꧑. ꦄꦕꦺꦭꦏꦱꦶꦏ꧀ꦑꦴꦥꦢꦮꦟ꧀ꦟꦤꦴ

ꦄꦕꦺꦭꦏꦮꦒ꧀ꦒꦱ꧀ꦱ ꦥꦜꦩꦺ ꦌꦠꦺꦱꦁ ꦄꦕꦺꦭꦏꦴꦢꦷꦤꦁ ꦄꦚ꧀ꦚꦠꦶꦠ꧀ꦡꦶꦪꦴꦤꦁ ꦪꦁꦏꦶꦚ꧀ꦕꦶ ꦄꦴꦩꦶꦱꦁ ꦌꦏꦥ꧀ꦥꦪꦺꦴꦒꦺꦤ ꦢꦺꦤ꧀ꦠꦱ꧀ꦱ ꦌꦏꦁ ꦥꦴꦕꦶꦠ꧀ꦠꦶꦪꦁ, ꦄꦮꦕ꧀ꦖꦶꦤ꧀ꦢꦶꦠ꧀ꦮꦴ ꦄꦮꦕ꧀ꦖꦶꦤ꧀ꦢꦶꦠ꧀ꦮꦴ ꦢꦺꦤ꧀ꦠꦱ꧀ꦱ ꦥꦪꦺꦴꦒꦺ ꦥꦪꦺꦴꦒꦺ ꦥꦴꦕꦶꦠ꧀ꦠꦶꦪꦁ.

ꦮꦺꦱꦴꦭꦶꦪꦁ ꦄꦴꦪꦱ꧀ꦩꦤ꧀ꦠꦁ ꦄꦴꦤꦤ꧀ꦢꦁ ꦄꦴꦫꦧ꧀ꦨ ꦥꦫꦶꦧ꧀ꦧꦴꦗꦶꦏꦴꦪ ꦢ꧀ꦮꦺ ꦥꦹꦮꦺ ꦢꦴꦤꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ, ꦄꦱꦴꦣꦴꦫꦟꦥꦚ꧀ꦚꦠ꧀ꦠꦶ, ꦄꦤꦴꦟꦠ꧀ꦠꦶꦏꦁ, ꦠꦶꦏꦥꦴꦕꦶꦠ꧀ꦠꦶꦪꦁ, ꦈꦢꦏꦢꦤ꧀ꦠꦥꦺꦴꦤꦁ ꦢꦺꦤ꧀ꦠꦱ꧀ꦱ, ꦄꦠꦶꦠ꧀ꦡꦶꦪꦺ ꦠꦶꦠ꧀ꦡꦶꦪꦱꦚ꧀ꦚꦶꦱ꧀ꦱ, ꦮꦺꦩꦠꦶꦏꦱ꧀ꦱ ꦕ ꦢꦸꦏ꧀ꦏꦛꦁ. ꦄꦠꦶꦠ꧀ꦡꦶꦪꦺ ꦄꦠꦶꦠ꧀ꦡꦶꦪꦱꦚ꧀ꦚꦶꦱ꧀ꦱ, ꦄꦤꦸꦥꦱꦩ꧀ꦥꦤ꧀ꦤꦺꦤ ꦢꦴꦥꦺꦤ꧀ꦠꦱ꧀ꦱ, ꦠꦺꦱꦁ ꦱꦤ꧀ꦠꦶꦏꦺ ꦨꦴꦗꦤꦁ ꦤꦶꦏ꧀ꦑꦶꦥꦶꦠ꧀ꦮꦴ ‘‘ꦆꦢꦁ ꦒꦟ꧀ꦲꦡꦴ’’ꦠꦶ ꦨꦟꦤ꧀ꦠꦱ꧀ꦱ, ꦠꦺꦱꦁ ꦮꦴ ꦤꦶꦏ꧀ꦑꦶꦠ꧀ꦠꦨꦴꦗꦤꦺ ꦢꦺꦤ꧀ꦠꦱ꧀ꦱ, ꦧꦴꦲꦶꦫꦭꦺꦥꦁ ꦢꦺꦤ꧀ꦠꦱ꧀ꦱ, ꦈꦩ꧀ꦩꦠ꧀ꦠꦏꦴꦢꦷꦤꦚ꧀ꦕ ꦄꦤꦴꦥꦠ꧀ꦠꦶ. ꦄꦚ꧀ꦚꦠꦶꦠ꧀ꦡꦶꦪꦠꦴ, ꦄꦤꦤꦸꦚ꧀ꦚꦴꦠꦠꦴ, ꦄꦗ꧀ꦙꦺꦴꦲꦫꦟꦷꦪꦁ ꦄꦗ꧀ꦙꦺꦴꦲꦫꦟꦠ꧀ꦡꦴꦪ ꦱꦲꦠ꧀ꦡꦴ ꦄꦤꦶꦏ꧀ꦑꦶꦠ꧀ꦠꦨꦴꦗꦤꦺ ꦢꦴꦤꦤ꧀ꦠꦶ ꦆꦩꦴꦤꦺꦠ꧀ꦡ ꦠꦷꦟꦶ ꦄꦔ꧀ꦒꦴꦤꦶ. ꦱꦩꦸꦛ꧀ꦜꦴꦤꦴꦢꦷꦤꦶ ꦌꦭ꦳ꦏꦭꦺꦴꦩꦱꦢꦶꦱꦴꦤꦷꦠꦶ.

ꦄꦕꦺꦭꦏꦱꦶꦏ꧀ꦑꦴꦥꦢꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.