꧔-꧕. ꦱꦠ꧀ꦠꦴꦮꦴꦱꦱꦸꦠ꧀ꦠꦴꦢꦶꦮꦟ꧀ꦟꦤꦴ

꧒꧔-꧒꧕. ꦕꦠꦸꦠ꧀ꦡꦺ ꦱꦠ꧀ꦠꦴ ꦄꦴꦮꦱꦤ꧀ꦠꦶ ꦌꦠꦺꦱꦹꦠꦶ ꦱꦠ꧀ꦠꦴꦮꦴꦱꦴ, ꦤꦴꦤꦠ꧀ꦠꦱꦚ꧀ꦚꦶꦄꦴꦢꦶꦨꦺꦢꦴ ꦱꦠ꧀ꦠꦤꦶꦏꦴꦪꦴ. ꦪꦱ꧀ꦩꦴ ꦠꦺ ꦠꦺ ꦱꦠ꧀ꦠꦤꦶꦮꦴꦱꦴ ꦠꦥ꧀ꦥꦫꦶꦪꦴꦥꦤ꧀ꦤꦴꦤꦁ ꦱꦠ꧀ꦠꦴꦤꦁ ꦠꦴꦪ ꦌꦮ ꦠꦥ꧀ꦥꦫꦶꦪꦴꦥꦤ꧀ꦤꦠꦴꦪ ꦄꦴꦣꦴꦫꦺꦴ ꦮꦶꦪ ꦮꦠ꧀ꦠꦧ꧀ꦧꦠꦁ ꦄꦫꦲꦤ꧀ꦠꦶ. ꦱꦩꦸꦢꦴꦪꦴꦕꦴꦫꦺꦴ ꦲꦶ ꦄꦮꦪꦮꦱ꧀ꦱ ꦪꦡꦴ ‘‘ꦫꦸꦏ꧀ꦑꦺ ꦱꦴꦑꦴ’’ꦠꦶ, ꦠꦱ꧀ꦩꦴ ‘‘ꦱꦠ꧀ꦠꦴꦤꦁ ꦄꦴꦮꦴꦱꦴ, ꦮꦱꦤꦛ꧀ꦜꦴꦤꦴꦤꦷꦠꦶ ꦄꦠ꧀ꦡꦺꦴ’’ꦠꦶ ꦮꦸꦠ꧀ꦠꦁ. ꦱꦸꦢ꧀ꦣꦴꦮꦴꦱꦴꦥꦶ ꦱꦠ꧀ꦠꦴꦮꦴꦱꦺꦴꦮ ‘‘ꦤ ꦱꦺꦴ, ꦨꦶꦏ꧀ꦑꦮꦺ, ꦱꦠ꧀ꦠꦴꦮꦴꦱꦺꦴ ꦱꦸꦭꦨꦫꦹꦥꦺꦴ, ꦪꦺꦴ ꦩꦪꦴ ꦄꦤꦴꦮꦸꦠ꧀ꦡꦥꦸꦧ꧀ꦧꦺꦴ ꦆꦩꦶꦤꦴ ꦢꦷꦓꦺꦤ ꦄꦢ꧀ꦣꦸꦤꦴ ꦄꦚ꧀ꦚꦠ꧀ꦫ ꦱꦸꦢ꧀ꦣꦴꦮꦴꦱꦺꦲꦶ ꦢꦺꦮꦺꦲꦷ’’ꦠꦶ (ꦢꦷ. ꦤꦶ. ꧒.꧙꧑) ꦮꦕꦤꦠꦺꦴ. ꦪꦢꦶ ꦌꦮꦁ ꦠꦺ ꦏꦱ꧀ꦩꦴ ꦆꦣ ꦤ ꦒꦲꦶꦠꦴꦠꦶ ꦠꦠ꧀ꦡ ꦏꦴꦫꦟꦩꦴꦲ ‘‘ꦄꦱꦧ꧀ꦧꦏꦴꦭꦶꦏꦠ꧀ꦠꦴ’’ꦠꦶꦄꦴꦢꦶ. ꦮꦺꦲꦥ꧀ꦦꦭꦴ ꦥꦤ ꦕꦠꦸꦠ꧀ꦡꦺꦪꦺꦮ ꦱꦠ꧀ꦠꦴꦮꦴꦱꦺ ꦨꦗꦤ꧀ꦠꦷꦠꦶ ꦢꦛ꧀ꦜꦧ꧀ꦧꦁ. ꦥꦚ꧀ꦕꦩꦁ ꦈꦠ꧀ꦠꦴꦤꦩꦺꦮ.

ꦱꦠ꧀ꦠꦴꦮꦴꦱꦱꦸꦠ꧀ꦠꦴꦢꦶꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.