦠꦺꦴꦠꦶ ꦄꦠ꧀ꦡꦺꦴ. ‘‘ꦧꦸꦢ꧀ꦣꦏꦴꦭꦺ’’ꦠꦶ ꦥꦢꦁ ‘‘ꦥꦧ꧀ꦧꦗꦶꦁꦱꦹ’’ꦠꦶ ꦥꦢꦺ ꦄꦴꦣꦴꦫꦺꦴ. ꦱꦏ꧀ꦪꦏꦸꦭꦠꦺꦴ ꦤꦶꦏ꧀ꦑꦩꦶꦠ꧀ꦮꦴꦠꦶ ꦱꦩ꧀ꦧꦤ꧀ꦣꦺꦴ. ‘‘ꦮꦴꦢꦏ꧀ꦑꦶꦠ꧀ꦠꦺꦴ’’ꦠ꧀ꦪꦴꦢꦶꦤꦴ ꦮꦴꦢꦺꦤ ꦑꦶꦠ꧀ꦠꦺꦴ, ꦮꦴꦢꦩ꧀ꦲꦶ ꦮꦴꦠꦶ ꦄꦠ꧀ꦡꦁ ꦢꦱ꧀ꦱꦺꦠꦶ. ꦪꦠ꧀ꦫ ꦪꦠ꧀ꦫꦴꦠꦶ ꦪꦱ꧀ꦱꦁ ꦪꦱ꧀ꦱꦁ ꦢꦶꦛ꧀ꦜꦶꦪꦁ ꦥꦮꦠ꧀ꦠꦠꦷꦠꦶ ꦱꦩ꧀ꦧꦤ꧀ꦣꦺꦴ. ꦄꦮꦗꦴꦤꦶꦠ꧀ꦮꦴꦠꦶ ꦥꦛꦶꦱ꧀ꦱꦮꦺꦤ ꦮꦶꦪꦺꦴꦒꦁ ꦏꦠ꧀ꦮꦴ. ꦄꦮꦱꦢ꧀ꦢꦺꦴ ꦲꦶ ꦮꦶꦪꦺꦴꦒꦠ꧀ꦡꦮꦴꦕꦏꦺꦴ. ‘‘ꦄꦥꦗꦴꦤꦶꦠ꧀ꦮꦴ’’ꦠꦶꦥꦶ ꦥꦴꦜꦺꦴ, ꦥꦛꦶꦚ꧀ꦚꦴꦠꦁ ꦄꦥꦤꦷꦠꦁ ꦏꦠ꧀ꦮꦴꦠꦶ ꦄꦠ꧀ꦡꦺꦴ. ꦢꦺꦴꦱꦤ꧀ꦠꦶ ꦄꦪꦸꦠ꧀ꦠꦶꦢꦺꦴꦱꦁ, ꦱꦭ꧀ꦭꦏ꧀ꦑꦺꦤ꧀ꦠꦺꦴ ꦲꦸꦠ꧀ꦮꦴꦠꦶ ꦱꦩ꧀ꦧꦤ꧀ꦣꦺꦴ. ꦏꦡꦺꦤ꧀ꦠꦺꦴ ꦏꦡꦺꦤ꧀ꦠꦺꦴꦠꦶ ꦄꦤ꧀ꦠꦱꦢ꧀ꦢꦺꦴ ꦩꦴꦤꦱꦢ꧀ꦢꦏꦴꦫꦶꦪꦺꦴ. ꦏꦡꦶꦪꦩꦴꦤꦺꦴ ꦏꦡꦶꦪꦩꦴꦤꦺꦴꦠꦶ ꦲꦶ ꦄꦠ꧀ꦡꦺꦴ. ꦥꦛꦶꦗꦴꦤꦶꦠ꧀ꦮꦴꦠꦶ ꦥꦛꦶꦚ꧀ꦚꦴꦠꦁ ꦏꦠ꧀ꦮꦴ. ꦄꦴꦤꦶꦱꦁꦱꦤ꧀ꦠꦶ ꦤꦶꦢ꧀ꦢꦺꦴꦱꦁ ꦒꦸꦟꦁ. ꦥꦛꦶꦥꦸꦧ꧀ꦧꦺꦴ ꦕꦫꦱꦢ꧀ꦢꦺꦴ ꦥꦛꦶꦕ꧀ꦖꦴꦢꦤꦠ꧀ꦡꦺꦴꦠꦶ ꦄꦴꦲ ‘‘ꦥꦛꦶꦕꦫꦠꦶ ꦥꦛꦶꦕ꧀ꦖꦴꦢꦺꦠꦷ’’ꦠꦶ. ‘‘ꦏꦶꦁ ꦥꦤ ꦫꦹꦥꦁ ꦤꦶꦕ꧀ꦕꦁ ꦮꦴ ꦄꦤꦶꦕ꧀ꦕꦁ ꦮꦴ’’ꦠꦶ ꦮꦸꦠ꧀ꦠꦺ ‘‘ꦄꦤꦶꦕ꧀ꦕ’’ꦤ꧀ꦠꦶ ꦮꦢꦠꦶ. ꦏꦱ꧀ꦩꦴꦠꦶ ꦮꦸꦠ꧀ꦠꦺ ‘‘ꦗꦴꦤꦶꦠꦧ꧀ꦧꦠꦺꦴ’’ꦠꦶ ꦮꦢꦠꦶ. ꦪꦢꦶ ꦌꦮꦁ ꦤꦶꦧ꧀ꦧꦴꦤꦩ꧀ꦥꦶ ꦗꦴꦤꦶꦠꦧ꧀ꦧꦠ꧀ꦠꦴ ꦄꦤꦶꦕ꧀ꦕꦁ ꦤꦴꦩ ꦱꦶꦪꦴꦠꦶ ꦮꦸꦠ꧀ꦠꦺ ꦄꦠ꧀ꦠꦤꦺꦴ ꦲꦺꦠꦸꦩ꧀ꦲꦶ ꦢꦺꦴꦱꦁ ꦢꦶꦱ꧀ꦮꦴ ꦄꦲꦁ ‘‘ꦗꦴꦤꦶꦠꦧ꧀ꦧꦠꦺꦴ’’ꦠꦶ ꦲꦺꦠꦸꦁ ꦤ ꦮꦢꦴꦩꦶ, ‘‘ꦗꦴꦠꦶꦣꦩ꧀ꦩꦠꦺꦴ’’ꦠꦶ ꦥꦤ ꦮꦢꦴꦩꦶ. ꦠꦪꦴ ꦥꦤ ꦢꦸꦱ꧀ꦱꦸꦠꦠ꧀ꦠꦴ ꦌꦮꦁ ꦮꦸꦠ꧀ꦠꦤ꧀ꦠꦶ ꦮꦠ꧀ꦮꦴ ꦄꦚ꧀ꦚꦺꦤꦚ꧀ꦚꦁ ꦥꦛꦶꦕꦫꦠꦶ. ‘‘ꦏꦸꦫꦸꦤ꧀ꦢꦶꦪ’’ꦤ꧀ꦠꦶ ꦥꦢꦁ ‘‘ꦮꦸꦠ꧀ꦠ’’ꦤ꧀ꦠꦶ ꦥꦢꦺ ꦄꦴꦣꦴꦫꦺꦴ. ꦌꦠꦱ꧀ꦱꦴꦠꦶ ‘‘ꦫꦹꦥꦁ ꦄꦤꦶꦕ꧀ꦕꦁ ꦗꦴꦤꦶꦠꦧ꧀ꦧꦠꦺꦴ’’ꦠꦶ ꦮꦕꦤꦱ꧀ꦱ. ꦠꦠ꧀ꦫꦴꦠꦶ ꦏꦸꦫꦸꦤ꧀ꦢꦶꦪꦁ. ꦠꦱ꧀ꦱꦴꦠꦶ ꦥꦛꦶꦗꦴꦤꦤꦴꦮꦗꦴꦤꦤꦱ꧀ꦱ. ‘‘ꦥꦛꦶꦕ꧀ꦖꦴꦢꦤꦠ꧀ꦡ’’ꦤ꧀ꦠꦶ ꦥꦢꦁ ‘‘ꦨꦴꦱꦠꦷ’’ꦠꦶꦥꦢꦺ ꦱꦩ꧀ꦥꦢꦴꦤꦁ. ‘‘ꦩꦲꦴꦄꦛ꧀ꦜꦏꦡꦴꦪ’’ꦤ꧀ꦠꦶꦥꦢꦁ ‘‘ꦮꦸꦠ꧀ꦠ’’ꦤ꧀ꦠꦶ ꦥꦢꦺ ꦄꦴꦣꦴꦫꦺꦴ. ‘‘ꦢꦶꦮꦴꦛ꧀ꦜꦴꦤꦴꦢꦷꦱꦹ’’ꦠꦶ ꦥꦢꦁ ꦈꦥꦤꦺꦠꦧ꧀ꦧꦁ. ꦆꦢꦁ ‘‘ꦄꦱꦸꦏꦱ꧀ꦩꦶꦁ ꦤꦴꦩꦥꦢꦺꦱꦺ’’ꦠꦶ ꦥꦢꦺ ꦤꦶꦢ꧀ꦣꦴꦫꦟꦱꦩꦸꦢꦴꦪꦺꦴ.

꧓. ꦱꦩ꧀ꦩꦴ ꦮꦢꦠꦶ ꦄꦤꦺꦤꦴꦠꦶ ꦱꦁꦮꦴꦢꦤꦁ, ꦈꦗꦸꦗꦴꦠꦶꦏꦕꦶꦠ꧀ꦠꦁ, ꦤ ꦱꦁꦮꦴꦢꦤꦁ ꦮꦶꦱꦁꦮꦴꦢꦤꦁ, ꦮꦚ꧀ꦕꦤꦴꦣꦶꦥ꧀ꦥꦴꦪꦮꦱꦥ꧀ꦥꦮꦠ꧀ꦠꦁ ꦕꦶꦠ꧀ꦠꦤ꧀ꦠꦶ ꦢꦱ꧀ꦱꦺꦤ꧀ꦠꦺꦴ ꦄꦴꦲ ‘‘ꦮꦶꦱꦁꦮꦴꦢꦤꦕꦶꦠ꧀ꦠ’’ꦤ꧀ꦠꦶ. ‘‘ꦮꦴꦕꦴ’’ꦠ꧀ꦪꦴꦢꦶꦤꦴ ꦮꦕꦠꦶ ꦌꦠꦴꦪꦴꦠꦶ ꦮꦴꦕꦴꦠꦶ ꦄꦠ꧀ꦡꦁ ꦢꦱ꧀ꦱꦺꦠꦶ. ꦲꦷꦠꦶ ꦢꦭ꦳꧀ꦲꦷꦏꦫꦟꦗꦺꦴꦠꦏꦁ, ꦠꦢꦩꦶꦤꦴ ꦱꦕ꧀ꦕꦤ꧀ꦠꦶ ꦄꦠ꧀ꦡꦺꦴ. ‘‘ꦮꦴꦕꦴꦪꦺꦮꦴ’’ꦠꦶ ꦥꦢꦁ ‘‘ꦧ꧀ꦪꦥ꧀ꦥꦡꦺꦴ’’ꦠꦶ ꦥꦢꦺ ꦠꦸꦭ꧀ꦪꦠ꧀ꦡꦁ, ‘‘ꦮꦸꦕ꧀ꦕꦠꦷ’’ꦠꦶ ꦥꦢꦺ ꦏꦩ꧀ꦩꦁ. ꦥꦡꦱꦢ꧀ꦢꦥꦫꦠ꧀ꦠꦴ ꦮꦴꦕꦴꦱꦢ꧀ꦢꦱ꧀ꦱ ꦧ꧀ꦪꦴꦢꦺꦱꦺꦴ ꦏꦠꦺꦴ. ꦱꦸꦢ꧀ꦣꦕꦺꦠꦤꦴ ꦏꦡꦶꦠꦴꦠꦶ ꦱꦩ꧀ꦧꦤ꧀ꦣꦺꦴ. ꦠꦁꦱꦩꦸꦛ꧀ꦜꦶꦠꦱꦢ꧀ꦢꦱꦲꦶꦠꦴꦠꦶ ꦠꦴꦪ ꦕꦺꦠꦤꦴꦪ ꦱꦩꦸꦛ꧀ꦜꦶꦠꦺꦤ ꦱꦢ꧀ꦢꦺꦤ ꦱꦲ ꦥꦮꦠ꧀ꦠꦴ ꦕꦺꦠꦤꦴ ꦏꦡꦶꦠꦴꦠꦶ ꦪꦺꦴꦗꦤꦴ.

