꧕. ꦄꦤꦸꦱꦺꦴꦠꦱꦸꦠ꧀ꦠꦮꦟ꧀ꦟꦤꦴ

꧕. ꦥꦚ꧀ꦕꦩꦺ ꦄꦤꦸꦱꦺꦴꦠꦁ ꦒꦕ꧀ꦖꦠꦷꦠꦶ ꦱꦁꦱꦴꦫꦱꦺꦴꦠꦱ꧀ꦱ ꦄꦤꦸꦏꦹꦭꦨꦴꦮꦺꦤ ꦒꦕ꧀ꦖꦠꦶ. ꦥꦕ꧀ꦕꦤꦷꦏꦥꦛꦶꦥꦠ꧀ꦠꦶꦪꦴꦠꦶ ꦱꦁꦱꦴꦫꦱꦺꦴꦠꦱ꧀ꦱ ꦥꦛꦶꦏꦹꦭꦮꦱꦺꦤ ꦥꦮꦠ꧀ꦠꦤꦶꦧ꧀ꦧꦶꦢꦴꦤꦸꦥꦱ꧀ꦱꦤꦴꦢꦶꦥꦛꦶꦥꦠ꧀ꦠꦶꦪꦴ. ꦜꦶꦠꦱꦨꦴꦮꦺꦴꦠꦶ ꦄꦕꦭꦥ꧀ꦥꦱꦴꦢꦴꦢꦶꦱꦩꦤ꧀ꦤꦴꦒꦩꦺꦤ ꦜꦶꦠꦱꦨꦴꦮꦺꦴ. ꦄꦤꦴꦒꦴꦩꦷ ꦲꦶ ꦄꦱ꧀ꦱꦢ꧀ꦣꦶꦪꦺꦲꦶ ꦏꦴꦩꦫꦴꦒꦧ꧀ꦪꦴꦥꦴꦢꦺꦲꦶ ꦄꦏꦩ꧀ꦥꦤꦶꦪꦕꦶꦠ꧀ꦠꦠꦴꦪ ꦠꦩ꧀ꦲꦴ ꦭꦺꦴꦏꦴ ꦄꦤꦴꦮꦠ꧀ꦠꦶꦣꦩ꧀ꦩꦠꦴꦪ ꦕ ꦜꦶꦠꦱꦨꦴꦮꦺꦴ ꦤꦴꦩ. ꦎꦓꦁ ꦠꦫꦶꦠ꧀ꦮꦴꦠꦶ ꦏꦴꦩꦺꦴꦓꦴꦢꦶꦕꦠꦸꦧ꧀ꦧꦶꦣꦁ ꦎꦓꦁ ꦄꦠꦶꦏ꧀ꦏꦩꦶꦠ꧀ꦮꦴ. ꦥꦫꦠꦷꦫꦁ ꦒꦠꦺꦴꦠꦶ ꦤꦶꦧ꧀ꦧꦴꦤꦥꦴꦫꦁ ꦒꦠꦺꦴ. ꦧ꧀ꦫꦴꦲ꧀ꦩꦟꦺꦴꦠꦶ ꦧꦴꦲꦶꦠꦥꦴꦥꦠꦴꦪ ꦧ꧀ꦫꦴꦲ꧀ꦩꦟꦺꦴꦠꦶ ꦱꦔ꧀ꦑꦁ ꦒꦠꦺꦴ ꦑꦷꦟꦴꦱꦮꦺꦴ. ꦠꦺꦤꦴꦲ ‘‘ꦱꦺꦛ꧀ꦜꦺꦴ ꦤꦶꦢ꧀ꦢꦺꦴꦱꦺꦴ’’ꦠꦶ. ꦥꦚ꧀ꦕꦮꦺꦫꦏꦩ꧀ꦩꦤ꧀ꦠꦶ ꦥꦴꦟꦴꦠꦶꦥꦴꦠꦴꦢꦶꦥꦚ꧀ꦕꦢꦸꦕ꧀ꦕꦫꦶꦠꦁ. ꦱꦲꦴꦥꦶ ꦢꦸꦏ꧀ꦑꦺꦤ ꦱꦲꦴꦥꦶ ꦢꦺꦴꦩꦤꦱ꧀ꦱꦺꦤꦴꦠꦶ ꦏꦶꦭꦺꦱꦥꦫꦶꦪꦸꦛ꧀ꦜꦴꦤꦺ ꦱꦠꦶ ꦈꦥ꧀ꦥꦤ꧀ꦤꦺꦤ ꦢꦸꦏ꧀ꦑꦢꦺꦴꦩꦤꦱ꧀ꦱꦺꦤ ꦱꦢ꧀ꦣꦶꦩ꧀ꦥꦶ. ꦥꦫꦶꦥꦸꦟ꧀ꦟꦤ꧀ꦠꦶ ꦠꦶꦱ꧀ꦱꦤ꧀ꦤꦁ ꦱꦶꦏ꧀ꦑꦴꦤꦁ ꦌꦏꦴꦪꦥꦶ ꦄꦤꦹꦤꦁ. ꦥꦫꦶꦱꦸꦢ꧀ꦣꦤ꧀ꦠꦶ ꦤꦶꦫꦸꦥꦏ꧀ꦏꦶꦭꦺꦱꦁ. ꦧ꧀ꦫꦲ꧀ꦩꦕꦫꦶꦪꦤ꧀ꦠꦶ ꦱꦺꦛ꧀ꦜꦕꦫꦶꦪꦁ. ꦆꦩꦶꦤꦴ ꦮꦴꦫꦺꦤ ꦱꦺꦴꦠꦴꦥꦤ꧀ꦤꦱꦏꦢꦴꦒꦴꦩꦶꦤꦺꦴ ꦏꦡꦶꦠꦴ. ꦏꦶꦁ ꦥꦤ ꦠꦺ ꦫꦸꦢꦤ꧀ꦠꦴ ꦧ꧀ꦫꦲ꧀ꦩꦕꦫꦶꦪꦁ ꦕꦫꦤ꧀ꦠꦷꦠꦶ? ꦄꦴꦩ, ꦏꦶꦭꦺꦱꦫꦺꦴꦢꦤꦺꦤ ꦫꦺꦴꦢꦤ꧀ꦠꦴ ꦕꦫꦤ꧀ꦠꦶ ꦤꦴꦩ, ꦱꦷꦭꦱꦩ꧀ꦥꦤ꧀ꦤꦺꦴ ꦥꦸꦡꦸꦗ꧀ꦗꦤꦨꦶꦏ꧀ꦑꦸ ꦌꦠ꧀ꦡꦺꦮ ꦱꦔ꧀ꦒꦲꦶꦠꦺꦴ.

