꧑꧖. ꦮꦕ꧀ꦕꦥ꧀ꦥꦱ꧀ꦱꦴꦮꦛ꧀ꦜꦴꦤꦶꦏꦤꦶꦢ꧀ꦢꦺꦱꦮꦟ꧀ꦟꦤꦴ

꧑꧕꧖. ꦪꦡꦴꦮꦸꦝ꧀ꦞꦁ ꦤ ꦏꦫꦺꦪ꧀ꦪ ꦮꦕ꧀ꦕꦤ꧀ꦠꦶ ꦱꦩ꧀ꦧꦤ꧀ꦣꦺꦴ. ꦪꦡꦴꦤꦸꦥꦸꦧ꧀ꦧꦶꦪꦴ ꦭꦧ꧀ꦨꦠꦷꦠꦶ ꦱꦩ꧀ꦧꦤ꧀ꦣꦺꦴ. ꦆꦩꦺꦱꦸ ꦥꦤ ꦠꦷꦱꦸ ꦜꦴꦤꦺꦱꦸ ꦪꦺꦴ ꦪꦺꦴ ꦥꦜꦩꦁ ꦄꦴꦒꦕ꧀ꦖꦠꦶ ꦮꦸꦝ꧀ꦞꦺꦴ ꦮꦴ ꦤꦮꦺꦴ ꦮꦴ, ꦱꦺꦴ ꦱꦺꦴ ꦄꦴꦒꦠꦥꦛꦶꦥꦴꦛꦶꦪꦴ ꦏꦴꦠꦸꦚ꧀ꦕ ꦤꦲꦴꦪꦶꦠꦸꦚ꧀ꦕ ꦭꦧ꧀ꦨꦠꦷꦠꦶ ꦄꦣꦶꦥ꧀ꦥꦴꦪꦺꦴ.

꧑꧕꧗. ꦈꦧ꧀ꦨꦗꦶꦠ꧀ꦮꦴꦠꦶ (ꦕꦹꦭ꦳ꦮ. ꧓꧗꧓, ꧓꧗꧔) ꦤꦶꦮꦴꦱꦤꦁ ꦢꦹꦫꦠꦺꦴꦮ ꦈꦏ꧀ꦑꦶꦥꦶꦠ꧀ꦮꦴ ꦤꦺꦴ ꦥꦮꦶꦱꦺꦪ꧀ꦪ. ꦱꦲꦱꦴ ꦕ ꦤꦺꦴ ꦥꦮꦶꦱꦺꦪ꧀ꦪꦴꦠꦶ ꦱꦩ꧀ꦧꦤ꧀ꦣꦺꦴ. ‘‘ꦧꦲꦶ ꦜꦶꦠꦺꦤ ꦈꦏ꧀ꦏꦴꦱꦶꦠꦧ꧀ꦧ’’ꦤ꧀ꦠꦶ ꦕ ‘‘ꦱꦴꦣꦸꦏꦁ ꦄꦠꦫꦩꦴꦤꦺꦤ ꦮꦕ꧀ꦕꦏꦸꦛꦶ ꦥꦮꦶꦱꦶꦠꦧ꧀ꦧꦴ’’ꦠꦶ ꦕ ꦮꦸꦠ꧀ꦠꦠ꧀ꦠꦴ ꦈꦏ꧀ꦏꦴꦱꦶꦠ꧀ꦮꦴꦮ ꦄꦠꦫꦩꦴꦤꦺꦴ ꦥꦮꦶꦱꦺꦪ꧀ꦪꦴꦠꦶ ꦄꦠ꧀ꦡꦺꦴ. ‘‘ꦤ ꦈꦧ꧀ꦨꦗꦶꦠ꧀ꦮꦴ ꦥꦮꦶꦱꦶꦠꦧ꧀ꦧꦴ, ꦮꦕ꧀ꦕꦥꦴꦢꦸꦏꦴꦪ ꦜꦶꦠꦺꦤ ꦈꦧ꧀ꦨꦗꦶꦠꦧ꧀ꦧ’’ꦤ꧀ꦠꦶ (ꦕꦹꦭ꦳ꦮ. ꧓꧗꧔) ꦮꦕꦤꦠꦺꦴ ‘‘ꦈꦧ꧀ꦨꦗꦺꦪ꧀ꦪ ꦥꦴꦢꦸꦏꦴꦱ꧀ꦮꦺꦮ ꦱꦟ꧀ꦜꦶꦠꦺꦴ’’ꦠꦶ ꦮꦸꦠ꧀ꦠꦁ.

