꧕-꧑꧓. ꦩꦕ꧀ꦖꦫꦶꦤꦷꦱꦸꦠ꧀ꦠꦴꦢꦶꦮꦟ꧀ꦟꦤꦴ

꧑꧑꧕-꧑꧒꧓. ꦥꦚ꧀ꦕꦩꦺ ꦄꦴꦮꦴꦱꦩꦕ꧀ꦖꦫꦶꦪꦴꦢꦷꦤꦶ ꦥꦚ꧀ꦕ ꦆꦣ ꦨꦶꦏ꧀ꦑꦸꦤꦶꦪꦴ ꦮꦱꦺꦤ ꦄꦴꦒꦠꦴꦤꦶ, ꦨꦶꦏ꧀ꦑꦸꦱ꧀ꦱ ꦮꦱꦺꦤꦥꦶ ꦠꦴꦤꦶ ꦮꦺꦢꦶꦠꦧ꧀ꦧꦴꦤꦶ. ꦄꦴꦮꦴꦱꦩꦕ꧀ꦖꦫꦶꦪꦺꦤ ꦲꦶ ꦱꦩꦤ꧀ꦤꦴꦒꦠꦺꦴ ꦨꦶꦏ꧀ꦑꦸ ꦄꦴꦒꦤ꧀ꦠꦸꦏꦁ ꦢꦶꦱ꧀ꦮꦴ ‘‘ꦌꦠ꧀ꦡ ꦕꦺꦠꦶꦪꦱ꧀ꦱ ꦮꦴ ꦱꦔ꧀ꦓꦱ꧀ꦱ ꦮꦴ ꦥꦫꦶꦏ꧀ꦑꦴꦫꦺꦴ ꦜꦥꦶꦠꦺꦴ’’ꦠꦶꦄꦴꦢꦷꦤꦶ ꦮꦠ꧀ꦮꦴ ꦱꦔ꧀ꦓꦶꦏꦄꦴꦮꦴꦱꦁ ꦤ ꦢꦺꦠꦶ. ꦏꦸꦭꦩꦕ꧀ꦖꦫꦶꦪꦺꦤ ꦱꦩꦤ꧀ꦤꦴꦒꦠꦺꦴ ꦨꦶꦏ꧀ꦑꦸ ꦠꦺꦲꦶ ꦠꦺꦲꦶ ꦏꦴꦫꦟꦺꦲꦶ ꦄꦴꦢꦷꦤꦮꦁ ꦢꦱ꧀ꦱꦺꦠ꧀ꦮꦴ ꦄꦠ꧀ꦠꦤꦺꦴ ꦈꦥꦛ꧀ꦜꦴꦏꦺ ꦏꦸꦭꦺ ꦄꦚ꧀ꦚꦺꦱꦁ ꦥꦮꦺꦱꦩ꧀ꦥꦶ ꦤꦶꦮꦴꦫꦺꦠꦶ. ꦭꦴꦨꦩꦕ꧀ꦖꦫꦶꦪꦺꦤ ꦱꦩꦤ꧀ꦤꦴꦒꦠꦺꦴ ꦱꦔ꧀ꦓꦶꦏꦩ꧀ꦥꦶ ꦭꦴꦨꦁ ꦩꦕ꧀ꦖꦫꦴꦪꦤ꧀ꦠꦺꦴ ꦪꦡꦴ ꦄꦚ꧀ꦚꦺ ꦤ ꦭꦨꦤ꧀ꦠꦶ, ꦌꦮꦁ ꦏꦫꦺꦴꦠꦶ ꦄꦠ꧀ꦠꦤꦴ ꦮꦶꦱꦩꦤꦶꦱ꧀ꦱꦶꦠꦠꦴꦪ ꦧꦭꦮꦤꦶꦱ꧀ꦱꦶꦠꦠꦴꦪ ꦕ. ꦮꦟ꧀ꦟꦩꦕ꧀ꦖꦫꦶꦪꦺꦤ ꦱꦩꦤ꧀ꦤꦴꦒꦠꦺꦴ ꦄꦠ꧀ꦠꦤꦺꦴ ꦮꦟ꧀ꦟꦁ ꦮꦟ꧀ꦟꦺꦠꦶ, ꦥꦫꦺꦱꦁ ꦮꦟ꧀ꦟꦺ ‘‘ꦏꦶꦁ ꦮꦟ꧀ꦟꦺꦴ ꦌꦱꦺꦴ’’ꦠꦶ ꦠꦁ ꦠꦁ ꦢꦺꦴꦱꦁ ꦮꦢꦠꦶ. ꦮꦟ꧀ꦟꦺꦴꦠꦶ ꦕꦺꦠ꧀ꦡ ꦱꦫꦷꦫꦮꦟ꧀ꦟꦺꦴꦥꦶ, ꦒꦸꦟꦮꦟ꧀ꦟꦺꦴꦥꦶ ꦮꦺꦢꦶꦠꦧ꧀ꦧꦺꦴ.

