꧑. ꦱꦸꦠ꧀ꦠꦤ꧀ꦠꦨꦴꦗꦤꦷꦪꦮꦟ꧀ꦟꦤꦴ

꧖꧔꧒. ꦱꦧ꧀ꦧꦣꦷꦠꦶ ꦢꦶꦱꦴꦢꦺꦱꦺꦴꦣꦶꦤꦴ ꦄꦤꦺꦴꦣꦶꦱꦺꦴꦦꦫꦟꦁ ꦮꦸꦠ꧀ꦠꦁ, ꦱꦧ꧀ꦧꦠ꧀ꦠꦠꦴꦪ ꦱꦧ꧀ꦧꦴꦮꦤ꧀ꦠꦤ꧀ꦠꦶ ꦱꦠ꧀ꦠꦺꦴꦣꦶꦤꦴ. ꦠꦺꦤꦴꦲ ‘‘ꦄꦤꦺꦴꦣꦶꦱꦺꦴ ꦢꦱ꧀ꦱꦤꦠ꧀ꦡ’’ꦤ꧀ꦠꦶ. ꦠꦡꦴ-ꦱꦢ꧀ꦢꦺꦴ ꦆꦠꦶ-ꦱꦢ꧀ꦢꦺꦴ ꦮꦴ ꦤ ꦮꦸꦠ꧀ꦠꦺꦴꦠꦶ ‘‘ꦩꦺꦠ꧀ꦠꦴꦱꦲꦒꦠꦺꦤ ꦕꦺꦠꦱꦴ’’ꦠꦶ ꦌꦠꦱ꧀ꦱ ꦄꦤꦸꦮꦠ꧀ꦠꦏꦁ ꦠꦁ ꦢ꧀ꦮꦪꦁ ꦠꦱ꧀ꦱ ꦦꦫꦟꦤ꧀ꦠꦫꦴꦢꦶꦛ꧀ꦜꦴꦤꦁ ꦄꦛ꧀ꦜꦴꦤꦤ꧀ꦠꦶ ꦏꦠ꧀ꦮꦴ ꦤ ꦮꦸꦠ꧀ꦠꦁ, ꦥꦸꦤ ‘‘ꦩꦺꦠ꧀ꦠꦴꦱꦲꦒꦠꦺꦤ ꦕꦺꦠꦱꦴ’’ꦠꦶ ꦮꦸꦠ꧀ꦠꦤ꧀ꦠꦶ ꦄꦠ꧀ꦡꦺꦴ.

꧖꧔꧓. ꦲꦶꦫꦺꦴꦠ꧀ꦠꦥ꧀ꦥꦴꦤꦸꦥꦴꦭꦶꦠꦴ ꦩꦺꦠ꧀ꦠꦴ ꦤ ꦥꦫꦶꦲꦴꦪꦠꦶ ꦄꦴꦱꦤ꧀ꦤꦱꦥꦠ꧀ꦠꦱ꧀ꦱ ꦫꦴꦒꦱ꧀ꦱ ꦱꦶꦤꦺꦲꦱ꧀ꦱ ꦕ ꦮꦶꦥꦠ꧀ꦠꦶꦪꦴ ꦄꦤꦸꦥ꧀ꦥꦠ꧀ꦠꦶꦠꦺꦴꦠꦶ ꦄꦣꦶꦥ꧀ꦥꦴꦪꦺꦴ.

꧖꧔꧕. ꦄꦣꦶꦩꦸꦚ꧀ꦕꦶꦠ꧀ꦮꦴꦠꦶ ꦱꦸꦛ꧀ꦜꦸ ꦥꦱꦴꦫꦺꦠ꧀ꦮꦴꦠꦶ ꦄꦠ꧀ꦡꦺꦴ. ꦠꦁ ꦢꦱ꧀ꦱꦺꦤ꧀ꦠꦺꦴ ‘‘ꦄꦣꦶꦏꦨꦴꦮꦺꦤꦴ’’ꦠꦶꦄꦴꦢꦶꦩꦴꦲ, ꦧꦭꦮꦠꦴ ꦮꦴ ꦄꦣꦶꦩꦺꦴꦏ꧀ꦑꦺꦤ ꦄꦣꦶꦩꦸꦕ꧀ꦕꦶꦠ꧀ꦮꦴ.