꧑꧕꧘. ꦤ ꦏꦫꦺꦪ꧀ꦪ ꦈꦨꦪꦁ ꦤ ꦏꦫꦺꦪ꧀ꦪꦸꦨꦪꦁ.

꧑꧕꧙. ꦏꦹꦥꦺꦠꦶ (ꦕꦹꦭ꦳ꦮ. ꧓꧗꧔) ꦮꦕ꧀ꦕꦏꦹꦥꦺ. ꦏꦛ꧀ꦜꦤ꧀ꦠꦶ ꦄꦮꦭꦺꦑꦤꦏꦛ꧀ꦜꦁ. ꦥꦱ꧀ꦱꦴꦮꦢꦺꦴꦟꦶꦪꦴ ꦑꦺꦭ꦳ꦁ ꦤ ꦏꦴꦠꦧ꧀ꦧꦤ꧀ꦠꦶ ꦄꦠ꧀ꦡꦺꦴ. ꦤꦴꦮꦭꦺꦑꦺꦪ꧀ꦪ ꦦꦫꦸꦱꦺꦤꦴꦠꦶ ꦦꦴꦭꦶꦠꦏꦛ꧀ꦜꦺꦤ ꦮꦴ ꦑꦫꦺꦤ ꦮꦴ ꦒꦟ꧀ꦜꦶꦏꦺꦤ ꦮꦴ ꦏꦟ꧀ꦛꦏꦺꦤ ꦮꦴ ꦱꦸꦱꦶꦫꦺꦤ ꦮꦴ ꦥꦹꦠꦶꦤꦴ ꦮꦴ ꦤꦴꦮꦭꦺꦑꦶꦠꦧ꧀ꦧꦤ꧀ꦠꦶ ꦄꦠ꧀ꦡꦺꦴ. ꦈꦲꦠꦚ꧀ꦕꦴꦥꦷꦠꦶ ꦒꦹꦡꦩꦏ꧀ꦑꦶꦠꦩ꧀ꦥꦶ ꦣꦺꦴꦮꦪꦺ ꦄꦠ꧀ꦠꦤꦴ ꦮꦴ ꦥꦫꦺꦤ ꦮꦴ ꦏꦠꦤ꧀ꦠꦶ ꦄꦣꦶꦥ꧀ꦥꦴꦪꦺꦴ.

꧑꧖꧐. ꦈꦧ꧀ꦨꦗꦶꦠ꧀ꦮꦴ ꦤ ꦤꦶꦏ꧀ꦑꦩꦺꦠꦶ ꦌꦠ꧀ꦡ ‘‘ꦮꦕ꧀ꦕꦥꦴꦢꦸꦏꦴꦪ ꦜꦶꦠꦺꦤ ꦥꦛꦶꦕ꧀ꦖꦴꦢꦺꦠꦧ꧀ꦧ’’ꦤ꧀ꦠꦶ (ꦕꦹꦭ꦳ꦮ. ꧓꧗꧔) ꦲꦶ ꦮꦸꦠ꧀ꦠꦁ, ꦥꦸꦤ ‘‘ꦄꦴꦕꦩꦤꦥꦴꦢꦸꦏꦴꦪꦁ ꦜꦶꦠꦺꦤ ꦈꦧ꧀ꦨꦗꦶꦠꦧ꧀ꦧ’’ꦤ꧀ꦠꦶ (ꦕꦹꦭ꦳ꦮ. ꧓꧗꧔) ꦕ ꦮꦸꦠ꧀ꦠꦁ. ‘‘ꦕꦥꦸ ꦕꦥꦹ’’ꦠꦶ ꦱꦢ꧀ꦢꦁ ꦏꦠ꧀ꦮꦴ ꦤꦴꦕꦩꦺꦪ꧀ꦪꦴꦠꦶ ꦄꦠ꧀ꦡꦺꦴ. ꦮꦕ꧀ꦕꦥ꧀ꦥꦱ꧀ꦱꦴꦮꦛ꧀ꦜꦴꦤꦶꦏꦮꦶꦤꦶꦕ꧀ꦖꦪꦺꦴ.

ꦮꦕ꧀ꦕꦥ꧀ꦥꦱ꧀ꦱꦴꦮꦛ꧀ꦜꦴꦤꦶꦏꦤꦶꦢ꧀ꦢꦺꦱꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.