ꦣꦩ꧀ꦩꦩꦕ꧀ꦖꦫꦶꦪꦺꦤ ꦱꦩꦤ꧀ꦤꦴꦒꦠꦺꦴ – ‘‘ꦆꦩꦁ ꦣꦩ꧀ꦩꦁ ꦥꦫꦶꦪꦴꦥꦸꦟꦶꦠ꧀ꦮꦴ ꦌꦱꦺꦴ ꦩꦁ ꦄꦨꦶꦨꦮꦶꦱ꧀ꦱꦠꦷ’’ꦠꦶ ꦄꦚ꧀ꦚꦱ꧀ꦱ ꦤ ꦢꦺꦠꦶ. ꦪꦺꦴ ꦥꦤ – ‘‘ꦄꦪꦁ ꦆꦩꦁ ꦣꦩ꧀ꦩꦁ ꦈꦒ꧀ꦒꦲꦺꦠ꧀ꦮꦴ ꦄꦚ꧀ꦚꦡꦴ ꦄꦠ꧀ꦡꦁ ꦮꦶꦥꦫꦶꦮꦠ꧀ꦠꦺꦠ꧀ꦮꦴ ꦤꦴꦱꦺꦱ꧀ꦱꦠꦷ’’ꦠꦶ ꦣꦩ꧀ꦩꦤꦸꦒ꧀ꦒꦲꦺꦤ ꦮꦴ – ‘‘ꦄꦪꦁ ꦆꦩꦁ ꦣꦩ꧀ꦩꦁ ꦈꦒ꧀ꦒꦲꦺꦠ꧀ꦮꦴ ꦈꦢ꧀ꦣꦠꦺꦴ ꦈꦤ꧀ꦤꦭ꦳ꦺꦴ ꦄꦮꦹꦥꦱꦤ꧀ꦠꦕꦶꦠ꧀ꦠꦺꦴ ꦄꦥꦸꦚ꧀ꦚꦁ ꦥꦱꦮꦶꦱ꧀ꦱꦠꦷ’’ꦠꦶ ꦥꦸꦒ꧀ꦒꦭꦴꦤꦸꦒ꧀ꦒꦲꦺꦤ ꦮꦴ ꦤ ꦢꦺꦠꦶ, ꦤ ꦠꦁ ꦩꦕ꧀ꦖꦫꦶꦪꦁ. ꦣꦩ꧀ꦩꦺꦴꦠꦶ ꦕꦺꦠ꧀ꦡ ꦥꦫꦶꦪꦠ꧀ꦠꦶꦣꦩ꧀ꦩꦺꦴ ꦄꦣꦶꦥ꧀ꦥꦺꦠꦺꦴ. ꦥꦛꦶꦮꦺꦣꦣꦩ꧀ꦩꦺꦴ ꦲꦶ ꦄꦫꦶꦪꦴꦤꦁꦪꦺꦮ ꦲꦺꦴꦠꦶ, ꦠꦺ ꦕ ꦤꦁ ꦤ ꦩꦕ꧀ꦖꦫꦴꦪꦤ꧀ꦠꦶ ꦩꦕ꧀ꦖꦫꦶꦪꦱ꧀ꦱ ꦱꦧ꧀ꦧꦱꦺꦴ ꦥꦲꦷꦤꦠ꧀ꦠꦴꦠꦶ ꦠꦱ꧀ꦱ ꦄꦱꦩ꧀ꦨꦮꦺꦴ ꦌꦮ. ꦠꦠ꧀ꦡ ꦄꦴꦮꦴꦱꦩꦕ꧀ꦖꦫꦶꦪꦺꦤ ꦭꦺꦴꦲꦒꦺꦲꦺ ꦥꦕ꧀ꦕꦠꦶ, ꦪꦏ꧀ꦑꦺꦴ ꦮꦴ ꦥꦺꦠꦺꦴ ꦮꦴ ꦲꦸꦠ꧀ꦮꦴ ꦠꦱ꧀ꦱꦺꦮ ꦄꦴꦮꦴꦱꦱ꧀ꦱ ꦱꦔ꧀ꦏꦴꦫꦁ ꦱꦷꦱꦺꦤ ꦈꦏ꧀ꦑꦶꦥꦶꦠ꧀ꦮꦴ ꦕꦫꦠꦶ. ꦏꦸꦭꦩꦕ꧀ꦖꦫꦶꦪꦺꦤ ꦄꦥ꧀ꦥꦨꦺꦴꦒꦺꦴ ꦲꦺꦴꦠꦶ. ꦭꦴꦨꦩꦕ꧀ꦖꦫꦶꦪꦺꦤ ꦒꦹꦡꦤꦶꦫꦪꦺ ꦤꦶꦧ꧀ꦧꦠ꧀ꦠꦠꦶ, ꦱꦔ꧀ꦓꦱ꧀ꦱ ꦮꦴ ꦒꦟꦱ꧀ꦱ ꦮꦴ ꦭꦴꦨꦁ ꦩꦕ꧀ꦖꦫꦴꦪꦶꦠ꧀ꦮꦴ ꦥꦸꦒ꧀ꦒꦭꦶꦏꦥꦫꦶꦨꦺꦴꦒꦺꦤ ꦮꦴ ꦥꦫꦶꦨꦸꦚ꧀ꦗꦶꦠ꧀ꦮꦴ ꦪꦏ꧀ꦑꦺꦴ ꦮꦴ ꦥꦺꦠꦺꦴ ꦮꦴ ꦩꦲꦴꦄꦗꦒꦫꦺꦴ ꦮꦴ ꦲꦸꦠ꧀ꦮꦴ ꦤꦶꦧ꧀ꦧꦠ꧀ꦠꦠꦶ. ꦮꦟ꧀ꦟꦩꦕ꧀ꦖꦫꦶꦪꦺꦤ ꦨꦮꦺꦱꦸ ꦤꦶꦧ꧀ꦧꦠ꧀ꦠꦱ꧀ꦱ ꦮꦟ꧀ꦟꦺꦴ ꦤꦴꦩ ꦤ ꦲꦺꦴꦠꦶ. ꦣꦩ꧀ꦩꦩꦕ꧀ꦖꦫꦶꦪꦺꦤ ꦏꦸꦏ꧀ꦏꦸꦭ꦳ꦤꦶꦫꦪꦺ ꦤꦶꦧ꧀ꦧꦠ꧀ꦠꦠꦶ. ꦖꦛ꧀ꦜꦴꦢꦷꦤꦶ ꦈꦠ꧀ꦠꦴꦤꦠ꧀ꦡꦴꦤꦺꦮ.

ꦩꦕ꧀ꦖꦫꦶꦤꦷꦱꦸꦠ꧀ꦠꦴꦢꦶꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.

ꦄꦤ꧀ꦣꦏꦮꦶꦤ꧀ꦢꦮꦒ꧀ꦒꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.