ꦕꦺꦠꦺꦴꦮꦶꦩꦸꦠ꧀ꦠꦶꦤ꧀ꦠꦶ ꦦꦭꦱꦩꦴꦣꦶꦁ. ꦥꦚ꧀ꦚꦴꦮꦶꦩꦸꦠ꧀ꦠꦶꦤ꧀ꦠꦶ ꦦꦭꦚꦴꦟꦁ. ꦖꦲꦴꦏꦴꦫꦺꦲꦶ ꦥꦴꦫꦒꦠꦺꦴꦠꦶ ꦄꦨꦶꦚ꧀ꦚꦴꦥꦴꦫꦒꦹ, ꦥꦫꦶꦚ꧀ꦚꦴꦥꦴꦫꦒꦹ, ꦨꦴꦮꦤꦴꦥꦴꦫꦒꦹ, ꦥꦲꦴꦤꦥꦴꦫꦒꦹ, ꦱꦕ꧀ꦖꦶꦏꦶꦫꦶꦪꦴꦥꦴꦫꦒꦹ, ꦱꦩꦴꦥꦠ꧀ꦠꦶꦥꦴꦫꦒꦹꦠꦶ ꦌꦮꦁ ꦖꦲꦶ ꦄꦴꦏꦴꦫꦺꦲꦶ ꦱꦧ꧀ꦧꦣꦩ꧀ꦩꦴꦤꦁ ꦥꦴꦫꦁ ꦥꦫꦶꦪꦺꦴꦱꦴꦤꦁ ꦒꦠꦺꦴ. ꦱꦺꦱꦩꦺꦠ꧀ꦡ ꦱꦸꦮꦶꦚ꧀ꦚꦺꦪ꧀ꦪꦩꦺꦮ.

ꦄꦤꦸꦱꦺꦴꦠꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.