꧙. ꦒꦶꦲꦶꦱꦸꦠ꧀ꦠꦮꦟ꧀ꦟꦤꦴ

꧑꧗꧙. ꦤꦮꦩꦺ ꦄꦴꦨꦶꦕꦺꦠꦱꦶꦏꦴꦤꦤ꧀ꦠꦶ ꦄꦨꦶꦕꦺꦠꦺꦴꦠꦶ ꦄꦨꦶꦏ꧀ꦏꦤ꧀ꦠꦁ ꦮꦶꦱꦸꦢ꧀ꦣꦕꦶꦠ꧀ꦠꦁ ꦮꦸꦕ꧀ꦕꦠꦶ ꦄꦣꦶꦕꦶꦠ꧀ꦠꦁ ꦮꦴ, ꦄꦨꦶꦕꦺꦠꦱꦶ ꦗꦴꦠꦴꦤꦶ ꦄꦴꦨꦶꦕꦺꦠꦱꦶꦏꦴꦤꦶ, ꦄꦨꦶꦕꦺꦠꦺꦴ ꦱꦤ꧀ꦤꦶꦱ꧀ꦱꦶꦠꦴꦤꦷꦠꦶ ꦮꦴ ꦄꦴꦨꦶꦕꦺꦠꦱꦶꦏꦴꦤꦶ. ꦠꦺꦤꦺꦮꦴꦲ ‘‘ꦈꦠ꧀ꦠꦩꦕꦶꦠ꧀ꦠꦤꦶꦱ꧀ꦱꦶꦠꦴꦤ’’ꦤ꧀ꦠꦶ. ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦴꦤꦤ꧀ꦠꦶ ꦢꦶꦛ꧀ꦜꦣꦩ꧀ꦩꦺ ꦱꦸꦑꦮꦶꦲꦴꦫꦴꦤꦁ. ꦢꦶꦛ꧀ꦜꦣꦩ꧀ꦩꦺꦴꦠꦶ ꦥꦕ꧀ꦕꦏ꧀ꦑꦺꦴ ꦄꦠ꧀ꦠꦨꦴꦮꦺꦴ ꦮꦸꦕ꧀ꦕꦠꦶ, ꦠꦠ꧀ꦡ ꦱꦸꦑꦮꦶꦲꦴꦫꦴꦤꦤ꧀ꦠꦶ ꦄꦠ꧀ꦡꦺꦴ. ꦫꦹꦥꦴꦮꦕꦫꦗ꧀ꦙꦴꦤꦴꦤꦩꦺꦠꦁ ꦄꦣꦶꦮꦕꦤꦁ. ꦠꦴꦤꦶ ꦲꦶ ꦄꦥ꧀ꦥꦺꦠ꧀ꦮꦴ ꦤꦶꦱꦶꦤ꧀ꦤꦴ ꦙꦴꦪꦶꦤꦺꦴ ꦆꦩꦱ꧀ꦩꦶꦁꦪꦺꦮ ꦄꦠ꧀ꦠꦨꦴꦮꦺ ꦄꦱꦁꦏꦶꦭꦶꦛ꧀ꦜꦁ ꦤꦺꦏ꧀ꦑꦩ꧀ꦩꦱꦸꦑꦁ ꦮꦶꦤ꧀ꦢꦤ꧀ꦠꦶ, ꦠꦱ꧀ꦩꦴ ‘‘ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦴꦤꦷ’’ꦠꦶ ꦮꦸꦕ꧀ꦕꦤ꧀ꦠꦶ.

ꦕꦠꦸꦧ꧀ꦧꦶꦣꦩꦺꦫꦪꦤ꧀ꦠꦶ ꦥꦸꦥ꧀ꦦꦴꦱꦮꦺꦴ, ꦦꦭꦴꦱꦮꦺꦴ, ꦒꦸꦭ꦳ꦴꦱꦮꦺꦴ, ꦩꦣ꧀ꦮꦴꦱꦮꦺꦴꦠꦶ ꦌꦮꦁ ꦕꦠꦸꦥ꧀ꦥꦨꦺꦢꦁ ꦩꦺꦫꦪꦁ. ꦥꦚ꧀ꦕꦮꦶꦣꦚ꧀ꦕ ꦱꦸꦫꦤ꧀ꦠꦶ ꦥꦹꦮꦱꦸꦫꦴ, ꦥꦶꦛ꧀ꦜꦱꦸꦫꦴ, ꦎꦢꦤꦱꦸꦫꦴ, ꦏꦶꦟ꧀ꦟꦥꦏ꧀ꦑꦶꦠ꧀ꦠꦴ, ꦱꦩ꧀ꦨꦴꦫꦱꦁꦪꦸꦠ꧀ꦠꦴꦠꦶ ꦌꦮꦁ ꦥꦚ꧀ꦕꦥ꧀ꦥꦨꦺꦢꦁ ꦱꦸꦫꦁ. ꦥꦸꦚ꧀ꦚꦁ ꦄꦠ꧀ꦡꦺꦴ ꦌꦠꦱ꧀ꦱꦴꦠꦶ ꦥꦸꦚ꧀ꦚꦠ꧀ꦡꦺꦴ. ꦪꦱ꧀ꦩꦴ ꦥꦤꦺꦱ ꦥꦸꦚ꧀ꦚꦺꦤ ꦄꦠ꧀ꦡꦶꦏꦺꦴ ꦤꦴꦩ ꦲꦺꦴꦠꦶ, ꦠꦱ꧀ꦩꦴ ꦮꦸꦠ꧀ꦠꦁ ‘‘ꦥꦸꦚ꧀ꦚꦺꦤ ꦄꦠ꧀ꦡꦶꦏꦱ꧀ꦱꦴ’’ꦠꦶ. ꦱꦺꦱꦩꦺꦠ꧀ꦡ ꦈꦠ꧀ꦠꦴꦤꦩꦺꦮ.

ꦒꦶꦲꦶꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.