꧓. ꦪꦸꦠ꧀ꦠꦶꦲꦴꦫꦱꦩ꧀ꦥꦴꦠꦮꦟ꧀ꦟꦤꦴ

꧖꧕. ꦥꦛꦶꦥꦏ꧀ꦑꦥꦛꦶꦧꦴꦭ꦳꧀ꦲꦴ ꦏꦸꦱꦭꦴ ꦣꦩ꧀ꦩꦴ ꦈꦥ꧀ꦥꦗ꧀ꦗꦶꦠꦸꦩꦺꦮ ꦤ ꦱꦏ꧀ꦏꦺꦴꦤ꧀ꦠꦶ, ꦈꦥ꧀ꦥꦤ꧀ꦤꦴꦥꦶ ꦱꦩ꧀ꦩꦢꦺꦮ ꦄꦠ꧀ꦠꦤꦺꦴ ꦏꦶꦕ꧀ꦕꦁ ꦏꦴꦠꦸꦁ ꦄꦱꦩꦠ꧀ꦡꦠꦴꦪ ꦄꦤꦸꦥ꧀ꦥꦤ꧀ꦤꦱꦢꦶꦱꦴꦠꦶ ꦥꦛꦶꦥꦏ꧀ꦑꦤꦶꦮꦴꦫꦟꦺꦤ ꦏꦸꦱꦭꦴꦤꦁ ꦣꦩ꧀ꦩꦴꦤꦁ ꦏꦶꦕ꧀ꦕꦏꦫꦟꦨꦴꦮꦁ ꦢꦱ꧀ꦱꦺꦠꦸꦁ ‘‘ꦩꦤꦕ꧀ꦖꦛ꧀ꦜꦴꦤꦶ…ꦥꦺ… ꦨꦮꦶꦱ꧀ꦱꦠꦷ’’ꦠꦶ ꦮꦸꦠ꧀ꦠꦁ. ꦮꦶꦲꦫꦤ꧀ꦠꦱ꧀ꦱꦴꦠꦶ ꦮꦶꦲꦫꦟꦲꦺꦠꦸ. ꦮꦶꦲꦫꦤ꧀ꦠꦺꦴꦠꦶ ꦌꦠ꧀ꦡꦴꦥꦶ ꦌꦱꦺꦮ ꦤꦪꦺꦴ, ꦠꦺꦤ ꦫꦏ꧀ꦑꦶꦠꦕꦶꦠ꧀ꦠꦠꦴ ꦮꦸꦠ꧀ꦠꦤꦪꦺꦤ ꦌꦏꦤ꧀ꦠꦠꦺꦴ ꦱꦩ꧀ꦩꦴꦱꦔ꧀ꦏꦥ꧀ꦥꦒꦺꦴꦕꦫꦠꦴꦪ ꦕ ꦱꦁꦮꦠ꧀ꦠꦠꦷꦠꦶ ꦢꦱ꧀ꦱꦺꦠꦶ. ꦮꦸꦠ꧀ꦠꦤꦪꦺꦤꦴꦠꦶ ꦩꦶꦕ꧀ꦖꦴꦱꦔ꧀ꦏꦥ꧀ꦥꦴꦤꦁ ꦄꦮꦱꦫꦁ ꦄꦢꦠ꧀ꦮꦴ ꦮꦶꦱꦺꦴꦣꦶꦠꦤꦺꦏ꧀ꦑꦩ꧀ꦩꦴꦢꦶꦮꦶꦠꦏ꧀ꦏꦠꦴꦪ. ꦄꦮꦶꦥꦫꦷꦠꦩꦺꦮꦴꦠꦶ ꦏꦴꦪꦴꦢꦶꦄꦱꦸꦨꦴꦢꦶꦠꦺꦴ ꦄꦴꦢꦴꦤꦁ. ꦮꦶꦤꦶꦥꦴꦠꦨꦪꦤ꧀ꦠꦶ ꦢꦸꦒ꧀ꦒꦠꦶꦨꦪꦁ. ꦱꦧ꧀ꦧꦺꦴꦥꦶ ꦕꦴꦪꦩꦠ꧀ꦡꦺꦴꦠꦶ ‘‘ꦱꦩ꧀ꦩꦴꦱꦔ꧀ꦏꦥ꧀ꦥꦒꦺꦴꦕꦫꦺꦴ ꦱꦩ꧀ꦩꦴꦢꦶꦛ꧀ꦜꦶ ꦨꦮꦶꦱ꧀ꦱꦠꦷ’’ꦠꦶꦄꦴꦢꦷꦱꦸ ꦄꦠ꧀ꦡꦺꦴ ꦪꦸꦠ꧀ꦠꦶꦪꦴ ꦪꦸꦠ꧀ꦠꦺꦴ ꦌꦮ ꦄꦤꦫꦹꦥꦏꦴꦫꦟꦨꦴꦮꦠꦺꦴ.

ꦪꦸꦠ꧀ꦠꦶꦲꦴꦫꦱꦩ꧀ꦥꦴꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.