꧗. ꦩꦲꦴꦤꦴꦩꦱꦶꦏ꧀ꦑꦴꦥꦢꦮꦟ꧀ꦟꦤꦴ

ꦥꦟꦷꦠꦨꦺꦴꦗꦤꦱꦶꦏ꧀ꦑꦴꦥꦢꦺ ‘‘ꦩꦲꦴꦤꦴꦩꦱꦶꦏ꧀ꦑꦴꦥꦢꦺꦤ ꦏꦴꦫꦺꦠꦧ꧀ꦧꦺꦴ’’ꦠꦶ (ꦏꦔ꧀ꦑꦴ. ꦄꦛ꧀ꦜ. ꦥꦟꦷꦠꦨꦺꦴꦗꦤꦱꦶꦏ꧀ꦑꦴꦥꦢꦮꦟ꧀ꦟꦤꦴ) ꦪꦁ ꦮꦸꦠ꧀ꦠꦁ, ꦠꦱ꧀ꦱꦠ꧀ꦡꦺꦴ ꦱꦔ꧀ꦓꦮꦱꦺꦤ ꦥꦮꦴꦫꦶꦠꦺ ꦨꦺꦱꦗ꧀ꦗꦠ꧀ꦡꦴꦪ ꦱꦥ꧀ꦥꦶꦄꦴꦢꦶꦨꦺꦱꦗ꧀ꦗꦥꦚ꧀ꦕꦏꦁ ꦮꦶꦚ꧀ꦚꦴꦥꦺꦠꦶ ꦕꦺ, ‘‘ꦤꦨꦺꦱꦗ꧀ꦗꦺꦤ ꦏꦫꦟꦷꦪꦺꦤ ꦨꦺꦱꦗ꧀ꦗꦁ ꦮꦶꦚ꧀ꦚꦴꦥꦺꦠꦷ’’ꦠꦶ (ꦥꦴꦕꦶ. ꧓꧐꧙) ꦮꦕꦤꦺꦤ ꦥꦴꦕꦶꦠ꧀ꦠꦶꦪꦤ꧀ꦠꦶ (ꦮꦗꦶꦫ. ꦛꦷ. ꦥꦴꦕꦶꦠ꧀ꦠꦶꦪ ꧓꧑꧐) ꦭꦶꦑꦶꦠꦁ. ‘‘ꦠꦪꦴ ꦆꦩꦶꦤꦴꦮ ꦥꦮꦴꦫꦶꦠꦩ꧀ꦲꦴ, ꦄꦩ꧀ꦲꦴꦏꦚ꧀ꦕ ꦆꦩꦶꦤꦴ ꦕ ꦆꦩꦶꦤꦴ ꦕ ꦄꦠ꧀ꦡꦺꦴ’’ꦠꦶ ꦪꦡꦴꦨꦹꦠꦁ ꦄꦴꦕꦶꦏ꧀ꦑꦶꦠ꧀ꦮꦴ ꦮꦶꦚ꧀ꦚꦴꦥꦺꦠꦸꦁ ꦒꦶꦭꦴꦤꦺꦴꦮ ꦭꦨꦠꦶ, ꦤ ꦆꦠꦫꦺꦴꦠꦶ ꦕ, ‘‘ꦄꦚ꧀ꦚꦱ꧀ꦱ ꦄꦠ꧀ꦡꦴꦪꦴ’’ꦠꦶ ꦄꦱ꧀ꦱ ꦚꦴꦠꦏꦥ꧀ꦥꦮꦴꦫꦶꦠꦺ, ꦄꦠ꧀ꦠꦤꦺꦴ ꦮꦴ ꦚꦴꦠꦏꦥ꧀ꦥꦮꦴꦫꦶꦠꦺꦠꦶ ꦄꦠ꧀ꦡꦺꦴꦠꦶ ꦕ, ‘‘ꦄꦥꦫꦶꦪꦤ꧀ꦠꦥ꧀ꦥꦮꦴꦫꦟꦴꦪ ꦥꦮꦴꦫꦶꦠꦺ’’ꦠꦶ ꦱꦔ꧀ꦓꦮꦱꦺꦤ, ꦥꦸꦒ꧀ꦒꦭꦮꦱꦺꦤ ꦕ ꦥꦮꦴꦫꦺꦠ꧀ꦮꦴ ꦢꦴꦪꦏꦴ. ꦠꦱ꧀ꦩꦴ ‘‘ꦱꦔ꧀ꦓꦥ꧀ꦥꦮꦴꦫꦟꦠꦴ’’ꦠꦶ ꦮꦠ꧀ꦮꦴ ‘‘ꦥꦸꦒ꧀ꦒꦭꦥ꧀ꦥꦮꦴꦫꦟꦠꦴ’’ꦠꦶ ꦤ ꦮꦸꦠ꧀ꦠꦤ꧀ꦠꦶ ꦕ, ‘‘ꦥꦫꦶꦪꦤ꧀ꦠꦴꦠꦶꦏ꧀ꦏꦩꦺꦴ’’ꦠꦶ ꦮꦕꦤꦺꦤ ꦒꦶꦭꦴꦤꦺꦴ ꦒꦲꦶꦠꦺꦴ, ꦠꦱ꧀ꦩꦴ ‘‘ꦒꦶꦭꦴꦤꦴꦒꦶꦭꦴꦤꦠꦴ’’ꦠꦶ ꦤ ꦮꦸꦠ꧀ꦠꦁ. ꦌꦮꦁ ꦱꦤ꧀ꦠꦺꦥꦶ ‘‘ꦱꦔ꧀ꦓꦥ꧀ꦥꦮꦴꦫꦟꦴꦪ ꦥꦮꦴꦫꦟꦠꦴ’’ꦠꦶ ꦥꦴꦜꦺꦴꦠꦶ ꦕ ꦭꦶꦑꦶꦠꦁ, ꦮꦷꦩꦁꦱꦶꦠꦧ꧀ꦧꦁ.

ꦩꦲꦴꦤꦴꦩꦱꦶꦏ꧀ꦑꦴꦥꦢꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.