꧖꧔꧘. ꦲꦺꦛ꧀ꦜꦴ ꦮꦸꦠ꧀ꦠꦺꦴꦪꦺꦮꦴꦠꦶ ‘‘ꦱꦧ꧀ꦧꦺꦤ ꦱꦧ꧀ꦧꦁ ꦱꦧ꧀ꦧꦡꦴ ꦱꦧ꧀ꦧ’’ꦤ꧀ꦠꦶ ꦌꦠꦺꦱꦁ ‘‘ꦱꦧ꧀ꦧꦺꦤ ꦱꦶꦏ꧀ꦑꦴꦱꦩꦴꦢꦴꦤꦺꦤ ꦱꦧ꧀ꦧꦁ ꦱꦶꦏ꧀ꦑꦁ, ꦱꦧ꧀ꦧꦺꦤ ꦱꦶꦏ꧀ꦑꦶꦠꦧ꧀ꦧꦴꦏꦴꦫꦺꦤ ꦱꦧ꧀ꦧꦁ ꦱꦶꦏ꧀ꦑ’’ꦤ꧀ꦠꦶ ꦕ ꦙꦴꦤꦮꦶꦨꦔ꧀ꦒꦺ (ꦮꦶꦨ. ꦄꦛ꧀ꦜ. ꧕꧑꧖) ꦄꦠ꧀ꦡꦺꦴ ꦮꦸꦠ꧀ꦠꦺꦴ. ꦆꦣ ꦥꦤ ꦱꦧ꧀ꦧꦺꦤ ꦄꦮꦣꦶꦤꦴ ꦄꦠ꧀ꦠꦱꦩꦠꦴꦪ ꦱꦧ꧀ꦧꦱꦠ꧀ꦠꦪꦸꦠ꧀ꦠꦠꦴꦪ ꦕ ꦱꦧ꧀ꦧꦁ ꦭꦺꦴꦏꦁ, ꦱꦧ꧀ꦧꦴꦮꦣꦶꦢꦶꦱꦴꦢꦶꦦꦫꦟꦴꦏꦴꦫꦺꦲꦶ ꦱꦧ꧀ꦧꦁ ꦭꦺꦴꦏꦤ꧀ꦠꦶ ꦕ ꦄꦠ꧀ꦡꦺꦴ ꦪꦸꦗ꧀ꦗꦠꦶ.

꧖꧕꧐. ꦥꦕ꧀ꦕꦠ꧀ꦡꦶꦏꦮꦶꦓꦴꦠꦮꦱꦺꦤꦴꦠꦶ ꦩꦺꦠ꧀ꦠꦴꦢꦷꦤꦁ ꦄꦴꦱꦤ꧀ꦤꦢꦹꦫꦥꦕ꧀ꦕꦠ꧀ꦡꦶꦏꦴꦤꦁ ꦫꦴꦒꦧ꧀ꦪꦴꦥꦴꦢꦴꦢꦷꦤꦁ ꦮꦶꦓꦴꦠꦮꦱꦺꦤ. ꦪꦁ ꦄꦥ꧀ꦥꦩꦴꦟꦁ, ꦱꦺꦴ ꦄꦮꦺꦫꦺꦴꦠꦶ ꦱꦺꦴ ꦄꦮꦺꦫꦨꦴꦮꦺꦴꦠꦶ ꦄꦪꦁ ꦮꦴ ꦠꦱ꧀ꦱ ꦄꦠ꧀ꦡꦺꦴꦠꦶ.

꧖꧕꧓. ꦤꦶꦫꦪꦴꦢꦶ ꦒꦠꦶ, ꦕꦟ꧀ꦝꦴꦭꦴꦢꦶ ꦏꦸꦭꦁ, ꦄꦤ꧀ꦤꦴꦢꦷꦤꦁ ꦄꦭꦴꦨꦶꦠꦴ ꦨꦺꦴꦒꦺꦴ. ꦄꦴꦢꦶ-ꦱꦢ꧀ꦢꦺꦤ ꦢꦸꦧ꧀ꦧꦟ꧀ꦟꦠꦴꦢꦶ ꦒꦲꦶꦠꦁ.

ꦱꦸꦠ꧀ꦠꦤ꧀ꦠꦨꦴꦗꦤꦷꦪꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.