꧑. ꦨꦪꦱꦸꦠ꧀ꦠꦮꦟ꧀ꦟꦤꦴ

꧑. ꦠꦶꦏꦤꦶꦥꦴꦠꦱ꧀ꦱ ꦥꦜꦩꦺ ꦨꦪꦤ꧀ꦠꦶ ꦨꦷꦠꦶ ꦕꦺꦠꦱꦺꦴ ꦧ꧀ꦪꦣꦺꦴꦠꦶ ꦄꦴꦲ ‘‘ꦕꦶꦠ꧀ꦠꦸꦠ꧀ꦫꦴꦱꦺꦴ’’ꦠꦶ. ꦈꦥꦢ꧀ꦢꦮꦺꦴꦠꦶ ꦄꦤ꧀ꦠꦫꦴꦪꦺꦴ. ꦠꦱ꧀ꦱ ꦥꦤ ꦮꦶꦏ꧀ꦑꦺꦥꦏꦴꦫꦟꦠ꧀ꦠꦴ ꦮꦸꦠ꧀ꦠꦁ ‘‘ꦄꦤꦺꦏꦒ꧀ꦒꦠꦴꦏꦴꦫꦺꦴ’’ꦠꦶ. ꦈꦥꦱꦒ꧀ꦒꦺꦴꦠꦶ ꦈꦥꦱꦗ꧀ꦗꦤꦁ, ꦢꦺꦮꦠꦺꦴꦥꦥꦷꦭ꦳ꦴꦢꦶꦤꦴ ꦄꦥ꧀ꦥꦛꦶꦏꦴꦫꦮꦶꦓꦴꦠꦴꦥꦠ꧀ꦠꦶ. ꦱꦴ ꦥꦤ ꦪꦱ꧀ꦩꦴ ꦥꦛꦶꦏꦴꦫꦴꦨꦴꦮꦺꦤ ꦮꦶꦲꦚ꧀ꦚꦩꦴꦤꦱ꧀ꦱ ꦏꦶꦚ꧀ꦕꦶ ꦏꦴꦠꦸꦁ ꦄꦱꦩꦠ꧀ꦡꦱ꧀ꦱ ꦎꦱꦷꦢꦤꦏꦴꦫꦟꦁ, ꦠꦱ꧀ꦩꦴ ꦮꦸꦠ꧀ꦠꦁ ‘‘ꦠꦠ꧀ꦡ ꦠꦠ꧀ꦡ ꦭꦒ꧀ꦒꦤꦴꦏꦴꦫꦺꦴ’’ꦠꦶ. ꦪꦡꦴꦮꦸꦠ꧀ꦠꦺ ꦢꦶꦮꦱꦺ ꦄꦤꦴꦒꦕ꧀ꦖꦤ꧀ꦠꦺꦱꦹꦠꦶ ꦮꦚ꧀ꦕꦺꦠ꧀ꦮꦴ ꦄꦴꦒꦤ꧀ꦠꦸꦁ ꦤꦶꦪꦩꦶꦠꦢꦶꦮꦱꦺ ꦄꦤꦴꦒꦕ꧀ꦖꦤ꧀ꦠꦺꦱꦸ. ꦢ꧀ꦮꦴꦫꦺ ꦄꦒ꧀ꦒꦶꦁ ꦢꦠ꧀ꦮꦴꦠꦶ ꦧꦲꦶ ꦄꦤꦶꦏ꧀ꦑꦩꦤꦠ꧀ꦡꦴꦪ ꦢ꧀ꦮꦴꦫꦺ ꦄꦒ꧀ꦒꦶꦁ ꦢꦠ꧀ꦮꦴ.

ꦤꦭ꦳ꦺꦲꦶ ꦖꦤ꧀ꦤꦥꦛꦶꦕ꧀ꦖꦤ꧀ꦤꦴꦠꦶ ꦤꦭ꦳ꦺꦲꦶ ꦠꦶꦟꦕ꧀ꦖꦢꦤꦱꦔ꧀ꦑꦺꦥꦺꦤ ꦈꦥꦫꦶ ꦖꦴꦢꦺꦠ꧀ꦮꦴ ꦠꦺꦲꦶꦪꦺꦮ ꦢꦴꦫꦸꦏꦸꦛꦶꦏꦤꦶꦪꦴꦩꦺꦤ ꦥꦫꦶꦠꦺꦴꦥꦶ ꦖꦴꦢꦶꦠꦴ. ꦌꦱꦺꦮ ꦤꦪꦺꦴꦠꦶ ꦆꦩꦶꦤꦴ ꦠꦶꦟꦺꦲꦶ ꦖꦤ꧀ꦤꦠꦁ ꦱꦺꦱꦱꦩ꧀ꦨꦴꦫꦴꦤꦁ ꦫꦸꦏ꧀ꦑꦩꦪꦠꦚ꧀ꦕ ꦄꦠꦶꦢꦶꦱꦠꦶ.

ꦮꦶꦣꦮꦥꦸꦠ꧀ꦠꦺꦠꦶ ꦄꦤ꧀ꦠꦨꦴꦮꦺꦴꦥꦭꦏ꧀ꦑꦟꦁ. ꦠꦺ ꦲꦶ ꦤꦶꦥ꧀ꦥꦶꦠꦶꦏꦴ ꦄꦮꦶꦤꦷꦠꦴ ꦄꦱꦁꦪꦠꦴ ꦪꦁ ꦏꦶꦚ꧀ꦕꦶ ꦏꦴꦫꦶꦤꦺꦴ. ꦱꦺꦱꦩꦺꦠ꧀ꦡ ꦈꦠ꧀ꦠꦴꦤꦩꦺꦮ.

ꦨꦪꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.