‘‘ꦌꦮ’’ꦤ꧀ꦠꦶ ꦥꦢꦁ ‘‘ꦢꦱ꧀ꦱꦺꦠ꧀ꦮꦴ’’ꦠꦶ ꦥꦢꦺ ꦤꦶꦢꦱ꧀ꦱꦤꦁ, ꦏꦫꦟꦁ ꦮꦴ. ‘‘ꦢꦱ꧀ꦱꦺꦠ꧀ꦮꦴ’’ꦠꦶ ꦥꦢꦁ ‘‘ꦢꦱ꧀ꦱꦺꦤ꧀ꦠꦺꦴ ꦄꦴꦲꦴ’’ꦠꦶ ꦥꦢꦢ꧀ꦮꦪꦺ ꦥꦸꦧ꧀ꦧꦏꦴꦭꦏꦶꦫꦶꦪꦴ. ꦄꦤ꧀ꦠꦺꦠꦶ ‘‘ꦮꦴꦕꦴ’’ꦠꦶꦄꦴꦢꦷꦤꦁ ꦥꦚ꧀ꦕꦤ꧀ꦤꦁ ꦥꦢꦴꦤꦁ ꦄꦮꦱꦴꦤꦺ. ‘‘ꦄꦴꦲꦴ’’ꦠꦶ ꦌꦠ꧀ꦡ ꦮꦠ꧀ꦠꦩꦴꦤ-ꦠꦶꦮꦕꦤꦱ꧀ꦱ ꦄꦏꦴꦫꦺꦴ ꦥꦕ꧀ꦕꦸꦥ꧀ꦥꦤ꧀ꦤꦏꦴꦭꦮꦴꦕꦏꦺꦤ ‘‘ꦆꦢꦴꦤꦷ’’ꦠꦶ ꦥꦢꦺꦤ ꦪꦺꦴꦗꦶꦠꦠ꧀ꦠꦴ. ‘‘ꦠꦠ꧀ꦡꦴ’’ꦠꦶ ꦥꦢꦁ ‘‘ꦄꦠ꧀ꦡꦺꦴ ꦮꦺꦢꦶꦠꦧ꧀ꦧꦺꦴ’’ꦠꦶ ꦥꦢꦺ ꦄꦴꦣꦴꦫꦺꦴ. ꦌꦠ꧀ꦡꦴꦠꦶ ‘‘ꦄꦢꦶꦛ꧀ꦜꦁ ꦢꦶꦛ꧀ꦜꦁ ꦩꦺ’’ꦠꦶꦄꦴꦢꦷꦱꦸ. ‘‘ꦥꦴꦭ꦳ꦶꦪ’’ꦤ꧀ꦠꦶ ꦥꦢꦁ ‘‘ꦢꦺꦱꦤꦴ ꦏꦠꦴ’’ꦠꦶ ꦥꦢꦺ ꦄꦴꦣꦴꦫꦺꦴ. ꦤꦶꦱ꧀ꦱꦶꦠꦮꦶꦚ꧀ꦚꦴꦟꦮꦱꦺꦤ ꦄꦮꦠ꧀ꦮꦴ ꦤꦶꦱ꧀ꦱꦪꦥꦱꦴꦢꦮꦱꦺꦤ ‘‘ꦕꦏ꧀ꦑꦸꦤꦴ ꦢꦶꦛ꧀ꦜ’’ꦤ꧀ꦠꦶ ꦮꦸꦠ꧀ꦠꦤ꧀ꦠꦶ ꦄꦴꦲ ‘‘ꦎꦭ꦳ꦴꦫꦶꦏꦺꦤꦺꦮꦴ’’ꦠꦶ.

