꧔. ꦥꦲꦴꦫꦱꦶꦏ꧀ꦑꦴꦥꦢꦮꦟ꧀ꦟꦤꦴ

ꦥꦲꦴꦫꦁ ꦢꦢꦺꦪ꧀ꦪꦴꦠꦶ ꦄꦤ꧀ꦠꦩꦱꦺꦴ ꦈꦥ꧀ꦥꦭꦥꦠ꧀ꦠꦁ ꦈꦥꦴꦢꦴꦪ ꦏꦴꦪꦏꦴꦪꦥ꧀ꦥꦛꦶꦧꦢ꧀ꦣꦤꦶꦱ꧀ꦱꦒ꧀ꦒꦶꦪꦴꦤꦁ ꦄꦚ꧀ꦚꦠꦫꦺꦤ ꦥꦲꦴꦫꦁ ꦢꦢꦺꦪ꧀ꦪ. ꦌꦮꦁ ꦥꦤ ꦥꦲꦴꦫꦺ ꦢꦶꦤ꧀ꦤꦺ ꦲꦠ꧀ꦡꦺꦴ ꦮꦴ ꦨꦶꦗ꧀ꦗꦠꦸ, ꦥꦴꦢꦺꦴ ꦮꦴ ꦱꦷꦱꦁ ꦮꦴ, ꦩꦫꦠꦸ ꦮꦴ, ꦥꦴꦕꦶꦠ꧀ꦠꦶꦪꦩꦺꦮ. ꦠꦺꦤꦴꦲ ‘‘ꦥꦲꦫꦶꦠꦸꦏꦴꦩꦠꦴꦪꦴ’’ꦠꦶꦄꦴꦢꦶ.

ꦄꦤꦸꦥꦱꦩ꧀ꦥꦤ꧀ꦤꦺꦠꦶ ꦒꦲꦛ꧀ꦜꦺ ꦮꦴ ꦥꦧ꧀ꦧꦗꦶꦠꦺ ꦮꦴ ꦆꦠ꧀ꦡꦶꦪꦴ ꦮꦴ ꦥꦸꦫꦶꦱꦺ ꦮꦴ ꦄꦤ꧀ꦠꦩꦱꦺꦴ ꦠꦶꦫꦕ꧀ꦖꦴꦤꦒꦠꦺꦥꦶ. ꦱꦕꦺ ꦥꦤ ꦫꦠ꧀ꦠꦕꦶꦠ꧀ꦠꦺꦴ ꦆꦠ꧀ꦡꦶꦁ ꦥꦲꦫꦠꦶ, ꦱꦔ꧀ꦓꦴꦢꦶꦱꦺꦱꦺꦴ. ꦏꦺꦤꦕꦶ ꦮꦶꦲꦺꦜꦶꦪꦩꦴꦤꦱ꧀ꦱꦴꦠꦶ ꦩꦤꦸꦱ꧀ꦱꦺꦤ ꦮꦴ ꦠꦶꦫꦕ꧀ꦖꦴꦤꦒꦠꦺꦤ ꦮꦴ ꦮꦶꦲꦺꦜꦶꦪꦩꦴꦤꦱ꧀ꦱ. ꦩꦺꦴꦏ꧀ꦑꦴꦣꦶꦥ꧀ꦥꦴꦪꦱ꧀ꦱꦴꦠꦶ ꦠꦠꦺꦴ ꦄꦠ꧀ꦠꦤꦺꦴ ꦩꦺꦴꦏ꧀ꦑꦁ ꦥꦠ꧀ꦡꦪꦩꦴꦤꦱ꧀ꦱ. ꦱꦕꦺꦥꦶ ꦄꦤ꧀ꦠꦫꦴꦩꦒ꧀ꦒꦺ (ꦥꦴꦕꦶ. ꦄꦛ꧀ꦜ. ꧔꧕꧓) ꦕꦺꦴꦫꦁ ꦮꦴ ꦥꦕ꧀ꦕꦠ꧀ꦡꦶꦏꦁ ꦮꦴ ꦮꦶꦲꦺꦜꦺꦠꦸꦏꦴꦩꦁ ꦢꦶꦱ꧀ꦮꦴ ‘‘ꦈꦥꦴꦱꦏ, ꦌꦠ꧀ꦡꦺꦮ ꦠꦶꦛ꧀ꦜ, ꦩꦴ ꦄꦴꦒꦩꦶꦠ꧀ꦡꦴ’’ꦠꦶ ꦮꦠ꧀ꦮꦴ ꦮꦕꦤꦁ ꦄꦤꦴꦢꦶꦪꦶꦠ꧀ꦮꦴ ꦄꦴꦒꦕ꧀ꦖꦤ꧀ꦠꦁ ‘‘ꦒꦕ꧀ꦖ ꦫꦺ’’ꦠꦶ ꦩꦸꦒ꧀ꦒꦫꦺꦤ ꦮꦴ ꦱꦠ꧀ꦡꦏꦺꦤ ꦮꦴ ꦥꦲꦫꦶꦠ꧀ꦮꦴ ꦪꦴꦠꦶ, ꦱꦺꦴ ꦕꦺ ꦠꦺꦤ ꦥꦲꦴꦫꦺꦤ ꦩꦫꦠꦶ, ꦄꦤꦴꦥꦠ꧀ꦠꦶꦪꦺꦮ. ꦮꦴꦭ꦳ꦩꦶꦒꦺꦱꦸꦥꦶ ꦌꦱꦺꦮ ꦤꦪꦺꦴ.

ꦥꦲꦴꦫꦱꦶꦏ꧀ꦑꦴꦥꦢꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.