꧑. ꦖꦤ꧀ꦤꦱꦸꦠ꧀ꦠꦮꦟ꧀ꦟꦤꦴ

꧗꧒. ꦠꦠꦶꦪꦱ꧀ꦱ ꦥꦜꦩꦺ ꦖꦤ꧀ꦤꦥꦫꦶꦧ꧀ꦧꦴꦗꦏꦺꦴꦠꦶ ꦤ ꦤꦒ꧀ꦒꦥꦫꦶꦧ꧀ꦧꦴꦗꦏꦺꦴ. ꦧꦴꦲꦶꦫꦏꦱꦩꦪꦁ ꦭꦸꦚ꧀ꦕꦶꦠ꧀ꦮꦴ ꦲꦫꦤ꧀ꦠꦺꦴꦠꦶ ꦧꦴꦲꦶꦫꦏꦴꦤꦁ ꦱꦩꦪꦁ ꦤꦶꦱꦺꦣꦺꦠ꧀ꦮꦴ ꦄꦴꦥꦤ꧀ꦤꦺꦴ.

ꦥꦚ꧀ꦚꦴꦕꦏ꧀ꦑꦸꦱ꧀ꦱ ꦮꦶꦧꦤ꧀ꦣꦤꦠꦺꦴ ꦄꦤ꧀ꦣꦁ ꦏꦫꦺꦴꦠꦷꦠꦶ ꦄꦤ꧀ꦣꦏꦫꦟꦺꦴꦠꦶ ꦄꦴꦲ ‘‘ꦪꦱ꧀ꦱ ꦫꦴꦒꦺꦴ ꦈꦥ꧀ꦥꦗ꧀ꦗꦠꦷ’’ꦠꦶꦄꦴꦢꦶ. ꦄꦕꦏ꧀ꦑꦸꦏꦫꦟꦺꦴꦠꦶ ꦄꦱꦩꦠ꧀ꦡꦱꦩꦴꦱꦺꦴꦪꦁ ‘‘ꦄꦱꦹꦫꦶꦪꦥꦱ꧀ꦱꦴꦤꦶ ꦩꦸꦑꦴꦤꦷ’’ꦠꦶꦄꦴꦢꦷꦱꦸ ꦮꦶꦪꦴꦠꦶ ꦄꦴꦲ ‘‘ꦥꦚ꧀ꦚꦴꦕꦏ꧀ꦑꦸꦁ ꦤ ꦏꦫꦺꦴꦠꦷꦠꦶ ꦄꦕꦏ꧀ꦑꦸꦏꦫꦟꦺꦴ’’ꦠꦶ. ꦥꦚ꧀ꦚꦴꦤꦶꦫꦺꦴꦣꦶꦏꦺꦴꦠꦶ ꦄꦤꦸꦥ꧀ꦥꦤ꧀ꦤꦴꦪ ꦭꦺꦴꦏꦶꦪꦭꦺꦴꦏꦸꦠ꧀ꦠꦫꦴꦪ ꦥꦚ꧀ꦚꦴꦪ ꦈꦥ꧀ꦥꦗ꧀ꦗꦶꦠꦸꦁ ꦤ ꦢꦺꦠꦶ, ꦭꦺꦴꦏꦶꦪꦥꦚ꧀ꦚꦁ ꦥꦤ ꦄꦛ꧀ꦜꦱꦩꦴꦥꦠ꧀ꦠꦶꦥꦚ꧀ꦕꦴꦨꦶꦚ꧀ꦚꦴꦮꦱꦺꦤ ꦈꦥ꧀ꦥꦤ꧀ꦤꦩ꧀ꦥꦶ ꦱꦩꦸꦕ꧀ꦖꦶꦤ꧀ꦢꦶꦠ꧀ꦮꦴ ꦑꦶꦥꦠꦷꦠꦶ ꦥꦚ꧀ꦚꦴꦤꦶꦫꦺꦴꦣꦶꦏꦺꦴꦠꦶ ꦌꦮꦩ꧀ꦥꦺꦠ꧀ꦡ ꦄꦠ꧀ꦡꦺꦴ ꦢꦛ꧀ꦜꦧ꧀ꦧꦺꦴ. ꦄꦤꦸꦥ꧀ꦥꦤ꧀ꦤꦴꦤꦸꦥ꧀ꦥꦴꦢꦈꦥ꧀ꦥꦤ꧀ꦤꦥꦫꦶꦲꦴꦤꦶꦤꦶꦩꦶꦠ꧀ꦠꦠꦴꦪ ꦲꦶ ꦥꦚ꧀ꦚꦁ ꦤꦶꦫꦺꦴꦣꦺꦠꦷꦠꦶ ꦥꦚ꧀ꦚꦴꦤꦶꦫꦺꦴꦣꦶꦏꦺꦴ. ꦮꦶꦲꦤꦠꦶ ꦮꦶꦧꦴꦣꦠꦷꦠꦶ ꦮꦶꦓꦴꦠꦺꦴ, ꦢꦸꦏ꧀ꦑꦤ꧀ꦠꦶ ꦄꦴꦲ ‘‘ꦢꦸꦏ꧀ꦑꦱꦔ꧀ꦑꦴꦠꦱ꧀ꦱ ꦮꦶꦓꦴꦠꦱ꧀ꦱꦴ’’ꦠꦶ. ꦏꦶꦭꦺꦱꦤꦶꦧ꧀ꦧꦴꦤꦤ꧀ꦠꦶ ꦆꦩꦶꦤꦴ ꦄꦱꦔ꧀ꦑꦠꦤꦶꦧ꧀ꦧꦴꦤꦩꦺꦮ ꦮꦢꦠꦶ. ꦄꦱꦔ꧀ꦑꦠꦚ꧀ꦲꦶ ꦤꦶꦧ꧀ꦧꦴꦤꦁ ꦤꦴꦩ, ꦠꦁ ꦥꦕ꧀ꦕꦏ꧀ꦑꦁ ꦏꦴꦠꦸꦁ ꦤ ꦢꦺꦠꦷꦠꦶ ꦄꦤꦶꦧ꧀ꦧꦴꦤꦱꦁꦮꦠ꧀ꦠꦤꦶꦏꦺꦴ. ꦭꦺꦴꦏꦸꦠ꧀ꦠꦫꦩꦶꦱ꧀ꦱꦏꦺꦴ ꦏꦡꦶꦠꦺꦴ ꦥꦸꦧ꧀ꦧꦨꦴꦒꦶꦪꦱ꧀ꦱꦥꦶ ꦄꦫꦶꦪꦩꦒ꧀ꦒꦱ꧀ꦱ ꦏꦡꦶꦠꦠ꧀ꦠꦴ.

ꦖꦤ꧀ꦤꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.