꧔. ꦠꦱ꧀ꦱꦴꦠꦶ ‘‘ꦠꦷꦲꦴꦏꦴꦫꦺꦲꦷ’’ꦠꦶꦄꦴꦢꦶꦮꦕꦤꦱ꧀ꦱ. ‘‘ꦄꦠ꧀ꦡꦺꦴ’’ꦠꦶ ꦥꦢꦁ ‘‘ꦮꦺꦢꦶꦠꦧ꧀ꦧꦺꦴ’’ꦠꦶ ꦥꦢꦺ ꦏꦩ꧀ꦩꦁ. ꦲꦷꦠꦶ ꦮꦶꦱꦺꦱꦗꦺꦴꦠꦏꦁ, ꦮꦶꦱꦺꦱꦁ ꦏꦡꦪꦶꦱ꧀ꦱꦴꦩꦷꦠꦶ ꦄꦠ꧀ꦡꦺꦴ. ꦠꦠ꧀ꦡꦴꦠꦶ ꦕꦠꦸꦠ꧀ꦡꦥꦴꦫꦴꦗꦶꦏꦺ. ꦆꦣꦴꦠꦶ ꦆꦩꦱ꧀ꦩꦶꦁ ꦱꦶꦏ꧀ꦑꦴꦥꦢꦺ.

꧙. ꦄꦴꦢꦷꦤꦩ꧀ꦥꦷꦠꦶ ꦥꦶꦱꦢ꧀ꦢꦺꦴ ꦱꦩ꧀ꦥꦶꦟ꧀ꦝꦤꦠ꧀ꦡꦺꦴ.

꧑꧑. ꦩꦤ꧀ꦢꦱꦢ꧀ꦢꦺꦴ ꦗꦭ꦳ꦠ꧀ꦡꦮꦴꦕꦏꦺꦴꦠꦶ ꦄꦴꦲ ‘‘ꦩꦤ꧀ꦢꦠ꧀ꦠꦴ ꦗꦭ꦳ꦠ꧀ꦠꦴ’’ꦠꦶ. ꦪꦺꦴ ꦥꦤ ꦄꦚ꧀ꦚꦁ ꦨꦟꦠꦷꦠꦶ ꦱꦩ꧀ꦧꦤ꧀ꦣꦺꦴ. ‘‘ꦱꦴꦩꦟꦺꦫꦺꦤꦴ’’ꦠꦶ ꦥꦢꦁ ‘‘ꦮꦸꦠ꧀ꦠꦺꦴ’’ꦠꦶ ꦥꦢꦺ ꦏꦠ꧀ꦠꦴ. ꦄꦥꦶꦱꦢ꧀ꦢꦺꦴ ꦥꦸꦕ꧀ꦖꦴꦮꦴꦕꦏꦺꦴ, ‘‘ꦥꦱ꧀ꦱꦶꦠ꧀ꦡꦴ’’ꦠꦶ ꦥꦢꦺꦤ ꦪꦺꦴꦗꦺꦠꦧ꧀ꦧꦺꦴ, ꦄꦥꦶ ꦥꦱ꧀ꦱꦶꦠ꧀ꦡꦴꦠꦶ ꦄꦠ꧀ꦡꦺꦴ. ‘‘ꦄꦢꦶꦛ꧀ꦜꦁ ꦢꦶꦛ꧀ꦜꦁ ꦩꦺ’’ꦠꦶꦄꦴꦢꦶꦮꦕꦤꦠꦺꦴ ꦄꦚ꧀ꦚꦴ ꦥꦹꦫꦟꦏꦡꦴꦥꦶ ꦠꦴꦮ ꦄꦠ꧀ꦡꦷꦠꦶ ꦢꦱ꧀ꦱꦺꦤ꧀ꦠꦺꦴ ꦄꦴꦲ ‘‘ꦄꦚ꧀ꦚꦴ ꦥꦹꦫꦟꦏꦡꦴ ꦤꦴꦩ ꦲꦺꦴꦠꦷ’’ꦠꦶ. ꦄꦥ꧀ꦥꦠꦴꦪ ꦈꦴꦤꦱ꧀ꦱ ꦄꦠ꧀ꦡꦱ꧀ꦱ ꦥꦹꦫꦟꦮꦱꦺꦤ ꦥꦮꦠ꧀ꦠꦴ ꦏꦡꦴ ꦥꦹꦫꦟꦏꦡꦴ. ꦌꦱꦴ ꦥꦹꦫꦟꦏꦡꦴ ꦤꦴꦩ ꦏꦴꦠꦶ ꦄꦴꦲ ‘‘ꦌꦏꦺꦴ’’ꦠꦶꦄꦴꦢꦶ. ꦌꦱꦴ ꦲꦶ ꦒꦴꦩꦺ ꦄꦥ꧀ꦥꦏꦩ꧀ꦥꦶ ꦠꦺꦭꦁ ꦮꦴ ꦥꦹꦮꦑꦟ꧀ꦝꦁ ꦮꦴ ꦥꦱ꧀ꦱꦶꦠ꧀ꦮꦴ ꦮꦴ ꦭꦨꦶꦠ꧀ꦮꦴ ꦮꦴ ꦧꦲꦸꦏꦁ ꦏꦠ꧀ꦮꦴ ꦥꦹꦫꦟꦮꦱꦺꦤ ꦏꦡꦶꦠꦠ꧀ꦠꦴ ꦥꦹꦫꦟꦏꦡꦴ ꦤꦴꦩ. ꦧꦲꦸꦏꦴꦤꦶ ꦠꦺꦭꦴꦤꦶ ꦮꦴ ꦥꦹꦮꦺ ꦮꦴ ꦥꦱ꧀ꦱꦤ꧀ꦠꦺꦴꦥꦶ ꦭꦨꦤ꧀ꦠꦺꦴꦥꦶ ꦄꦥ꧀ꦥꦏꦁ ꦏꦠ꧀ꦮꦴ ꦈꦴꦤꦮꦱꦺꦤ ꦏꦡꦶꦠꦠ꧀ꦠꦴ ꦈꦴꦤꦏꦡꦴꦥꦶ ꦄꦠ꧀ꦡꦷꦠꦶ ꦱꦏ꧀ꦏꦴ ꦮꦠ꧀ꦠꦸꦁ. ꦄꦛ꧀ꦜꦏꦡꦴꦱꦸ ꦥꦤ ꦄꦮꦸꦠ꧀ꦠꦠ꧀ꦠꦴ ꦮꦷꦩꦁꦱꦶꦠ꧀ꦮꦴ ꦒꦲꦺꦠꦧ꧀ꦧꦁ. ꦧꦲꦸꦏꦴꦪ ꦥꦹꦫꦟꦱ꧀ꦱ ꦄꦠ꧀ꦡꦱ꧀ꦱ ꦈꦴꦤꦮꦱꦺꦤ ꦥꦮꦠ꧀ꦠꦴ ꦏꦡꦴ ꦈꦴꦤꦏꦡꦴꦠꦶ ꦮꦶꦒ꧀ꦒꦲꦺꦴ ꦏꦴꦠꦧ꧀ꦧꦺꦴꦠꦶ. ꦥꦜꦩꦁ.