꧔. ꦥꦮꦴꦫꦶꦠꦱꦶꦏ꧀ꦑꦴꦥꦢꦮꦟ꧀ꦟꦤꦴ

ꦕꦠꦸꦠ꧀ꦡꦺ ꦒꦟꦨꦺꦴꦗꦤꦺ ꦮꦸꦠ꧀ꦠꦤꦪꦺꦤ ꦤꦶꦩꦤ꧀ꦠꦶꦠꦴ, ꦥꦮꦴꦫꦟꦴꦱꦶꦏ꧀ꦑꦴꦥꦢꦺ ꦮꦸꦠ꧀ꦠꦤꦪꦺꦤ ꦥꦮꦴꦫꦶꦠꦴ ꦮꦺꦢꦶꦠꦧ꧀ꦧꦴ. ꦥꦴꦕꦶꦠ꧀ꦠꦶꦪꦤ꧀ꦠꦶ ꦠꦱ꧀ꦱꦴ ꦥꦸꦫꦺꦨꦠ꧀ꦠꦁ ꦜꦥꦺꦠ꧀ꦮꦴ ꦪꦴꦒꦸꦚ꧀ꦕꦺꦮ ꦱꦺꦱꦴꦤꦶ ꦕ ꦠꦷꦟꦶ ꦏꦴꦭꦶꦏꦴꦤꦶ ꦄꦚ꧀ꦚꦁ ꦪꦁꦏꦶꦚ꧀ꦕꦶ ꦄꦴꦩꦶꦱꦁ ꦄꦗ꧀ꦙꦺꦴꦲꦫꦟꦠ꧀ꦡꦴꦪ ꦥꦛꦶꦒ꧀ꦒꦟ꧀ꦲꦤ꧀ꦠꦶꦪꦴ ꦒꦲꦟꦺ ꦢꦸꦏ꧀ꦏꦛꦁ, ꦄꦗ꧀ꦙꦺꦴꦲꦴꦫꦺ ꦄꦗ꧀ꦙꦺꦴꦲꦴꦫꦺ ꦥꦴꦕꦶꦠ꧀ꦠꦶꦪꦁ.

ꦱꦴꦮꦠ꧀ꦡꦶꦪꦁ ꦱꦩ꧀ꦧꦲꦸꦭꦴ ꦨꦶꦏ꧀ꦑꦸꦤꦶꦪꦺꦴ ꦄꦴꦫꦧ꧀ꦨ ꦄꦚ꧀ꦚꦠ꧀ꦫ ꦨꦸꦚ꧀ꦗꦤꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ, ꦠꦷꦟꦶ ꦏꦴꦭꦶꦏꦴꦤꦶ ꦄꦴꦲꦴꦫꦠ꧀ꦡꦴꦪ ꦥꦛꦶꦒ꧀ꦒꦟ꧀ꦲꦤ꧀ꦠꦶꦪꦴꦥꦶ ꦄꦗ꧀ꦙꦺꦴꦲꦫꦤ꧀ꦠꦶꦪꦴꦥꦶ ꦢꦸꦏ꧀ꦏꦛꦁ. ꦪꦴ ꦥꦤ ꦤꦶꦩꦤ꧀ꦠꦶꦠꦴ ꦄꦥ꧀ꦥꦮꦴꦫꦶꦠꦴ ꦪꦴꦒꦸꦁ ꦥꦶꦮꦠꦶ, ꦱꦴꦩꦶꦏꦺ ꦄꦥꦭꦺꦴꦏꦺꦠ꧀ꦮꦴ ꦨꦸꦚ꧀ꦗꦠꦶ, ꦠꦷꦟꦶ ꦏꦴꦭꦶꦏꦴꦤꦶ ꦱꦠꦶ ꦥꦕ꧀ꦕꦪꦺ ꦥꦫꦶꦨꦸꦚ꧀ꦗꦠꦶ, ꦠꦱ꧀ꦱꦴ, ꦈꦩ꧀ꦩꦠ꧀ꦠꦶꦏꦴꦢꦷꦤꦚ꧀ꦕ ꦄꦤꦴꦥꦠ꧀ꦠꦶ. ꦤꦶꦩꦤ꧀ꦠꦶꦠꦴ ꦮꦴ ꦥꦮꦴꦫꦶꦠꦴ ꦮꦴ ꦠꦁ ꦈꦨꦪꦁ ꦮꦴ, ꦥꦸꦫꦺꦨꦠ꧀ꦠꦁ ꦮꦸꦠ꧀ꦠꦭꦏ꧀ꦑꦟꦱ꧀ꦱ ꦄꦴꦩꦶꦱꦱ꧀ꦱ ꦄꦗ꧀ꦙꦺꦴꦲꦴꦫꦺꦴ, ꦱꦴꦩꦶꦏꦴꦤꦁ ꦄꦤꦴꦥꦸꦕ꧀ꦖꦤꦤ꧀ꦠꦶ ꦆꦩꦴꦤꦺꦠ꧀ꦡ ꦠꦷꦟꦶ ꦄꦔ꧀ꦒꦴꦤꦶ. ꦄꦢ꧀ꦣꦴꦤꦱꦩꦸꦛ꧀ꦜꦴꦤꦁ, ꦤꦶꦩꦤ꧀ꦠꦶꦠꦴꦪ ꦄꦤꦴꦥꦸꦕ꧀ꦖꦴ ꦨꦸꦚ꧀ꦗꦤ꧀ꦠꦶꦪꦴ ꦄꦴꦥꦠ꧀ꦠꦶꦱꦩ꧀ꦨꦮꦠꦺꦴ ꦱꦶꦪꦴ ꦏꦶꦫꦶꦪꦴꦏꦶꦫꦶꦪꦁ, ꦥꦮꦴꦫꦶꦠꦴꦪ ꦏꦥ꧀ꦥꦶꦪꦁ ꦏꦴꦫꦺꦠ꧀ꦮꦴꦥꦶ ꦄꦏꦴꦫꦺꦠ꧀ꦮꦴꦥꦶ ꦥꦫꦶꦨꦸꦚ꧀ꦗꦤ꧀ꦠꦶꦪꦴ ꦄꦴꦥꦠ꧀ꦠꦶꦱꦩ꧀ꦨꦮꦠꦺꦴ ꦱꦶꦪꦴ ꦏꦶꦫꦶꦪꦁ, ꦤꦺꦴꦱꦚ꧀ꦚꦴꦮꦶꦩꦺꦴꦏ꧀ꦑꦁ, ꦄꦕꦶꦠ꧀ꦠꦏꦁ, ꦥꦟ꧀ꦟꦠ꧀ꦠꦶꦮꦗ꧀ꦗꦁ ꦏꦴꦪꦏꦩ꧀ꦩꦁ, ꦮꦕꦷꦏꦩ꧀ꦩꦁ, ꦠꦶꦕꦶꦠ꧀ꦠꦁ, ꦠꦶꦮꦺꦢꦤꦤ꧀ꦠꦶ.

ꦥꦮꦴꦫꦶꦠꦱꦶꦏ꧀ꦑꦴꦥꦢꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.