꧘. ꦱꦢ꧀ꦣꦱꦸꦠ꧀ꦠꦮꦟ꧀ꦟꦤꦴ

꧓꧘. ꦄꦛ꧀ꦜꦩꦺ ꦄꦤꦸꦏꦩ꧀ꦥꦤ꧀ꦠꦷꦠꦶ ‘‘ꦱꦧ꧀ꦧꦺ ꦱꦠ꧀ꦠꦴ ꦱꦸꦑꦷ ꦲꦺꦴꦤ꧀ꦠꦸ ꦄꦮꦺꦫꦴ ꦄꦧ꧀ꦪꦴꦥꦗ꧀ꦗꦴ’’ꦠꦶ ꦌꦮꦁ ꦲꦶꦠꦦꦫꦟꦺꦤ ꦄꦤꦸꦒ꧀ꦒꦟ꧀ꦲꦤ꧀ꦠꦶ. ꦄꦥꦶꦕ ꦈꦥꦛ꧀ꦜꦴꦏꦴꦤꦁ ꦒꦺꦲꦁ ꦄꦚ꧀ꦚꦺ ꦱꦷꦭꦮꦤ꧀ꦠꦺ ꦱꦧ꧀ꦫꦲ꧀ꦩꦕꦴꦫꦶꦤꦺꦴ ꦒꦲꦺꦠ꧀ꦮꦴ ꦥꦮꦶꦱꦤ꧀ꦠꦴꦥꦶ ꦄꦤꦸꦒ꧀ꦒꦟ꧀ꦲꦤ꧀ꦠꦶ ꦤꦴꦩ. ꦤꦷꦕꦮꦸꦠ꧀ꦠꦶꦤ꧀ꦠꦶ ꦥꦟꦶꦥꦴꦠꦱꦷꦭꦁ. ꦏꦺꦴꦣꦩꦴꦤꦡꦢ꧀ꦣꦠꦴꦪ ꦫꦲꦶꦠꦤ꧀ꦠꦶ ꦏꦺꦴꦣꦩꦴꦤꦮꦱꦺꦤ ꦈꦥ꧀ꦥꦤ꧀ꦤꦺꦴ ꦪꦺꦴ ꦡꦢ꧀ꦣꦨꦴꦮꦺꦴ ꦕꦶꦠ꧀ꦠꦱ꧀ꦱ ꦈꦢ꧀ꦣꦸꦩꦴꦠꦭꦏ꧀ꦑꦟꦺꦴ, ꦠꦺꦤ ꦮꦶꦫꦲꦶꦠꦤ꧀ꦠꦶ ꦄꦠ꧀ꦡꦺꦴ. ꦱꦺꦴꦫꦕ꧀ꦕꦺꦤꦴꦠꦶ ‘‘ꦠꦠ꧀ꦡ ꦏꦠꦩꦁ ꦱꦺꦴꦫꦕ꧀ꦕꦁ? ꦪꦺꦴ ꦏꦴꦪꦶꦏꦺꦴ ꦄꦮꦷꦠꦶꦏ꧀ꦏꦩꦺꦴ, ꦮꦴꦕꦱꦶꦏꦺꦴ ꦄꦮꦷꦠꦶꦏ꧀ꦏꦩꦺꦴ, ꦏꦴꦪꦶꦏꦮꦴꦕꦱꦶꦏꦺꦴ ꦄꦮꦷꦠꦶꦏ꧀ꦏꦩꦺꦴ, ꦆꦢꦁ ꦮꦸꦕ꧀ꦕꦠꦶ ꦱꦺꦴꦫꦕ꧀ꦕꦁ. ꦱꦧ꧀ꦧꦺꦴꦥꦶ ꦱꦷꦭꦱꦁꦮꦫꦺꦴ ꦱꦺꦴꦫꦕ꧀ꦕ’’ꦤ꧀ꦠꦶ ꦌꦮꦩꦴꦒꦠꦺꦤ ꦱꦷꦭꦱꦁꦮꦫꦱꦔ꧀ꦑꦴꦠꦺꦤ ꦱꦺꦴꦫꦠꦨꦴꦮꦺꦤ. ꦱꦑꦶꦭꦤ꧀ꦠꦶ ‘‘ꦠꦠ꧀ꦡ ꦏꦠꦩꦁ ꦱꦴꦑꦭ꧀ꦪꦁ? ꦪꦴ ꦱꦴ ꦮꦴꦕꦴ ꦡꦢ꧀ꦣꦏꦴ ꦏꦏ꧀ꦏꦱꦴ ꦦꦫꦸꦱꦴ ꦏꦛꦸꦏꦴ ꦄꦨꦶꦱꦗ꧀ꦗꦤꦷ ꦏꦺꦴꦣꦱꦴꦩꦤ꧀ꦠꦴ ꦄꦱꦩꦴꦣꦶꦱꦁꦮꦠ꧀ꦠꦤꦶꦏꦴ, ꦠꦡꦴꦫꦹꦥꦶꦁ ꦮꦴꦕꦁ ꦥꦲꦴꦪ ꦪꦴ ꦱꦴ ꦮꦴꦕꦴ ꦤꦺꦭꦴ ꦏꦟ꧀ꦟꦱꦸꦑꦴ ꦥꦺꦩꦤꦷꦪꦴ ꦲꦢꦪꦔ꧀ꦒꦩꦴ ꦥꦺꦴꦫꦷ ꦧꦲꦸꦗꦤꦏꦤ꧀ꦠꦴ ꦧꦲꦸꦗꦤꦩꦤꦴꦥꦴ, ꦠꦡꦴꦫꦹꦥꦶꦁ ꦮꦴꦕꦁ ꦨꦴꦱꦶꦠꦴ ꦲꦺꦴꦠꦶ. ꦪꦴ ꦠꦠ꧀ꦡ ꦱꦟ꧀ꦲꦮꦴꦕꦠꦴ ꦱꦑꦶꦭꦮꦴꦕꦠꦴ ꦄꦦꦫꦸꦱꦮꦴꦕꦠꦴ, ꦆꦢꦁ ꦮꦸꦕ꧀ꦕꦠꦶ ꦱꦴꦑꦭ꧀ꦪ’’ꦤ꧀ꦠꦶ (ꦣ. ꦱ. ꧑꧓꧕꧐) ꦌꦮꦁ ꦮꦸꦠ꧀ꦠꦺꦤ ꦱꦩ꧀ꦩꦺꦴꦢꦏꦩꦸꦢꦸꦨꦴꦮꦺꦤ ꦱꦩꦤ꧀ꦤꦴꦒꦠꦁ. ꦠꦺꦤꦴꦲ ‘‘ꦱꦑꦶꦭꦤ꧀ꦠꦶ ꦱꦩ꧀ꦩꦺꦴꦢꦏ’’ꦤ꧀ꦠꦶ.

ꦱꦢ꧀ꦣꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.